សេដ្ឋកិច្ច

ក្រុមហ៊ុនអ្នកឧកញ៉ា គិត ម៉េង និងក្រុមហ៊ុនចិនមួយ កំពុងសិក្សាគម្រោងសង់វារីអគ្គិសនី១.៤០០មេហ្គាវ៉ាត់នៅខេត្តស្ទឹងត្រែង

បានផុស

៤ years មុន

នៅ

ថ្ងៃពុធ ២៣ មីនា ២០២២

ដោយ

ក្រុមហ៊ុនរ៉ូយ៉ាល់គ្រុបរបស់អ្នកឧកញ៉ា គិត ម៉េង បានសហការជាមួយនឹងក្រុមហ៊ុនចិនមួយ កំពុងសិក្សាគម្រោងសាង សង់វារីអគ្គិសនីកម្លាំង១.៤០០មេហ្គាវ៉ាត់នៅខេត្តស្ទឹងត្រែង។

យោងតាមសំណើរបស់ក្រុមបច្ចេកទេសហ៊ូដុង នឹងចុះសិក្សាលើទីតាំងភូមិសាស្ត្រក្រុងស្ទឹងត្រែង ស្រុកបុរីអូរស្វាយសែនជ័យ និងស្រុកថាឡាបរិវ៉ាត់ តាមដងទន្លេមេគង្គ។ ក្រុមបច្ចេក នឹងចំណាយពេលសិក្សារយៈពេល ៦ខែ គិតចាប់ពីខែមករា ដល់ខែមិថុនាឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ែន គុង អ្នកនាំពាក្យសាលាខេត្តស្ទឹងត្រែងបានឲ្យអ្នកយកព័ត៌មានដឹងថា ការចុះសិក្សាគម្រោងនេះ ក្រុមហ៊ុនជំនាញបានទទួលគោលការណ៍ពីក្រសួងពាក់ព័ន្ធថ្នាក់ជាតិ ហើយនេះគ្រាន់តែជាដំណាក់កាលចុះសិក្សាតែប៉ុណ្ណោះ។ គេនៅមិនទាន់ទទួលបានការអនុញ្ញាតឲ្យមានការសាងសង់ទំនប់នេះជាផ្លូវការពីរាជរដ្ឋាភិបាលនៅឡើយទេ។

អ្នកនាំពាក្យសាលាខេត្តបាននិយាយថា ប្រសិនបើគម្រោងនេះអាចប្រព្រឹត្តទៅតាមផែនការមែននោះ ពលរដ្ឋនឹងទទួលបានផលប្រយោជន៍ច្រើនជាងផលប៉ះពាល់ អាចជួយដល់ប្រជាជនក្នុងខេត្តស្ទឹងត្រែងក៏ដូចជាក្នុងប្រទេសមកកម្ពុជាលើគ្រប់វិស័យ។

សូមបញ្ជាក់ថា នៅខេត្តស្ទឹងត្រែងមានទំនប់វារីអគ្គិសនីសេសានក្រោម ២ សាងសង់រួចរាល់ជាទំនប់ដ៏ធំមួយនៅកម្ពុជា ដែលអាចផលិតថាមពលបាន ៤០០មេហ្គាវ៉ាត់កំពុងដំណើរការប្រើប្រាស់សព្វថ្ងៃ ហើយគម្រោងទី ២នេះ អ្នកជំនាញបច្ចេកទេសកំពុងចុះសិក្សានៅឡើយ៕

អត្ថបទ៖ងិនលីម

Related Topics:អ្នកឧកញ៉ា គិត ម៉េង Featured វារីអគ្គិសនី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា