អង់គ្លេស នឹងផ្តល់មីស៊ីល ៦ ០០០គ្រាប់ទៀតឲ្យ អ៊ុយក្រែន  

នាយករដ្ឋមន្ត្រីអង់គ្លេស លោក Boris Johnson គ្រោងនឹងប្រកាសនៅថ្ងៃព្រហស្បតិ៍ទី២៤ខែមីនានេះថា ចក្រភពអង់គ្លេសនឹងផ្តល់ឲ្យអ៊ុយក្រែន នូវមីស៊ីលបន្ថែមប្រហែល ៦ ០០០គ្រាប់។

នៅឯកិច្ចប្រជុំរបស់មេដឹកនាំណាតូ និង G7 ក្នុងទីក្រុងព្រុចសែល លោក Johnson ក៏នឹងបង្ហាញពីមូលនិធិចំនួន ២៥ លានផោន (៣៣ លានដុល្លារ) ដើម្បីជួយចំណាយដល់ទាហាន និងអាកាសយានិកអ៊ុយក្រែនផងដែរ។

លោក Johnson និយាយថា “ចក្រភពអង់គ្លេសនឹងធ្វើការជាមួយសម្ព័ន្ធមិត្ត ដើម្បីបង្កើនការគាំទ្រផ្នែកយោធា និងសេដ្ឋកិច្ចដល់អ៊ុយក្រែន ដោយពង្រឹងការការពាររបស់ពួកគេ”។

មួយខែនៅក្នុងវិបត្តិនេះ សហគមន៍អន្តរជាតិប្រឈមមុខនឹងជម្រើសមួយ។ យើងអាចរក្សាអណ្តាតភ្លើងនៃសេរីភាពនៅអ៊ុយក្រែន បើមិនដូច្នោះទេ វានឹងប្រថុយនឹងការឆាបឆេះនៅទូទាំងអឺរ៉ុប និងពិភពលោកទាំងមូល។

គួរបញ្ជាក់ថា កញ្ចប់ថ្មីនេះនឹងបន្ថែមលើមីស៊ីលប្រហែល ៤ ០០០គ្រាប់ ដែលចក្រភពអង់គ្លេស បានផ្តល់ឲ្យកងកម្លាំងអ៊ុយក្រែនរួចទៅហើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ ក្តីស្រមៃរបស់កូនស្រីច្បងលោក ពូទីន ត្រូវរលាយ ដោយសារស្នាដៃឪពុក