ព័ត៌មានអន្ដរជាតិ

ប្រធានាធិបតីតៃវ៉ាន់ស្នើហ្សេលេនស្គីឱ្យជជែកគ្នាពីការយល់ខុសលើតៃវ៉ាន់ លក់សមាសធាតុមីស៊ីលឱ្យរុស្ស៊ី

បានផុស

៣ ខែ មុន

នៅ

ថ្ងៃសុក្រ ២៣ មករា ២០២៦

ដោយ

ប្រធានាធិបតីតៃវ៉ាន់ លោក Lai Ching-te បានស្នើឱ្យមានជជែកជាមួយប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី [Volodymyr Zelenskiy] ដើម្បីដាក់ទណ្ឌកម្មចំពោះសមាសធាតុមីស៊ីលខុសច្បាប់។

បើតាមរ៉យទ័រ ចាប់តាំងពីរុស្ស៊ីបានឈ្លានពានអ៊ុយក្រែនក្នុងឆ្នាំ២០២២ ប្រទេសតៃវ៉ាន់បានធ្វើបច្ចុប្បន្នភាពជាបន្តបន្ទាប់ការត្រួតពិនិត្យការនាំចេញនានា ដើម្បីបញ្ឈប់ទំនិញបច្ចេកវិទ្យាខ្ពស់ ដែលប្រើប្រាស់ក្នុងគោលបំណងកងកម្លាំងយោធា។

ថ្លែងក្នុងក្រុង Davos, លោក ហ្សេលេនស្គី បាននិយាយថា៖ «រុស្ស៊ីមិនអាចផលិតមីស៊ីលដោយមិនចូលរួមសមាសធាតុសំខាន់ៗពីប្រទេស ចិន អឺរ៉ុប សហរដ្ឋអាមេរិក និងតៃវ៉ាន់ទេ»។

តែយ៉ាងណា លោក Lai បានឆ្លើយតបនៅលើគណនី X របស់ខ្លួនជាភាសាអង់គ្លេស ថា៖ «តៃវ៉ាន់បានធ្វើការយូរហើយ ជាមួយដៃគូសកលក្នុងការគាំទ្រអ៊ុយក្រែន តាមរយៈជំនួយមនុស្សធម៌ និងជួយសម្របសម្រួលដើម្បីដាក់ទណ្ឌកម្មការនាំចូលអាវុធដែលខុសច្បាប់»។

លោកបានបន្ថែមថា៖ «យើងស្វាគមន៍ជានិច្ច ក្នុងការផ្លាស់ប្តូរព័ត៌មានបន្ថែមទៀតជាមួយប្រធានាធិបតី លោក ហ្សេលេនស្គី @ZelenskyyUa ដើម្បីទប់ស្កាត់បន្ថែមទៀត លើការដឹកជញ្ជូនប្រទេសទី៣ ខុសច្បាប់ និងការប្រើប្រាស់ដោយលាក់បាំង»។

លោកក៏បានសង្កត់ធ្ងន់ទៀតថា៖ «ពីដើមឡើយ មានយុវជនតៃវ៉ាន់បានពលីជីវិតដើម្បីការពារប្រទេសអ៊ុយក្រែន។ យើងនៅច្បាស់ក្នុងចិត្ត ថាជំនួយណាមួយដែលធ្វើឱ្យមានការឈ្លានពាន ឬការបំពាន និងបទប្បញ្ញត្តិគ្រប់គ្រងការនាំចេញ គឺមិនអាចទទួលយកបានឡើយ។ យើងបួងសួងសុំឱ្យសន្តិភាពនៅអ៊ុយក្រែនកើតឡើងវិញឆាប់ៗនេះ»៕

ថ្លែងទៅកាន់អ្នកសារព័ត៌មាននៅទីក្រុងតៃប៉ិនៅថ្ងៃសុក្រ លោក Lai បានស្វាគមន៍ លោក Zelenskiy ក្នុងការបញ្ជូនអ្នកជំនាញណាមួយមកតៃវ៉ាន់ដើម្បីឱ្យដឹងពីទណ្ឌកម្មនេះ។

មិនតែប៉ុណ្ណោះ លោកបន្ថែមទៀតថា៖ «យើងមានឆន្ទៈក្នុងការពង្រឹងការគ្រប់គ្រងលើទំនិញដែលឆ្លងកាត់ប្រទេសទីបី ដែលលាក់បាំងជាសម្ងាត់ ដើម្បីកុំឱ្យចូលទៅក្នុងប្រទេសរុស្ស៊ី និងការពារអ៊ុយក្រែន»។

តែយ៉ាងណារ៉យទ័រមិនអាចទទួលបានការឆ្លើយតបពីប្រធានាធិបតី អ៊ុយក្រែនលើរឿងនេះនៅឡើយ៕

ប្រែសម្រួល៖ ណឺ មិនា