ក្តីស្រមៃរបស់កូនស្រីច្បងលោក ពូទីន ត្រូវរលាយ ដោយសារស្នាដៃឪពុក  

សង្រ្គាមនៅអ៊ុយក្រែន បានបំផ្លាញក្តីស្រមៃរបស់កូនស្រីច្បងលោក វ្ល៉ាឌីមៀរ ពូទីន ក្នុងការបើកមជ្ឈមណ្ឌលវេជ្ជសាស្រ្ដទំនើប សម្រាប់ជនបរទេសដែលមានទ្រព្យសម្បត្តិស្តុកស្តម្ភនៅក្នុងប្រទេសរុស្ស៊ី ខណៈមានសេចក្តីរាយការណ៍ថា ជីវិតអាពាហ៍ពិពាហ៍របស់នាងជាមួយស្វាមីលោកខាងលិច បានបែកបាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីវេជ្ជបណ្ឌិត Maria Vorontsova អាយុ ៣៦ឆ្នាំ បានចាប់កំណើតនៅពេលដែលប្រធានាធិបតីរុស្ស៊ីកាន់តួនាទីជាចារកម្ម KGB ហើយលោកស្រីគឺជាអ្នកជំនាញខាងជំងឺហ្សែនកុមារដ៏កម្រ។

អ្នកកាសែតស៊ើបអង្កេតរុស្ស៊ីលោក Sergey Kanev បាននិយាយថា លោកពូទីន កំពុងធ្វើរឿងបណ្តាលឲ្យប៉ះពាល់ដល់កូនស្រីច្បងរបស់គាត់ ពោលគឺលោក ពូទីន កំពុងបង្កឲ្យមានទណ្ឌកម្មលោកខាងលិចដ៏ធំ ដោយសារតែសង្គ្រាមជាមួយអ៊ុយក្រែន។

អ្នកកាសែតរូបនេះ​បាន​លាតត្រដាង​ថា “នាង​មាន​ចំណែក​ធំ ​ក្នុង​គម្រោងយក្ស​សម្រាប់​ការ​សាងសង់​មជ្ឈមណ្ឌល​វេជ្ជសាស្ត្រ​ទំនើប​មួយ​នៅ​ជិត​ទីក្រុង St. Petersburg។ ផែនការនេះគឺដើម្បីទាក់ទាញអ្នកជំងឺមកពីអឺរ៉ុប និងត្រកូលអភិជន មកពីបណ្តាប្រទេសឈូងសមុទ្រពែក្ស។ ហើយ​ឥឡូវ​នេះ បន្ទាប់​ពី​ការ​វាយ​ប្រហារ​លើ​អ៊ុយក្រែន តើ​ពួក​អឺរ៉ុប និងអ្នកមានអារ៉ាប់នឹងចូល​មកដោយរបៀបណាទៅ?”។

ចំណែកអ្នកកាសែតរុស្ស៊ីម្នាក់ទៀតឈ្មោះ Roman Dobrokhotov បានអះអាងថា ឥឡូវនេះ លោកស្រី Vorontsova បានបែកបាក់ពីប្តីជាអ្នកជំនួញជនជាតិហូឡង់ឈ្មោះ Jorrit Faassen ហើយ។

លោក Faassen ត្រូវបានគេស្គាល់ថា បានធ្វើការរយៈពេលដ៏យូរក្នុងប្រទេសរុស្ស៊ីនៅក្រុមហ៊ុន Gazprombank-Invest និង Stroytransgaz។ ឪពុករបស់គាត់ គឺជាវរសេនីយ៍ឯកនៅក្នុងកងកម្លាំងប្រដាប់អាវុធហូឡង់។

ទោះបីជាយ៉ាងណាក៏ដោយ លោក​មិន​បាន​ផ្តល់​ព័ត៌មាន​លម្អិត​​តើថា ​ពេល​ណា​ដែល​ពួក​គេ​បែក​គ្នា​នោះ​ទេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អង់គ្លេស ជំរុញឲ្យឥណ្ឌា បោះបង់ជំហរអព្យាក្រឹត ហើយថ្កោលទោស ការលុកលុយរបស់រុស្ស៊ី