វប្បធម៌ ជំនឿ
បើយល់សប្តិឃើញសត្វឥន្ទ្រី អ្នកនឹងមានអំណាចយ៉ាងរឹងមាំ
បើសិនអ្នកណាម្នាក់គេងលក់ហើយមើលឃើញឥន្ទ្រីក្នុងក្តីសុបិនអាចជាការមកប្រាប់ឱ្យដឹងអំពីភាពថ្លៃថ្នូរនិងមោទកភាពនៃអនាគតដ៏ខ្លីខាងមុខរបស់ខ្លួនគេនោះផ្ទាល់។
អាស្រ័យលើបរិបទនិងចក្ខុវិស័យនៃក្តីសុបិន ចលនាឥន្ទ្រីនោះផង។ ប្រសិនបើឃើញចាប់សត្វឥន្ទ្រីឬដាក់អន្ទាក់ សុបិនចង់មកណែនាំថា សាម៉ីខ្លួនត្រូវមានការយល់ដឹងកាន់តែច្រើនចំពោះអ្នកដទៃ ចេះអោន ចេះចុះចូលខ្លះ។ បើឃើញចិញ្ចឹមឥន្ទ្រី តំណាងឱ្យតម្រូវការពត់បង្វឹកជំនាញបន្ថែមជាមួយអាជីពហើយសម្រួចឆន្ទៈ និងភាពក្លាហានដើម្បីបន្តមានអំណាចនិងសម្រេចភោគផល។
បើឃើញខ្លួនឯងងាកទៅរកសត្វឥន្ទ្រី តំណាងឱ្យការទំនាក់ទំនងជាមួយភាពខាងវិញ្ញាណដែលរឹងមាំលាក់កំបាំងក្នុងខ្លួនហើយប្រើវាចេញមកបង្កើតអំណាច។
សុបិនអំពីឥន្ទ្រីនៅក្នុងផ្ទះឬការិយាល័យ បន្ទប់គេងបង្ហាញថា អ្នកនៅតែមិនទាន់អាចបញ្ចេញអំពីសមត្ថភាពអស់ ជាខ្លួនអ្នកហើយជាមនុស្សដែលអ្នកពិតជាចង់បាននៅឡើយព្រោះត្រូវគេបង្ខាំង។
ការសម្លាប់ឬបាញ់ឥន្ទ្រីដោយកាំភ្លើងក្នុងក្តីសុបិន បង្ហាញពីភាពគ្មានមេត្តា នៅក្នុងមហិច្ឆិតាទម្លាក់គូប្រជែងឬសូម្បីតែអ្នកដែលនៅជុំវិញខ្លួន ដើម្បីសម្រេចគោលដៅរបស់អ្នក។
សុបិនអំពីការបរិភោគសត្វឥន្ទ្រីក្នុងក្តីសុបិនបង្កប់ន័យថា ដើម្បីទទួលបានមោទកភាពទ្រព្យសម្បត្តិនិងឥទ្ធិពលអ្នកត្រូវធ្វើការលើចរិតរឹងមាំនិងមានឥទ្ធិពលមួយដែលត្រូវតែដាច់ណាត់។
រងការវាយប្រហារដោយឥន្ទ្រីក្នុងសុបិនឬត្រូវវាខាំ ជាការព្រមានមួយដែលអ្នកអាចនឹងលិចលង់ ខាតបង់លុយទៅក្នុងការភ្នាល់ការប្រថុយប្រថានឬពេលវេលាដែលព្យាយាមទាំងប្រថុយប្រថាន។ ប្រហែលជាអ្នកកំពុងរៀបចំផែនការកាន់កាប់តួនាទី ឬទិញយកក្រុមហ៊ុន វិនិយោគ ដូរការងារ។ល។ ដែលមានគ្រោះថ្នាក់ ឬបុគ្គលផ្សេងទៀតដែលនឹងប៉ុនប៉ងធ្វើបាបអ្នកក្នុងជីវិតពិត។
សុបិនឃើញឥន្ទ្រីហើរលើមេឃ ក្នុងជីវិតពិតវិញម្ចាស់សុបិន នឹងប្រព្រឹត្ដយ៉ាងស្វាហាប់ក្លាហានជាមួយបំណងប្រាថ្នាខ្ពស់តែត្រូវតែអត់ធ្មត់ដើម្បីរង់ចាំពេលវេលាល្អឥតខ្ចោះនិងវាយប្រហារយកគោលដៅដោយភាពជាក់លាក់។
សុបិនអំពីឥន្ទ្រីដេញតាមបង្ហាញថាអ្នកកំពុងជួបប្រទះបញ្ហាហិរញ្ញវត្ថុនិងការថប់បារម្ភដែលកើតឡើងជាមួយគ្នា។ ជាប្រផ្នូលនៃភាពភ័យខ្លាចគ្រោះមហន្តរាយ បំណុល។ល។
ចំណែកបើសុបិនអំពីឥន្ទ្រីងាប់បង្ហាញថា កិត្តិនាម ភព្វសំណាង និងថាមពលវិជ្ជាជីវៈរបស់អ្នកនឹងត្រូវបានដកហូត។ ប្រផ្នូលសត្វឥន្ទ្រីដែលងាប់អាចទាក់ទងជាមួយមនុស្សម្នាក់ដែលបាត់បង់ការគ្រប់គ្រងនិងអំណាចពីឋានៈសង្គមខ្ពស់របស់ពួកគេ។
សុបិនអំពីឥន្ទ្រីចុះទុំលើយើង មិនថាលើដៃឬស្មាក្នុងក្តីសុបិន ជាសញ្ញាថាសេចក្តីប្រាថ្នាដ៏លើសលុបទាំងឡាយ ក្លាយជាសម្រេចបានងាយៗ ទំនាក់ទំនងល្អប្រសើរជាមួយអ្នកដែលនៅជុំវិញទាំងនៅកន្លែងធ្វើការនិងនៅផ្ទះ។
ចំណែកយល់សប្តិឃើញសត្វឥន្ទ្រីសម្លាប់ពស់បង្ហាញថា មានអ្នកក្បត់នៅជុំវិញម្ចាស់សុបិនក្នុងជីវិតពិត។ ប្រផ្នូលនេះគំរាមកំហែងដល់ឋានានុក្រមការងារដែលអ្នករួមការងារព្យាយាមផ្តួលរំលំតែការប៉ុនប៉ងនោះទំនងជានឹងបរាជ័យ។
រីឯ បើគេងសុបិនឃើញស្លាបឥន្ទ្រីបង្ហាញថាអ្នកនឹងទទួលបានកិត្តិនាមរហ័សមួយ និងទទួលបាននូវហិរញ្ញវត្ថុដែលមានមកជាមួយកិត្តិនាម។ ទោះជាយ៉ាងណាក៏ដោយកិត្តិនាមនេះនឹងមានរយៈពេលខ្លីប៉ុណ្ណោះ។ អ្នកនឹងត្រូវការអភិវឌ្ឍខ្លួនអ្នកនិងរូបភាពរបស់អ្នកឱ្យបានពេញលេញដើម្បីទទួលបានឥទ្ធិពលយូរអង្វែងពីភព្វសំណាងនេះ។
ជាសរុបមកវិញ ឥន្ទ្រីក្នុងសុបិន ជាប្រផ្នូលល្អ ដែលបង្ហាញពីរូបភាពនិងភាពក្លាហានក្នុងសង្គមមរបស់ម្ចាស់សុបិន។ បំណងប្រាថ្នាគេនឹងរីកចម្រើន៕
គ្រូ ឯម
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ