ព័ត៌មានជាតិ

ទោះមានតម្លៃទាប ប៉ុន្តែស្លឹកម្កាក់អាចលក់បានរាល់ថ្ងៃ

បានផុស

៥ years មុន

នៅ

ថ្ងៃសុក្រ ១៨ ធ្នូ ២០២០

ដោយ

កសិករយើងភាគច្រើន ក្នុងតំបន់សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញនិយមដាំដើមម្កាក់យកស្លឹកលក់អាស្រ័យ ដោយសារតែស្លឹកម្កាក់អាចលក់បាននៅក្នុងទីផ្សាររាល់ថ្ងៃ បើទោះបីជាស្លឹកម្កាក់មានតម្លៃទាបក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កសិករ សុគន្ធ ដែលជាអ្នកដាំដើមម្កាក់យូរឆ្នាំមកហើយ បន្ទាប់ពីដើមម្រុំ បានឲ្យដឹងថា ការដាំម្កាក់នេះ ក៏ដូចជាដាំដើមម្រុំដែរ ដោយម្ខាងដាំម្រុំ និងម្ខាងទៀតដាំម្កាក់ ប៉ុន្តែចំពោះដើមម្កាក់ប្រើប្រាស់ទឹកច្រើនជាងដើមម្រុំ ហើយនៅពេលបានផលក៏មានតម្លៃខុសគ្នាដែរ។ បងស្រីបានបន្តថា ក្នុងពេលទទួលផលដើមម្កាក់ដាំដំបូងរយៈពេលបីខែ ដែលអាចកាត់ស្លឹកយកលក់បានក្នុង១គីឡូក្រាម ស្លឹកម្កាក់បានថ្លៃតែ៨០០រៀលទៅ១០០០រៀលប៉ុណ្ណោះ តែបើខ្សត់អាចបានថ្លៃលើសនឹងទៅទៀត។ គាត់បានដាំប្រភេទបន្លែស្លឹកម្កាក់នេះ យូរឆ្នាំមកហើយដោយមិនបោះបង់ចោលបានឡើយ។ ស្លឹកម្កាក់ បានជួយផ្គត់ផ្គង់ដល់ជីវភាពគ្រួសារគាត់ ក៏ព្រោះតែស្លឹកម្កាក់នេះ ទទួលបានផលរាល់ថ្ងៃទន្ទឹមនឹងទីផ្សារក៏តម្រូវការរាល់ថ្ងៃផងដែរ៕