សេដ្ឋកិច្ច
ក្រៅពីដាំកាហ្វេ ក្រុមហ៊ុនក្នុងស្រុកមួយ ប្រមូលទិញគ្រាប់កាហ្វេពីកសិករផ្គត់ផ្គង់ទីផ្សាររាជធានីភ្នំពេញ
ក្រុមហ៊ុនក្នុងស្រុកមួយ ក្រៅពីវិយោគទៅលើចម្ការកាហ្វេនៅខេត្តមណ្ឌលគិរី បច្ចុប្បន្នក្រុមហ៊ុនក៏បានប្រមូលទិញគ្រាប់ កាហ្វេពីប្រជាកសិករនៅតាមចម្ការផ្សេងៗទៀត ដើម្បីផ្គត់ផ្គង់មកកាន់ទីផ្សាររាជធានីភ្នំពេញ។
ថ្លែងប្រាប់ កម្ពុជាថ្មី លោក ជិន ជ័យាបុត្រ អគ្គនាយកក្រុមហ៊ុន គិរីកាហ្វេ Kiri Highland Heritage Trading Co,.td បានឱ្យដឹងថា បច្ចុប្បន្នក្រុមហ៊ុនរបស់លោកមានចម្ការកាហ្វេផ្ទៃដីសរុបជាង ៦៥ ហិកតា ក្នុងនោះមានដីប្រមាណជាង ១៥ហិកតា ដែលអាចប្រមូលផលកាហ្វេបាន។ ដំណើរការដាំ និងផ្គត់ផ្គង់គ្រាប់កាហ្វេនេះ ក្រុមហ៊ុនគិរីកាហ្វេ បានចាប់ផ្តើមវាឡើងមកកាលពីឆ្នាំ ២០២៤។
ទោះជាកម្ពុជា មានផ្ទៃដីដែលអាចដាំដុះកាហ្វេបានក៏ពិតមែន ប៉ុន្ដែម្ចាស់ក្រុមហ៊ុនកាហ្វេរូបនេះ បញ្ជាក់ថា ពាក់ព័ន្ធនឹងការផ្គត់ផ្គង់គ្រាប់កាហ្វេក្នុងស្រុកនាពេលបច្ចុប្បន្ន គឺនៅតែពុំទាន់អាចគ្រាប់គ្រាន់នៅឡើយ។ ដោយឡែក ការប្រមូលទិញគ្រាប់កាហ្វេ រួមផ្សំជាមួយគ្រាប់កាហ្វេដែលមានស្រាប់នៅចម្ការ ត្រឹមតែអាចផ្គត់ផ្គង់បានមួយចំណែកតូចមកកាន់ទីផ្សាររាជធានីភ្នំពេញតែប៉ុណ្ណោះ។
ដ្បិតតែការផ្គត់ផ្គង់នៅមានកម្រិត តែអ្វីដែលយើងមានមោទនភាព និងគួររីករាយបំផុតនោះគឺ ខេត្តមណ្ឌលគិរី និងរតនគិរី ជាខេត្តដែលមានសក្ដានុពលទៅលើដំណាំកាហ្វេ ពិសេសគឺគ្រាប់កាហ្វេដែលមានគុណភាពខ្ពស់ និងមានរសជាតិឈ្ងុយឆ្ងាញ់ ដែលរាល់គ្រាប់កាហ្វធានាថាធម្មជាតិពិតៗ។
លោក ឌុក ពិសិដ្ឋ ប្រធានសមាគមកាហ្វេកម្ពុជា ធ្លាប់បានប្រាប់ កម្ពុជាថ្មី ថា កម្ពុជាមានលទ្ធភាពដាំកាហ្វេផ្គត់ផ្គង់តម្រូវការបានប្រមាណ ១ ០០០ តោនប៉ុណ្ណោះ ខណៈតម្រូវការផ្គត់ផ្គង់បើតាមការប៉ាន់ស្មានមានប្រហែលជាង ១ ម៉ឺន ៣ ពាន់តោនក្នុងមួយឆ្នាំ។
ប្រធានសហគមរូបនេះ បន្ថែមថា ដើម្បីអាចផ្គត់ផ្គង់តម្រូវការក្នុងស្រុកបានគ្រប់គ្រាន់គឺត្រូវការផ្ទៃដីដាំដុះកាហ្វេប្រហែល ៨ ០០០ ហិកតា ទើបអាចឆ្លើយតបទៅនឹងតម្រូវការទីផ្សារបាន។
យ៉ាងណាមិញ ដើម្បីជំរុញផលិតកម្មកាហ្វេបំពេញតម្រូវការដែលខ្វះខាត ប្រធានសមាគមកាហ្វេកម្ពុជាលើកទឹកចិត្តឱ្យពលរដ្ឋពង្រីកផ្ទៃដីដាំដុះដោយប្តូរពីការដាំដំណាំផ្សេងៗមកដាំកាហ្វេនៅក្នុងតំបន់ដែលអាចដាំបាន ខណៈសមាគមនឹងជួយគាំទ្រតាមរយៈការផ្ដល់ការបណ្ដុះបណ្ដាល ការណែនាំពូជ និងការផ្តល់បច្ចេកទេសដាំដុះ និងការកែច្នៃជាដើម៕
អត្ថបទ ៖ សួស សិត
-
ព័ត៌មានអន្ដរជាតិ១០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត