កីឡា
អតីតកីឡាករលើកពាន FIFA World Cup ឆ្នាំ១៩៩៨ ជាមួយបារាំង នឹងមកកម្ពុជា ក្នុងពិធីដង្ហែពាន
កីឡាករ Christian Karembeu នឹងធ្វើដំណើរមកកម្ពុជា ដើម្បីយកពានរង្វាន់បាល់ទាត់ពិភពលោក “FIFA World Cup Trophy Tour” មកតាំងបង្ហាញជាលើកដំបូងក្នុងប្រវត្តិសាស្ត្រ។
កម្ពុជា បាននឹងកំពុងត្រៀមការដង្ហែពានរង្វាន់បាល់ទាត់ពិភពលោក “FIFA World Cup Trophy Tour” នាថ្ងៃទី១៥ ខែមិថុនា ខាងមុខ ក្រោយទទួលបានការអនុញ្ញាតពីរាជរដ្ឋាភិបាល ដែលពិធីទទួលស្វាគមន៍ និងលើកពានរង្វាន់ពិភពលោកនេះ នឹងធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ផងដែរ។
អ្វីដែលគួរឲ្យចាប់អារម្មណ៍នោះគឺខ្សែបម្រើការពារ ដែលឈ្នះជើងឯកបាល់ទាត់ពិភពលោក (FIFA World Cup) កាលពីឆ្នាំ១៩៩៨ ជាមួយក្រុមមាន់គកបារាំង Christian Karembeu នឹងតំណាង FIFA ដើម្បីដង្ហែយកពាននេះមកកាន់កម្ពុជា។
លោក Christian Karembeu បច្ចុប្បន្នមានវ័យ ៥១ឆ្នាំ គេជាប់ជម្រើសជាតិបារាំងតាំងពីឆ្នាំ១៩៩២ រហូតដល់ឆ្នាំ២០០២ បង្ហាញខ្លួនបាន ៥៣លើក និងទាត់ចូលទី ១គ្រាប់។ ក្រៅពីឈ្នះ FIFA World Cup លោកក៏ធ្លាប់ឈ្នះជើងឯកទ្វីបអ៊ឺរ៉ុប (EURO) ឆ្នាំ២០០០ និង FIFA Confederation Cup ឆ្នាំ២០០១ ផងដែរ។ កីឡាកររូបនេះជាអតីតកីឡាកររបស់ក្លិបស្រមោលស Real Madrid កាលពីឆ្នាំ១៩៩៧-២០០០ និងធ្លាប់ឈ្នះ UEFA Champions League ២ដង (១៩៩៧-៩៨ និង១៩៩៩-២០០០) ផងដែរ។
បញ្ជាក់ថា កម្ពុជា ស្ថិតក្នុងចំណោមប្រទេសចំនួន៥១ ដែលមានឱកាសនាំយកពាន World Cup ពិតប្រាកដ មកបង្ហាញប្រជាជន ជាពិសេសអ្នកស្នេហាវិស័យបាល់ទាត់។ ដំណើរទេសចរណ៍ពានរង្វាន់ FIFA World Cup™ នេះនឹងឈប់ក្នុងប្រទេសចំនួន ៥១ បូករួមជាមួយប្រទេសទាំង៣២ ដែលត្រូវចូលរួមប្រកួត FIFA World Cup 2022 ខាងមុខផងដែរ។
នេះគឺជាលើកដំបូងចំពោះការមកដល់កម្ពុជា ហើយតាមគម្រោងក្បួនដង្ហែពានរង្វាន់នឹងចាប់ផ្ដើមពីព្រលានយន្ដហោះអន្តរជាតិភ្នំពេញ មកកាន់វិមានសន្តិភាព និងមានអញ្ជើញទទួលស្វាគមន៍ដោយ សម្តេចតេជោ ហ៊ុន សែន នាយករដ្ឋមន្ដ្រី។ លើសពីនេះទៅទៀត គឺនឹងមានការស្វាគមន៍ឱ្យចូលទស្សនា និងថតរូបជាមួយពានរង្វាន់បាល់ទាត់ពិភពលោក នៅពហុកីឡដ្ឋានជាតិមរតកតេជោ ចាប់ពីម៉ោង ១រសៀល ដល់ម៉ោង ១០យប់ថែមទៀតផងដែរ៕
អត្ថបទ ៖ មន្នីរ័ត្ន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៧ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត