ប្រទះឃើញ​សពយុវជន​ម្នាក់​ សមត្ថកិច្ចសន្និដ្ឋាន​ជាករណីអត្តឃាត ខណៈមានសំបុត្របណ្ដាំ ២ សន្លឹក

មានការភ្ញាក់ផ្អើលមួយយ៉ាងខ្លាំង ​បន្ទាប់ពីក្រុមគ្រួសារសាច់ញាតិ ប្រទះឃើញសព​យុវជនម្នាក់​ដេកស្លាប់នៅក្នុងផ្ទះល្វែង របស់បុរីមួយកន្លែងរហូតហើមស្អុយទៅហើយ ព្រមទាំងបានបន្សល់ទុក​លិខិតផ្តាំផ្ញើថែមទៀតផង។

ការភ្ញាក់ផ្អើលកើតឡើងនៅវេលាម៉ោង ៩៖ ៣០ នាទីព្រឹក ថ្ងៃទី ១៨ ខែមិថុនា ឆ្នាំ២០២២ នៅក្នុងបរិវេណបុរីរតនៈ ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង។

សពបុរសជនរងគ្រោះមានឈ្មោះ ម៉េង ហុង អាយុ ១៩ ឆ្នាំ រស់នៅ​ភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង។

សមត្ថកិច្ចបានរកឃើញកូនលិខិតបណ្តាំផ្ញើ ២សន្លឹក និងសន្និដ្ឋានថា ជនរងគ្រោះអាចធ្វើអត្តឃាតដោយផឹកថ្នាំពុល ដោយសារការតូចចិត្តពីរឿងអ្វីមួយ ហើយ​ការធ្វើអត្តឃាតនេះមិនដឹងថាពីថ្ងៃណាមកទេព្រោះសពមានសភាពហើយស្អុយទៅហើយ។

ក្រោយការបញ្ចប់ការធ្វើកោសល្យវិច្ច័យ សពត្រូវបានប្រគល់ទៅឱ្យលោក អ៊ូច លី ដែលត្រូវជាបងថ្លៃ ដើម្បីយកទៅ​ធ្វើបុណ្យតាមប្រពៃណី៕

អត្ថបទ៖ សោ និយមរ័ត្ន