ព័ត៌មានជាតិ

ប.ស.ស ចាប់ផ្តើមបណ្តុះបណ្តាលគ្រូបង្គោល ត្រៀមបើកយុទ្ធនាការផ្សព្វផ្សាយផ្នែកប្រាក់សោធនដល់កម្មករ

បានផុស

៤ years មុន

នៅ

ថ្ងៃព្រហស្បតិ៍ ១៤ កក្កដា ២០២២

ដោយ

បេឡាជាតិសន្តិសុខសង្គម(ប.ស.ស.)បានចាប់ផ្តើមបើកវគ្គបណ្តុះបណ្តាលផ្ទៃក្នុងស្តីពី “របបសន្តិសុខសង្គមផ្នែកប្រាក់សោធន”ដល់បងប្អូនកម្មរនិយោជិតនាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការងារ និងបណ្តុះបណ្តាលវិជ្ជាជីវៈ បានដាក់ឱ្យអនុវត្តរបបសន្តិសុខសង្គមផ្នែកប្រាក់សោធននៅថ្ងៃទី ១ ខែកក្កដា ឆ្នាំ ២០២២ ។ ប៉ុន្តែក្រសួងទុករយៈពេល ៩០ ថ្ងៃ គឺចាប់ពីខែកក្កដា ដល់ដំណាច់ខែកញ្ញាឆ្នាំ ២០២២ ដើម្បីបើកយុទ្ធនាការផ្សព្វផ្សាយរបបសន្តិសុខសង្គមផ្នែកប្រាក់សោធន នៅតាមបណ្តាតំបន់សេដ្ឋកិច្ចពិសេស សួន ឧស្សាហកម្មរោងចក្រ សហគ្រាសគ្រឹះស្ថាន ទូទាំងរាជធានី ខេត្ត ក្រុង ស្រុកខណ្ឌ ដើម្បីឱ្យភាគីពាក់ព័ន្ធបានយល់ដឹងពីកាតព្វកិច្ចនិងផលប្រយោជន៍ដែលទទួលបានពីប្រាក់សោធននេះ។

ថ្លែងបើកវគ្គបណ្តុះបណ្តាលផ្ទៃក្នុងស្តីពី “របបសន្តិសុខសង្គមផ្នែកប្រាក់សោធន”កាលពីថ្ងៃទី ១៣កក្កដា លោក ហេង សុផាន់ណារិទ្ធ អគ្គនាយករង នៃបេឡាជាតិសន្តិសុខសង្គម បានមានប្រសាសន៍ថា វគ្គបណ្តុះបណ្តាលផ្ទៃក្នុងនេះធ្វើឡើង ក្នុងគោលបំណង ពង្រឹងសមត្ថភាព ឲ្យកាន់តែយល់ច្បាស់ពីរបបសន្តិសុខសង្គមផ្នែកប្រាក់សោធន ដើម្បីត្រៀមចុះយុទ្ធនាការផ្សព្វផ្សាយរបបសន្តិសុខសង្គមផ្នែកប្រាក់សោធន សម្រាប់បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារនាពេលខាងមុខនេះជូនដល់គ្រូបង្គោល ដែលជាថ្នាក់ដឹកនាំ និងបុគ្គលិកនៃការិយាល័យអប់រំផ្សព្វផ្សាយ។

លោក ហេង សុផាន់ណារិទ្ធ បានលើកទឹកចិត្តដល់មន្ត្រី និងបុគ្គលិកជំនាញ ប.ស.ស.ប្រមាណជា ២៧ នាក់ ដែលនឹងក្លាយជាគ្រូបង្គោលទាំងអស់យកចិត្តទុកដាក់ក្នុងការរៀនសូត្រ ហើយប្រសិនបើមានកន្លែងណាដែរមិនច្បាស់ សូមកុំមានការខ្មាសអៀន និងត្រូវហ៊ានសួរ និងឆ្លើយទៅកាន់លោកគ្រូឧទ្ទេស ដើម្បីឲ្យវគ្គបណ្តុះបណ្តាលផ្ទៃក្នុងរបស់យើងដែលមានរយៈពេលដ៏ខ្លីនេះ ទទួលបាននូវគុណតម្លៃ និងប្រកបដោយគុណភាព ដើម្បីយកចំណេះដឹងដែលទទួលបាន ចុះទៅផ្សព្វផ្សាយដល់សាធារណជន ក៏ដូចជានិយោជក និងកម្មករនិយោជិតឲ្យយល់ច្បាស់ពីរបបសន្តិសុខសង្គមផ្នែកប្រាក់សោធន។

លោកបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈរំពឹងថា នៅក្នុងរយៈពេល ៣ ខែមុន នឹងអនុវត្តជាផ្លូវការនៅខែតុលាខាងមុខនេះ ក្រុមការងារផ្សព្វផ្សាយរបស់បសសនឹងខិតខំធ្វើយ៉ាងណាបញ្ជ្រាបពីរបបសន្ដិសុខសង្គមផ្នែកសោធននេះដល់កម្មករនិយោជិតឱ្យបានយ៉ាងហោចណាស់ ៨០ ភាគរយដែរ ដើម្បីឱ្យការអនុវត្តរបបសន្តិសុខផ្នែកសោធននេះប្រកបដោយលូន៕

អត្ថបទ៖ សំអឿន

Related Topics:បេឡាជាតិសន្តិសុខសង្គម (ប.ស.ស)

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា