ត្រៀម! សិស្សពីថ្នាក់ទី៣ នឹងមានឱកាស ក្លាយជាសិល្បៈករអាជីព ៥ ជំនាញ សិក្សាដោយឥតគិតថ្លៃ

កន្លងមក យើងតែងលឺអ្នកសម្ដែងខ្លះនិយាយថា ពួកគេសុខចិត្តពុះពារហ៊ានសម្ដែងឈុតលំបាកៗ ទោះត្រូវហត់នឿយ ត្រូវបញ្ចេញសាច់ ឬអាក្រាតកាយ ឬ​ឈុតរោលរាលជាដើម គឺដើម្បី សិល្បៈខ្មែរបានរីកចម្រើន និងចូលឆាកអន្តរជាតិ។ បើស្រឡាញ់ និងចង់លើកស្ទួយសិល្បៈខ្មែរពិតមែន គឺត្រូវចូលរៀន ឱ្យចេះជំនាញវិជ្ជាជីវៈសិល្បៈ។

នេះជាឱកាស សម្រាប់បណ្ដុះទំពាំងសិល្បៈ ដោយសាលាមធ្យមវិចិត្រសិល្បៈ នៅថ្ងៃទី២៥ ខែកក្កដា ឆ្នាំ ២០២២ នេះ បានសេចក្តីជូនដំណឹង ស្តីពី ការប្រឡងជ្រើសរើសសិស្សចូលរៀនដោយឥតបង់ថ្ល សម្រាប់ឆ្នាំសិក្សា ២០២២-២០២៣។

សាលាមធ្យមវិចិត្រសិល្បៈ នៃក្រសួងវប្បធម៌ និងវិចិត្រសិល្បៈ បានជូនដំណឹងដល់សិស្សានុសិស្សដែលមាន បំណងចង់ប្រឡងចូលរៀនជំនាញសិល្បៈនៅសាលាតូរ្យតន្ត្រី របាំ ល្ខោន សៀក និងសិល្បៈសូនរូប ឱ្យបានជ្រាបថា ក្នុងឆ្នាំសិក្សា ២០២២-២០២៣ ខាងមុខនេះ សាលានឹងរៀបចំការប្រឡងជ្រើសរើសសិស្សានុសិស្សឱ្យចូលរៀនតាម សាលាជំនាញទាំង ៥ ខាងលើ ដោយឥតបង់ថ្លៃដូចតទៅ៖

១. សាលាតូរ្យតន្ត្រី

– ចម្រៀង៖ អាយ៉ៃ, ចម្រៀងជាពួក និងចម្រៀងបុរាណ

– ឧបករណ៍តន្ត្រីសម័យ៖ វីយូឡុង, វីយូឡា, ព្យាណូ, សែលឡូ, កុងត្រីបាស់, ត្រុំប៉ែត, ស្លុត, សាក់សូ និងក្លារីណែត

-​ឧបករណ៍តន្ត្រីបុរាណ៖ ចាប៉ីដងវែង, ស្រឡៃ, ទ្រអ៊ូ, ទ្រសោ, ឃឹម, គងតូច, គងធំ, តាខេ, រនាតឯក និងរនាតធុង

២. សាលារបាំ

– ឯកទេស៖ របាំបុរាណ របាំប្រពៃណី និងល្ខោនខោល

៣. សាលាល្ខោន

– ឯកទេស៖ ល្ខោនបាសាក់ ល្ខោនយីកេ និងល្ខោននិយាយ

៤. សាលាសៀក

– ឯកទេស៖ កាប, លោតលើកម្រាល, ទន់ភ្លន់, ទោង, លំនឹង, ត្រែ, បច្ចេកទេសលើលំហ, បាល្ល

៥. សាលាសិល្បៈសូនរូប

– ឯកទេសគំនូរ៖ គំនូរបុរាណ, គំនូរលម្អលើក្រណាត់, គំនូរផ្សាយ និងគំនូរវិចិត្រកម្ម

-​ ឯកទេសចម្លាក់៖ ចម្លាក់ពុម្ព, ចម្លាក់ប្រាក់, ចម្លាក់ស៊ិត, ចម្លាក់ឈើ, ខ្មុកស្មាច់ និងកុលាលភាជន៍។

ព័ត៌មានពិស្ដារ៖