ជីវិតកម្សាន្ដ
មកុដ Miss Grand Cambodia 2022 ច្នៃអស់លុយកប់ក្ដោង រំលេចទាំងអត្តសញ្ញាណជាតិ កំពុងជួបរឿងចម្រូងចម្រាស
កាលពីរាត្រីម្សិលមិញនេះ ផេកផ្លូវការ Miss Grand Cambodia 2022 បានបង្ហាញមកុដក្នុងកម្មវិធី ដែលមានតម្លៃ២៥ម៉ឺនដុល្លារ និងពន្យល់ខ្លះៗពីរចនាបថឆ្លុះបញ្ចាំងពីអត្តសញ្ញាណជាតិនៃព្រះរាជាណាចក្រកម្ពុជា។
ក្នុងនោះដែរ មហាជនដែលគាំទ្រ Miss Grand Cambodia 2022 មួយចំនួនហាក់មិនយល់ស្រប និងបញ្ចេញមតិថា មកុដនេះបានចម្លងតាម Miss Planet International ទៅវិញ។ ខណៈអ្នកខ្លះថា មកុដនេះគឺមនុស្សតែមួយធ្វើដូច្នេះទើបស្រដៀង ឬដូចគ្នា។ ប៉ុន្តែទោះស្រដៀងឬដូចគ្នា តែមកុដនេះក៏បានរំលេចពីអត្តសញ្ញាណជាតិ និងមានក្បូរក្បាច់រចនានៃប្រាង្គប្រាសាទអង្គរវត្តមកជាមួយ។
ទន្ទឹមនោះដែរ ផេក Miss Grand Cambodia 2022 បានសរសេរសារយ៉ាងវែងអន្លាយថា ” សូមបង្ហាញមកុដជាផ្លូវការរបស់ Miss Grand Cambodia 2022 ដែលមានតម្លៃ២៥ម៉ឺនដុល្លារអាមេរិក ឆ្លុះបង្ហាញអំពីអត្តសញ្ញាណជាតិនៃព្រះរាជាណាចក្រកម្ពុជា។ តួមកុដធ្វើអំពីផ្លាកទីនទឹកប្រាំពីរ និងរចនាបថក្បាច់ប្រាសាទអង្គរវត្ត ប្រើពេជ្រសុទ្ធទឹកD ប្រាំពីរលីកន្លះចំនួន ៥គ្រាប់ និងពេជ្រ ៣លីចំនួន៥០០គ្រាប់។ ត្បូងទទឹមបរប៉ៃលិនចំនួន៥០គ្រាប់ ដែលមានទឹកក្រហមក្រមៅចាស់ បានរក្សាទុកតាំងពីឆ្នាំ១៩៨៦។ ចំពោះអត្ថន័យរបស់មកុដ និងធ្វើការបកស្រាយនៅលើ VIDEO បន្ទាប់ ។”
យ៉ាងណាមិញ អ្នកគាំទ្រនៅតែមានភាពចម្រូងចម្រាសគ្នាខ្លាំង លើបណ្ដាញសង្គមមិនទាន់ចប់ ព្រោះនៅសង្ស័យថាមកុដ Miss Grand Cambodia 2022 ឆ្នាំនេះ លួចចម្លងគ្នា។ ខណៈអ្នកខ្លះ ហាក់សំដែងការគាំទ្រ និងសំណូមពរឲ្យរៀបចំឆាកសមនឹងមកុដផងដែរ។ ទោះយ៉ាងណា មកដល់ពេលនេះ ពុំទាន់មានការបកស្រាយលម្អិតពីផេក Miss Grand Cambodia 2022 នូវឡើយទេ។ បើទោះបីជាមហាជនកំពុងតែបញ្ចេញមតិព្រោងព្រាត លើមកុដតម្លៃខ្ទង់ម៉ឺនដុល្លារនេះ និងថែមទាំងមានក្បូរក្បាច់រចនាយ៉ាងវិសេសវិសាលថែមទៀតផង។
គួរបញ្ជាក់ដែរថា Miss Grand Cambodia 2022 ឆ្នាំនេះ នឹងធ្វើឡើងនៅថ្ងៃ ពុធ ទី ២៤ ខែ សីហា បន្ទាប់ពីដំណើរកម្សាន្ត របស់បវកញ្ញាកម្ពុជាទៅកាន់ប្រាសាទសំបូរព្រៃគុក ទើបបញ្ចប់កាលពីពេលថ្មីៗ៕
អត្ថបទ៖ សាង ស្រីល័ក្ខ
-
ព័ត៌មានអន្ដរជាតិ១២ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ២ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៣ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន