កីឡា
លោក Conor Nestor និយាយពីទម្រង់លេងរបស់ ជូ ស៊ិនទី ក្នុងពាន AFC U-20 ដែលទើបបញ្ចប់
ក្រុម U-20 កម្ពុជាបានបញ្ចប់ការប្រកួតក្នុងវគ្គជម្រុះពានរង្វាន់ជើងឯកយុវជនអាយុក្រោម ២០ឆ្នាំអាស៊ី (AFC U-20 Asian Cup 2022) កាលពីយប់ថ្ងៃទី១៨ ខែកញ្ញា កន្លងទៅថ្មីៗ ដោយមិនអាចឆ្លងផុតទៅជុំបន្ទាប់ឡើយ។
ស្ថិតក្នុងពូល I ដែលមាន ៤ក្រុម រួមជាមួយម្ចាស់ផ្ទះតាជីគីស្ថាន លីបង់ សិង្ហបុរី កម្ពុជា ប្រកួត ៣ដង ស្មើ១ និងចាញ់២ មាន ១ពិន្ទុស្ថិតនៅបាតតារាង។ យ៉ាងណាមិញ ក្រុមហាល់បង្ហាញទម្រង់លេងបានល្អ ជាមួយនឹងកីឡាករម្នាក់របស់ព្រះខ័នរាជស្វាយម្នាក់ក៏បានបង្ហាញរាល់គ្រប់ការប្រកួតផងដែរ គឺ ជូ ស៊ិនទី។
លោក Conor Nestor គ្រូបង្វឹកនៃក្លិបព្រះខ័នរាជស្វាយរៀង បានសរសើរដល់ក្រុមក៏ដូចជាការដឹកនាំរបស់លោក Koji គ្រូ U-20 កម្ពុជា។
លោក Conor Nestor ថ្លែងថា «ទីមួយ ខ្ញុំតែងតែគោរពការដឹកនាំរបស់លោក Koji ដូចដែលគាត់បានបង្ហាញនាពេលកន្លងមក គាត់ដឹងយ៉ាងច្បាស់ពីរបៀបអភិវឌ្ឍកីឡាករវ័យក្មេង និងរបៀបឈ្នះការប្រកួតធំៗផងដែរ»។
«សម្រាប់ស៊ិនទី យើងមានមោទនភាពចំពោះការខិតខំប្រឹងប្រែងរបស់គាត់ ប៉ុន្តែក៏បារម្ភអំពីចំនួននាទីដែលគាត់លេងផងដែរ។ ការលេង ៩០នាទីរៀងរាល់ ២ ថ្ងៃធ្វើឱ្យមានហានិភ័យខ្ពស់នៃការរងរបួស។
នេះជាក្តីបារម្ភដ៏ធំរបស់ខ្ញុំ ពេលឃើញគាត់លេងខ្លាំងប៉ុណ្ណា ព្រោះបើយើងចង់ឱ្យក្រុមយុវជនកម្ពុជាទទួលបានជោគជ័យច្រើនឆ្នាំទៅមុខទៀត យើងត្រូវការពារកីឡាករវ័យក្មេងរបស់ខ្លួន។» លោក Conor កោតសរសើរពីស៊ិនទី ក៏ដូចជាក្ដីព្រួយបារម្ភខ្លះៗអំពីបញ្ហារបួស។
គួររំលឹកថានៅឆ្នាំ២០២១ ស៊ិនទី លេងបាន ១៦ដងសម្រាប់ស្វាយរៀង ហើយឆ្នាំនេះគេលេងបាន ២២ ដងហើយ។ «ពិតណាស់យើងមិនភ្ញាក់ផ្អើលទេដែលគាត់ធ្វើបានល្អ។» លោក Conor បានសង្កត់ធ្ងន់៕
អត្ថបទ៖ មន្នីរ័ត្ន
-
ជីវិតកម្សាន្ដ១ ថ្ងៃ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ព័ត៌មានជាតិ៣ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានជាតិ៥ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ៣ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ជីវិតកម្សាន្ដ១ សប្តាហ៍ ago
គេហទំព័រម៉ូដមួយ រិះគន់ Chompoo ដែលស្លៀកពាក់មិនសមទំនង លើកម្រាលព្រំក្រហម Cannes
-
សេដ្ឋកិច្ច៥ ថ្ងៃ ago
គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៉ឹង ស៊ីធី (ING CITY)
-
ព័ត៌មានជាតិ១ សប្តាហ៍ ago
ប្រឡងសិស្សពូកែ ឆ្នាំនេះ បេក្ខជនមកពីខេត្តជាប់ច្រើនលើសលប់ជាងបេក្ខជននៅភ្នំពេញ
-
ព័ត៌មានជាតិ១ សប្តាហ៍ ago
មេ Booyoung Khmer II Co.,Ltd.៖ ការវិនិយោគរបស់ក្រុមហ៊ុននៅកម្ពុជា គឺមិនមែនដើម្បីប្រាក់តែចំណេញឡើយ