កីឡា

គ្រូបង្វឹកបឹងកេតថា សម័យកាលកីឡាករ Idol នៅកម្ពុជា ចាប់ផ្តើមរសាត់បាត់ហើយ

បានផុស

៦ ខែ មុន

នៅ

ថ្ងៃពុធ ១៤ មករា ២០២៦

ដោយ

លោក Conor Nestor បានចាត់ទុកការរួមកម្លាំងគ្នាជាធ្លុងមួយគឺជាផ្លូវឆ្ពោះទៅរកជោគជ័យ ប៉ុន្តែការចាត់ទុកកីឡាករពីរបីនាក់ជា Idols គ្មានបានផលអ្វីទេ។ ផ្ទុយទៅវិញ ជំនាន់ Idols ឥឡូវនេះនៅក្នុងប្រទេសកម្ពុជាបានចាប់ផ្តើមស្លាប់ហើយ។

ការលើកឡើងរបស់លោក Conor Nestor គ្រូបង្វឹកបឹងកេត បានកើតមានឡើងកាលពីយប់ថ្ងៃទី១២ ខែមករា ឆ្នាំ ២០២៦ បន្ទាប់ពីផេកមួយបានឡើងពីកីឡាករបរទេសរបស់ បឹងកេត ក្នុងសម័យកាលឆ្នាំ ២០១៨ បានក្លាយជាជំនាន់កីឡាករបរទេសដ៏ល្អ ប៉ុន្តែប៉ុន្មានឆ្នាំក្រោយមក កីឡាករបរទេសរបស់ក្លិបមួយនេះមិនសូវល្អទេ។ ទើបតែរដូវកាលឆ្នាំ ២០២៦ មានកីឡាករបរទេសល្អលេចធ្លោគួរឲ្យចាប់អារម្មណ៍អាចចាត់ទុកជា Legends ប្រសិនបើបន្តនៅមួយឬពីរឆ្នាំទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Conor Nestor បានលើកឡើងថា លោកយល់ពីភាពខ្លាំងរបស់ ក្រុមបឹងកេត កាលពីមុនមែន ហើយលោកពិតជាកោតសរសើរខ្លាំង ប៉ុន្តែអនាគតរបស់ក្រុមមិនមែនពឹងលើតារាឆ្នើម (Super Star) ទេ គឺដោយសារកីឡាបាល់ទាត់ខ្មែរផ្លាស់ប្តូរ។ អ្វីៗមិនអាចនៅដូចមុនទេ។ អនាគតរបស់ក្រុមដែលខ្លាំងបានគឺ សាមគ្គីគ្នា និងកម្រិតអាជីពខ្ពស់។

លោកបានលើកឡើងថា ៖«ប្រាប់ខ្ញុំមើល៍ តើក្រុមបានឈ្នះជើងឯកទេតាំងពីឆ្នាំ ២០១៨ ដោយពឹងផ្អែកលើតារាឆ្នើម? គ្មានទេគឺសេរ៉ូ។ ខ្ញុំចង់ឲ្យអ្នកសារព័ត៌មាន និងអ្នកគាំទ្រដឹងថា យើងត្រូវការកីឡាករល្អដូចជា Charlie តែគន្លិះសំខាន់គឺអ្នករាល់គ្នារួបរួមគ្នា និងបំពេញការងាររបស់ពួកគេ។ ខ្ញុំសង្ឃឹមថា ជំនាន់កីឡាករជា Idol នៅកម្ពុជាចាប់ផ្តើមស្លាប់ហើយ ពីព្រោះជំនាន់ Idol នេះគ្មានបាននាំជោគជ័យអ្វីទេ ហើយមានតែកីឡាករអាជីពពិតប្រាកដទើបឈ្នះ»។

លោកបានបញ្ជាក់ថា កីឡាករ Charlie ពិតជារួមចំណែកដ៏សំខាន់ដល់ក្រុមមែនគឺលោកយល់ស្រប ១០០%។ គាត់ជាកីឡាករម្នាក់ដែលចង់ប្រើប្រាស់អាជីពរបស់ខ្លួនដើម្បីឲ្យមិត្តរួមក្រុមល្អ និងសម្រាប់ប្រជាជនខ្មែរក្នុងនាមគាត់ជា idol ម្នាក់។

មួយរយៈពេលចុងក្រោយ បឹងកេត ពិតជាធ្វើបានល្អមែនទែនដោយបានឈ្នះ ៣ ប្រកួតជាប់គ្នាគឺ ឈ្នះ ព្រះខ័នរាជស្វាយរៀង ២-១, ឈ្នះ កងយោធពលខេមរភូមិន្ទ ៦-០ និងឈ្នះ អាយអេសអាយ ដង្កោសែនជ័យ ៣-១ ដើម្បីឡើងទៅកាន់ចំណាត់ថ្នាក់លេខ ៣ ក្នុងតារាងពិន្ទុលីគកំពូលកម្ពុជា៕