ព័ត៌មានជាតិ
មន្ទីរសាធារណការខេត្ត ជួសជុលផ្លូវជាតិលេខ ៧ ពីស្ពានសេកុងដល់ច្រកទ្វារព្រំដែនឡាវ
មន្ទីរសាធារណការ និងដឹកជញ្ជូនខេត្តស្ទឹងត្រែង បានធ្វើការជួសជុលកែសម្រួលផ្លូវជាតិលេខ ០៧ ដែលពីមុនធ្លាប់តែជាផ្លូវកៅស៊ូ ពេលនេះក្លាយជាផ្លូវក្រួសក្រហមស្ទើរទាំងអស់ ចាប់ពីស្ពានសេកុង ទៅច្រកទ្វារព្រំដែនអន្តរជាតិត្រពាំងគ្រៀលកម្ពុជា-ឡាវ។
លោក ស គឹមណាត ប្រធានមន្ទីរសាធារណការ និងដឹកជញ្ជូនខេត្ត បានបញ្ជាក់ថា ផ្លូវនេះរងការខូចខាតមែន។ ចំណែកការជួសជុលនោះ មិនធានាដល់ការប្រើប្រាស់បានយូរអង្វែងទេ ព្រោះផ្លូវកៅស៊ូយកដីទៅចាក់ កិនវា តែងតែជួបបញ្ហាខូចខាតទៅវិញជាអន្លើៗ នៅពេលមានភ្លៀង ហើយរថយន្តក៏បើកបរទៅមកច្រើន។
លោកថា ផ្លូវនេះ គម្រោងរបស់ក្រសួងសាធារណការ និងដឹកជញ្ជូន ក្រោមការវិនិយោគពីក្រុមហ៊ុនចិន នឹងធ្វើការសាងសង់ថ្មីឡើងវិញ ចាប់ពីព្រំប្រទល់ខេត្តក្រចេះ-ស្ទឹងត្រែង-ទៅដល់ច្រកទ្វារអន្តរជាតិត្រពាំងគ្រៀលកម្ពុជា-ឡាវ តែប៉ុន្មានឆ្នាំកន្លងមក ប្រទេសកម្ពុជាជួបវិបត្តិកូវីដ-១៩ ទើបបង្កឲ្យរាំងស្ទះរហូតមកដល់សព្វថ្ងៃ។
លោកប្រធានមន្ទីរបន្តថា ក្រុមការងារមន្ទីរសាធារណការ ទទួលបានផែនការពីអាជ្ញាធរខេត្ត កំពុងរៀបចំធ្វើការជួសជុល និងកែសម្រួល ដើម្បីងាយស្រួលសម្រាប់រថយន្ត ម៉ូតូ បើកបរទៅមកងាយស្រួល ជាពិសេសរថយន្តភ្ញៀវទេសចរចេញចូលទៅប្រទេសឡាវ។
លោក កុយ ថន ភ្ញៀវទេសចរជាតិមកពីខេត្តត្បូងឃ្មុំ ធ្វើដំណើរឆ្លងកាត់ផ្លូវនេះ លើកឡើងថា ភ្ញៀវទេសចរជាតិ និងប្រជាពលរដ្ឋដែលបានធ្វើដំណើរឆ្លងកាត់ខេត្តស្ទឹងត្រែង តែងត្អូញត្អែរថា ផ្លូវជាតិលេខ ០៧ ចាប់ចេញពីស្ពានសេកុង ទៅដល់ច្រកទ្វារអន្តរជាតិត្រពាំងគ្រៀល រងការខូចខាតយូរឆ្នាំមកហើយ។
ប្រជាពលរដ្ឋថា ការជួសជុលនេះ មិនបានយូរអង្វែងទេ ព្រោះនៅខែវស្សាភក់ ខែប្រាំងដីហុយ និងពេលមានរថយន្តធំៗបើកមកម្តងៗ ដីហុយបំពុលបរិយាកាស បង្កផលប៉ះពាល់ដល់សុខភាពអ្នករស់នៅតាមបណ្ដោយផ្លូវនេះបន្ថែមទៀត។
សូមបញ្ជាក់ថា ផ្លូវជាតិលេខ ០៧ ចាប់តភ្ជាប់ពីទឹកដីខេត្តក្រចេះ ទៅដល់ច្រកទ្វារព្រំដែនអន្តរជាតិត្រពាំងគ្រៀលកម្ពុជា-ឡាវ មានប្រវែងជិត ១០០ គីឡូម៉ែត្រ ហើយកាលពីឆ្នាំ ២០១៩ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ធ្លាប់សន្យាថា នឹងធ្វើការសាងសង់ថ្មីឡើងវិញ តែមិនទាន់មកធ្វើទេ។ ទោះបីបានធ្វើការសិក្សារួចរាល់ហើយក៏ដោយ ប្រជាពលរដ្ឋសង្ឃឹមថា ទោះជាយ៉ាងណា ការធ្វើយឺត ល្អជាងមិនបានធ្វើសោះ៕
អត្ថបទ ៖ ងិន លីម
ទីតាំងហាងកាហ្វេជាង៩០កន្លែង ត្រូវសមត្ថកិច្ចធ្វើសកម្មភាពចុះឆែកជាបន្តបន្ទាប់ក្នុងខេត្តកំពង់ចាម
មណ្ឌលប្រឡងភ្នំពេញ មានបេក្ខជនប្រឡងជាប់ឌីប្លូមជាង១ម៉ឺន៥ពាន់នាក់ ស្មើនឹងជាង៩០%
គណៈបញ្ជាការឯកភាពរដ្ឋបាលខេត្តមណ្ឌលគិរី ចុះបង្ក្រាបទីតាំងអនឡាញមួយកន្លែង ឃាត់ជនសង្ស័យ១៤៩នាក់
សម្ដេចពិជ័យសេនា ទៀ បាញ់ អញ្ជើញពិនិត្យវឌ្ឍនភាពការសាងសង់ស្តូបអនុស្សាវរីយ៍នយោបាយឈ្នះឈ្នះ នៅខេត្តប៉ៃលិន
រដ្ឋមន្ត្រីព័ត៌មានថៃ និងតំណាង មិនហ៊ានមកចូលរួមកិច្ចប្រជុំនៅកម្ពុជា ដែលជជែកពីបញ្ហាព័ត៌មានក្លែងក្លាយ និងបញ្ញាសិប្បនិមិត្ត
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៤ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ