កីឡា

បុគ្គល២រូបស្ថិតនៅពីក្រោយភាពជោគជ័យរបស់ ពេជ្រ សម្បត្តិ

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

អ្នកប្រដាល់គុនខ្មែរ ពេជ្រ សម្បត្តិ បានក្លាយជាជើងឯកខារ៉ាប៉ាវ រដូវកាលទី៨ ឆ្នាំ២០២២ អមដោយប្រាក់រង្វាន់៦ពាន់ដុល្លារអាមេរិក បន្ទាប់ពីទទួលបានជ័យជម្នះដោយពិន្ទុលើកីឡាករថៃ ផាត់ថាណា កាលពីយប់ថ្ងៃអាទិត្យ នៅសង្វៀនបាយ័នស្ទឹងមានជ័យ។

ពេជ្រ សម្បត្តិ ត្រូវបានគេមើលថា កំពុងឈានដល់កម្រិតជួរមុខលំដាប់ A ទាំងវ័យក្មេង បន្ទាប់ពីរូបគេលេចមុខប្រឡូកក្នុងវិស័យគុនខ្មែរប្រហែលជា៣ឆ្នាំចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការក្លាយជាម្ចាស់ខ្សែក្រវាត់ និងសមិទ្ធផលក្នុងអាជីពប្រដាល់របស់ខ្លួន ពេជ្រ សម្បត្តិ បានប្រាប់ថា បុគ្គល២នាក់ដែលជំរុញឲ្យរូបគេទទួលបានជោគជ័យ។ «ក្រោយជ័យជម្នះរបស់ ខ្ញុំ ពេជ្រ សម្បត្តិ គឺមានលោកគ្រូ ពេជ្រ សុផាន់ និង លោកគ្រូ ពេជ្រ សីហា ដែលបានជួយផ្ដល់កម្លាំងចិត្តនិងយុទ្ធសាស្ត្រដល់ខ្ញុំ»។

សម្រាប់ការប្រកួត៥ទឹកពេញពិតជាធ្វើឲ្យ ពេជ្រ សម្បត្តិ ជួបការលំបាកខ្លាំងមែនដោយសារ កីឡាករថៃ ផាត់ថាណា ខ្ពស់ រឹង និងទាត់បានល្អ ហើយប្រើអាវុធបានល្អទាំងព្រម។ យ៉ាងណា បើប្រៀបធៀបទៅ អ្នកលេងគុនខ្មែរវាយចេញកណ្តាប់ដៃបានច្រើនចាប់ពីទឹកទី១ដល់ទឹកទី៥ ហើយក៏ចំគោលដៅបានច្រើនដែរ។ ទឹកទី១ ផាត់ថាណា មានប្រៀប ប៉ុន្តែទឹកនេះ ពេជ្រ សម្បត្តិ ក៏វ៉ៃចូលកណ្តាប់ដៃពេញៗពីរបីដៃដែរ។ ទឹកទី២ ពេជ្រ សម្បត្តិ មានប្រៀបវិញតាមកណ្តាប់ដៃវ៉ៃចំគោលដៅបានច្រើន ស្របពេល ផាត់ថាណា ចេញកណ្តាប់ដៃបានមួយៗ។ ទឹកទី៣ ផាត់ថាណា ហាក់ធ្វើបានល្អវិញដោយបានប្តូរកណ្តាប់ដៃចំគោលដៅបានច្រើន។

៣ទឹកដំបូង កីឡាករថៃអាចនឹងគិតថា ខ្លួនមានប្រៀប ដូច្នេះនៅទឹកទី៤ និងទី៥ រូបគេភាគច្រើនរង់ចាំ និងធាក់ទល់លើពោះរបស់ ពេជ្រ សម្បត្តិ ដែលព្យាយាមសម្រុកចូលវ៉ៃកណ្តាប់ដៃ។ ទឹកទី៤ និងទី៥ កីឡាករកម្ពុជាប្រើកណ្តាប់ដៃវ៉ៃចូលបានល្អដែលធ្វើឲ្យរូបគេទទួលបានពិន្ទុច្រើនជាងក្នុងពីរទឹកចុងក្រោយ៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ ពេជ្រ សម្បត្តិ Khomall

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា