សន្តិសុខសង្គម

ចាប់ខ្លួនជនជាតិចិនម្នាក់ ឆបោកប្រាក់ជាង ៣០ ម៉ឺនដុល្លារ

បានផុស

៣ years មុន

នៅ

ថ្ងៃសុក្រ ៣០ ធ្នូ ២០២២

ដោយ

បុរសជនជាតិចិនម្នាក់ ទំនងជាគេចមិនផុតពីការឃុំខ្លួនបណ្ដោះអាសន្ន ពាក់ព័ន្ធទៅនឹងបទល្មើសឆបោកប្រាក់ប្រមាណជាង ៣០ ម៉ឺនដុល្លារ បន្ទាប់ពីព្រះរាជអាជ្ញាអមសាលាដំបូងសម្រេចចោទប្រកាន់ពីបទឆបោក ហើយបញ្ជូនសំណុំរឿងទៅចៅក្រមស៊ើបសួរ នាថ្ងៃទី ៣០ ខែធ្នូ ឆ្នាំ ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទឈ្មោះ cai fang Xiang ភេទប្រុស ជនជាតិចិន អាយុ ៥២ ឆ្នាំ មានទីលំនៅផ្ទះលេខ Tj30 វីឡា ផ្លូវ សាគូរ៉ា បូរីអូគីដេវីឡា សង្កាត់អូបែកក្អម ខណ្ឌសែនសុខ។

លោក cai fang Xiang ត្រូវសមត្ថកិច្ចអាវុធហត្ថរាជធានីភ្នំពេញឃាត់ខ្លួនតាមដីកាបញ្ជាឲ្យចូលខ្លួនរបស់លោក ច្រឹង ខ្មៅ ព្រះរាជអាជ្ញាអមសាលាដំបូង ដែលចោទប្រកាន់ពីបទ ឆបោក ក្រោយពីម្ចាស់បំណុលឈ្មោះ Tun luo jun តំណាងដោយលោក ជុន ម៉េងឡុង បានដាក់ពាក្យបណ្ដឹងមកអយ្យការអមសាលាដំបូង ចុះថ្ងៃទី ៣១ ខែតុលា ឆ្នាំ ២០២២។

ក្នុងនោះក្រោយឃាត់ខ្លួន សមត្ថកិច្ចបានបញ្ជូនលោក cai fang Xiang មកប្រគល់ឲ្យអយ្យការអមតុលាការ។ ក្រោយពីធ្វើការសាកសួរ តំណាងអយ្យការបានសម្រេចចោទប្រកាន់ជាផ្លូវការពីបទឆបោក ហើយបញ្ជូនសំណុំរឿង និងជនត្រូវចោទ ឲ្យចៅក្រមស៊ើបសួរចាត់ការបន្តតាមច្បាប់៕

អត្ថបទ ៖ មករា