ជីវិតកម្សាន្ដ
តាមពិត ម្ចាស់មកុដ MISS UNIVERSE 2022 មានឈាមជ័រ សែស្រឡាយ អាស៊ីអាគ្នេយ៍
R’Bonney Gabriel មកពីសហរដ្ឋអាមេរិក បានគ្រងមកុដបវរកញ្ញាចក្រវាលលើកទី ៧១ កាលពីយប់ថ្ងៃសៅរ៍ ត្រូវនឹងព្រឹកថ្ងៃអាទិត្យនៅកម្ពុជា។

Gabriel គឺជាបវរកញ្ញាអាមេរិក កូនកាត់ហ្វីលីពីន ហើយកាលពីឆ្នាំមុន នាងបានក្លាយជាបវរកញ្ញាអាមេរិកកូនកាត់ហ្វីលីពីនដំបូងគេ ដែលគ្រងមកុដបវរកញ្ញាសហរដ្ឋអាមេរិក។
ក្នុងកម្មវិធីបវរកញ្ញាចក្រវាលឆ្នាំ២០២២ នាងបានយកឈ្នះ Amanda Dudamel មកពីប្រទេសវេណេស៊ុយអេឡា និង Andreína Martínez មកពីសាធារណរដ្ឋដូមីនីក។

ការប្រកួតនេះបានធ្វើឡើងនៅទីក្រុង New Orleans នៃរដ្ឋ Louisiana ដោយមានបវរកញ្ញាចំនួន ៨៤ នាក់មកពីជុំវិញពិភពលោក ប្រជែងយកមកុដ។
នៅពេល Gabriel ចូលក្នុងលំដាប់ Top 5 នាងត្រូវបានគេសួរថា “ថ្មីៗនេះកម្មវិធីបវរកញ្ញាចក្រវាល បានធ្វើការផ្លាស់ប្តូរលក្ខន្តិក: ដែលអនុញ្ញាតឲ្យស្រ្តីជាម្តាយ និងស្ត្រីដែលរៀបការហើយ អាចចូលរួមប្រកួតប្រជែងនៅឆ្នាំនេះបាន។ ដូច្នេះ តើការផ្លាស់ប្តូរបន្ថែមទៀតដែលអ្នកចង់ឃើញគឺជាអ្វី ហើយហេតុអ្វី?”។

Gabriel បានឆ្លើយថា នាងសង្ឃឹមថា “អ្នករៀបចំការប្រកួត នឹងបង្កើនដែនកំណត់អាយុរបស់បេក្ខនារី។ សម្រាប់ខ្ញុំ ខ្ញុំចង់ឃើញការបង្កើនអាយុ ព្រោះខ្ញុំមានអាយុ២៨ឆ្នាំ ហើយនោះគឺជាអាយុដែលចាស់ជាងគេក្នុងការប្រកួតប្រជែងនេះ។ ខ្ញុំគិតថា វាជារឿងដ៏ស្រស់ស្អាត។ សម្រង់សម្តីដែលខ្ញុំចូលចិត្តគឺ “បើសិនមិនមែនឥឡូវនេះ តើនៅពេលណាទៅ?’ ដោយសារតែជាមនុស្សស្រីម្នាក់ ខ្ញុំជឿថា អាយុមិនកំណត់យើងឡើយ។ វាមិនមែនជាថ្ងៃស្អែកទេ វាមិនមែនជាថ្ងៃម្សិលមិញទេ ប៉ុន្តែវាជាពេលបច្ចុប្បន្ន។ ពេលវេលាគឺឥឡូវនេះ”។
គួរបញ្ជាក់ថា Gabriel មានដើមកំណើតនៅទីក្រុងហ៊ូស្តុន គឺជាតារាបង្ហាញម៉ូដ អ្នកច្នៃម៉ូដ និងជាគ្រូបង្រៀនផ្នែកដេរ ដែលផ្តល់អាទិភាពដល់បរិស្ថានក្នុងការងាររបស់នាង៕
ប្រែសម្រួល៖ Vann Vann
ប្រភព៖ CNN
ចុចអាន៖ បវរកញ្ញារងទី១ Miss Universe 2022 វៀតណាម ជាប់ចំណាត់ថ្នាក់មុខស្អាតបំផុតរបស់ពិភពលោក

-
ព័ត៌មានអន្ដរជាតិ៤ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ ago
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានអន្ដរជាតិ៧ ម៉ោង ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
បច្ចេកវិទ្យា៤ ថ្ងៃ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង