ជីវិតកម្សាន្ដ

បវរកញ្ញារងទី១ Miss Universe 2022 វៀតណាម ជាប់ចំណាត់ថ្នាក់មុខស្អាតបំផុតរបស់ពិភពលោក

បានផុស

២ ខែ មុន

នៅ

ថ្ងៃចន្ទ ២ មករា ២០២៣

ដោយ

ម្ចាស់ជយលាភីរងទី១ ក្នុងកម្មវិធីប្រលងបវរកញ្ញាចក្រវាលឆ្នាំ ២០២២ Le Thao Nhi ត្រូវបានបញ្ចូលក្នុងបញ្ជីមុខមាត់ស្អាតបំផុតទាំង ១០០ នៅឆ្នាំនេះ ដែលជ្រើសរើសដោយ TC Candler។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

TC Candler បានដាក់ម្ចាស់ជយលាភីរងទី១ បវរកញ្ញាចក្រវាល Le Thao Nhi នៅលេខរៀងទី៥៧ ដែលជាឆ្នាំទី ៣ជាប់ៗគ្នារបស់នាងក្នុងបញ្ជីមុខស្អាតរបស់ពិភពលោក ខណៈឆ្នាំ ២០២០ នាងជាប់លេខ៨១ និងក្នុងឆ្នាំ២០២១ នាងជាប់លេខរៀង ៦៧ ។

តាមរយៈការបង្ហោះលើប្រព័ន្ធផ្សព្វផ្សាយសង្គមកាលពីថ្ងៃពុធ Candler បានបញ្ជាក់ថា Le Thao Nhi មិនត្រឹមជាបវរកញ្ញាចក្រវាលរងទី១នោះទេ តែនាងក៏ជាសហគ្រិន តារាបង្ហាញម៉ូដ និងជាអ្នកបង្កើតមាតិកាដ៏ល្បីល្បាញរបស់វៀតណាម-អាល្លឺម៉ង់ថែមទៀត។ នាងបានចូលរួមប្រកួតបវរកញ្ញាចក្រវាលឆ្នាំ ២០២២ ដោយទទួលបានចំណាត់ថ្នាក់រងលេខ ១។ ជាមួយគ្នានេះដែរ Le Thao Nhi អាយុ ២៨ ឆ្នាំមានកម្ពស់ ១.៦៨ ម៉ែត្រ និងមានអ្នកតាមដានជិតមួយលាននាក់នៅលើ Instagram និងជាង ១សែន Subscribers នៅលើ YouTube ។

សូមជម្រាបដែរថា ចំណាត់ថ្នាក់មុខស្អាតលេខ១ក្នុងបញ្ជីនៅឆ្នាំនេះ គឺបានទៅលើតារាម៉ូដែល Victoria’s Secret នាង Jasmine Tookes ដែលបានដណ្ដើមតំណែងកំពូលពី Lisa សមាជិកក្រុមចម្រៀងនារី K-pop ដ៏ល្បីល្បាញ ដែលបានធ្លាក់មកចំណាត់ថ្នាក់លេខ៣។ ចំណាត់ថ្នាក់លេខពីរគឺ Nancy សមាជិកក្រុមចម្រៀង K-pop Momoland ហើយតាមពីក្រោយដោយតារាម៉ូដែលរុស្ស៊ី Dasha Taran និងតារាស្រី Sitala ៕

ប្រែសម្រួល៖ សាង ស្រីល័ក្ខ

ចុចអាន៖ឆ្នាំ ២០២៣ មានតារាស្រី ៥ រូប ជាប់ឈ្មោះមុខស្អាតជាងគេលើលោក