មកដឹងកម្មវិធីសំខាន់ៗនៃសង្រ្កាន្តឆ្នាំថ្មី ខេត្តស្វាយរៀង

ដើម្បីបង្កបរិយាកាសរីករាយ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ នៅថ្ងៃទី ១៤-១៦ ខែមេសា ឆ្នាំ២០២៣ ខាងមុខនេះ  រដ្ឋបាលស្វាយរៀង សហការជាមួយសហភាពសហព័ន្ធយុវជនកម្ពុជា ខេត្តស្វាយរៀង និងមន្ទីរពាក់ព័ន្ធ បានរៀបចំព្រឹត្តិការណ៍សង្រ្កាន្តស្វាយរៀង២០២៣ ដែលមានរយៈពេល៣ថ្ងៃ នៅបរិវេណរង្វង់មូលវិមានឯករាជខេត្ត និងតាមដងផ្លូវនានាក្នុងក្រុងស្វាយរៀង។ 

ក្នុងព្រឹត្តិការណ៍សង្រ្កាន្តស្វាយរៀងឆ្នាំ២០២៣នេះ មានការរៀបចំជាកម្មវិធីសំខាន់ៗ ដូចជា៖

–  កម្មវិធីសាសនា

–  កម្មវិធីល្បែងប្រជាប្រិយ

–  កម្មវិធីឆាកតន្ត្រីEDM និងឡានទឹក

–  តំបន់ត្រជាក់ចិត្ត

–  សួនកុមារ

–  កម្មវីធីល្ខោនពេលរាត្រី

–  បណ្តែតគោមសុំសេចក្តីសុខ ជាដើម។

រដ្ឋបាលខេត្តស្វាយរៀង បានអំពាវនាវដល់ប្រជាពលរដ្ឋ ទេសចរជាតិ និងអន្តរជាតិ ទៅលេងកម្សាន្តនៅខេត្តស្វាយរៀង ដើម្បីចូលរួមអបអរឆ្នាំថ្មី និងលេងល្បែងប្រជាប្រិយកម្សាន្តនានាជាច្រើន ដូចបានរៀបរាប់ខាងលើ៕

ដោយ:ភក្ដី