ជីវិតកម្សាន្ដ

អាការតារាកំប្លែងថៃ Mum ក្រោយបាក់ឆ្អឹងជំនី ដោយសាររអិលជើងពេលលេងទឹកថ្ងៃបុណ្យចូលឆ្នាំថ្មី

បានផុស

៣ years មុន

នៅ

ថ្ងៃចន្ទ ១៧ មេសា ២០២៣

ដោយ

កាលពីថ្ងៃទី១៥ ខែមេសា តារាកំប្លែងថៃល្បីឈ្មោះ Mum Jokmok បានរអិលជើងដួល ខណៈកំពុងលេងទឹកសង្ក្រាន្ត បណ្ដាលឲ្យបាក់ឆ្អឹងជំនី ៣កន្លែង រហូតដល់ត្រូវបញ្ជូនទៅសង្គ្រោះនៅមន្ទីរពេទ្យ ពេលនេះភរិយារបស់លោកបានប្រាប់ពីអាការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភរិយារបស់តារាកំប្លែងរូបនេះគឺអ្នកស្រី Endoo Wongkamlao បានអាប់ដេតជំងឺរបស់ស្វាមីតាមរយៈ Instagram motjokmok ដោយបានបង្ហាញពីឃ្លិបលោកកំពុងដេកសម្រាកនិងព្យាបាលលើគ្រែដោយទឹកមុខញញឹម ដោយត្រៀមខ្លួនដើម្បីសួររោគសញ្ញា។ ក្នុងនោះភាគីខាងតារាកំប្លែង Mum Jokmok បានឆ្លើយតបថា លោកបាក់ឆ្អឹងជំនី បាក់មុខ បាក់ខ្ទង់ច្រមុះ បាក់ម្រាមដៃតូច និយាយរួមគឺគ្រប់សរីរាង្គគឺខូចគ្រប់យ៉ាង។

ជាមួយគ្នានេះដែរ កូនស្រីរបស់លោកបានបង្ហោះរូបភាពជាវីដេអូ Call ដើម្បីផ្ញើការលើកទឹកចិត្តដល់ឪពុករបស់នាងដោយនិយាយថា “គាត់បានបាក់ឆ្អឹងជំនីពិតប្រាកដមែន ប៉ុន្តែគាត់បែរជារឹងរូសចង់ចេញពីមន្ទីរពេទ្យនៅថ្ងៃស្អែក ដូច្នេះខ្ញុំនិងចៅៗព្រមានផងហាមផងថា ចាំជាសះស្បើយសិន”។

ទោះយ៉ាងណា ក្នុងនោះអ្នកគាំទ្រនិងបណ្ដាមិត្តភ័ក្ដិក្នុងវិស័យសិល្បៈបានផ្ញើសារលើកទឹកចិត្តដល់តួឯកប្រុសក្នុងរឿង “ទាសករស្នេហ៍” ឲ្យឆាប់ជាសះស្បើយ និងមានកម្លាំងមាំមួនអាលនឹងវិលត្រលប់មកកាន់វិថីសិល្បៈដូចដើមវិញ៕