Connect with us

ព័ត៌មានអន្ដរជាតិ

ខេត្តភាគខាងជើង ប្រទេសថៃ ប្រកាសអាសន្នគ្រោះទឹកជំនន់ និងបំណាក់ដីធ្ងន់ធ្ងរ

បានផុស

នៅ

ខេត្តភាគខាងជើងប្រទេសថៃ គឺ Phetchabun បានប្រកាសអាសន្នអំពីគ្រោះទឹកជំនន់ និងបំណាក់ដីធ្ងន់ធ្ងរ ដោយសារតែឥទ្ធិពលព្យុះភ្លៀង ដែលវាយប្រហារ នៅចុងសប្តាហ៍នេះ។

(រូប៖ The Nation)

តាមការផ្សាយរបស់ The Nation កាលពីថ្ងៃព្រហស្បតិ៍ ទី១៤ ខែឧសភា ឆ្នាំ២០២៦ នាយកដ្ឋានឧតុនិយមថៃ បានចេញការព្រមានឲ្យខេត្តនេះ ប្រុងប្រយ័ត្នខ្ពស់ ជាពិសេសស្រុកចំនួន៣ គឺ Mueang Phetchabun, Lom Sak និង Wang Pong ដែលនឹងរងការវាយប្រហារធ្ងន់ធ្ងរ ដោយគ្រោះធម្មជាតិ។

អាជ្ញាធរប្រកាសថា តំបន់ខាងលើជាកន្លែងមានហានិភ័យខ្ពស់, ពលរដ្ឋត្រូវប្រយ័ត្នឲ្យមែនទែន ចំពោះបាតុភូតនានា រួមទាំងរន្ទះបាញ់ និងការបាក់ដីភ្នំផងដែរ។

(រូប៖ The Nation)

ការព្រមាននេះកើតឡើង បន្ទាប់ពីនាយកដ្ឋានឧតុនិយមថៃ ទើបចេញសេចក្តីប្រកាសថា ព្យុះភ្លៀងថ្មី ដែលមានកម្លាំងដ៏ខ្លាំងក្លា នឹងបោកបក់ លើប្រទេសថៃ ដល់ថ្ងៃចន្ទ សប្តាហ៍ក្រោយ ប៉ះចំតំបន់ប៉ែកខាងជើង កណ្តាល ខាងកើត និងខាងត្បូង បង្កឲ្យមានជំនន់ទឹកភ្លៀង និងបំណាក់ដី ជាពិសេស តំបន់វាលទំនាប និងសហគមន៍ នៅតាមជួរភ្នំតែម្តង។

បាតុភូតនេះ គឺបណ្តាលមកពីប្រព័ន្ធសម្ពាធទាប ដែលនឹងធ្វើដំណើរទៅកាន់ ភាគខាងលើ នៃឈូងសមុទ្របេងហ្គាល់ ខណៈខ្យល់មូសុងនិរតី នឹងមានឥទ្ធិពលខ្លាំងជាងមុន មកលើសមុទ្រ អាដាម៉ាន់ និងឈូងសមុទ្រ ថៃ៕

អត្ថបទ៖ សុខ សុវណ្ណ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម