ព័ត៌មានជាតិ
ប៉ុស្តិ៍សុខភាព ដើរតួនាទីយ៉ាងសំខាន់សម្រាប់សង្គ្រោះពលរដ្ឋនៅតំបន់ដាច់ស្រយាល
ប៉ុស្តិ៍សុខភាព ត្រូវបានរដ្ឋបាលខេត្ត និងប្រជាពលរដ្ឋរស់នៅឆ្ងាយដាច់ស្រយាលដែលទទួលផលចាត់ទុកថា បានដើរតួនាទីយ៉ាងសំខាន់បំផុតសម្រាប់រង់ចាំសង្គ្រោះព្យាបាល ទោះបីដង់ស៊ីតេប្រជាជនមិនទាន់អាចបង្កើតជាមណ្ឌលសុខភាពក៏ដោយ។
លោក សុខ កុសល ជាពលរដ្ឋរស់នៅភូមិទ័ពខ្លី និងអ្នកស្រី ហម លក្ខណ៍ ជាពលរដ្ឋរស់នៅភូមិសំរោង ឃុំប្រឡាយ ស្រុកថ្មបាំង ខេត្តកោះកុង បានលើកឡើងព្រមៗគ្នា កាលពីថ្ងៃទី ២៣ ខែមេសា ឆ្នាំ ២០២៣ ថា តាំងពីពួកគាត់កើតរហូតដល់ឆ្នាំ ២០១៥ មូលដ្ឋានឃុំមួយនេះពិតជាលំបាកកម្សត់ខ្លាំង គ្មានផ្លូវ គ្មានសាលារៀន មន្ទីរពេទ្យ ស្ពាន និងចំនួនមនុស្សច្រើនដូចសព្វថ្ងៃនេះទេ។
តំណាងពលរដ្ឋទាំងពីរខាងលើបន្ថែមថា ពួកគាត់តែងលំបាក ព្រោះជាតំបន់ដាច់ស្រយាលពីទីប្រជុំជនស្រុក រីឯមុខរបរមានតែការធ្វើស្រែ និងរកអនុផលព្រៃឈើ។ ប៉ុន្តែចាប់ពីឆ្នាំ ២០១៦ និង ២០១៧ មានលោកបណ្ឌិត ហ៊ុន ម៉ាណែត និងក្រុមការងារ បានពិនិត្យជីវភាពរស់នៅ ដោយឃើញថា លំបាកប្រាកដ ក៏លោកបណ្ឌិត បានផ្តល់កសាងជាប៉ុស្តិ៍សុខភាពជូនពលរដ្ឋ។
ពលរដ្ឋអះអាងថា ការទទួលបានប៉ុស្តិ៍សុខភាពនេះហើយ មានតួនាទីសំខាន់ក្នុងការពិនិត្យព្យាបាលជំងឺ មិនថាយប់ ឬថ្ងៃឡើយ បើធៀបនឹងមិនទាន់មាន ត្រូវឲ្យមានការលីសែងអ្នកជំងឺទៅកាន់ប៉ុស្តិ៍សុខភាពនៅឃុំដទៃ។ ខ្លះមានសំណាងក៏រស់ ខ្លះក៏ស្លាប់តាមផ្លូវ គ្រាមិនមានផ្លូវ ស្ពាន សាលារៀន ប៉ុស្តិ៍សុខភាព និងវត្តអារាម ដូចបច្ចុប្បន្ននោះទេ។
លោក ម៉ាល ស៊ី ជាមេភូមិសំរោង យល់ស្របទៅនឹងអ្វីដែលជាការលើកឡើងរបស់ប្រជាពលរដ្ឋផងដែរ អំពីវត្តមានប៉ុស្តិ៍សុខភាពដែលកកើតមានក្នុងមូលដ្ឋាន។ ក្នុងនាមលោក និងប្រជាពលរដ្ឋ សូមថ្លែងអំណរគុណយ៉ាងជ្រាលជ្រៅជូនលោកបណ្ឌិត ហ៊ុន ម៉ាណែត និងក្រុមការងារ ដែលយកចិត្តទុកដាក់ពីសុខុមាលភាពពលរដ្ឋនៅឆ្ងាយដាច់ស្រយាល និងមានតម្រូវការខ្ពស់ផ្នែកព្យាបាលជំងឺ។
លោកមេភូមិសំរោង ក៏បង្ហាញក្តីរំពឹងដែរថា នៅថ្ងៃមុខ ប៉ុស្តិ៍សុខភាពនេះ ក្លាយជាមណ្ឌលសុខភាពស្តង់ដារមួយសម្រាប់បម្រើជូនពលរដ្ឋ ព្រោះប៉ុស្តិ៍សុខភាពមានសភាពតូចចង្អៀតបន្តិច ប្រសិនបើមានបន្ទប់សម្រាលស្នាក់នៅព្យាបាលគឺកាន់តែល្អប្រសើរ។
ទន្ទឹមនោះមានផ្លូវលំស្អាត ស្ពានឆ្លងកាត់ សាលារៀន ប៉ុស្តិ៍សុខភាព និងវត្តអារាម លោក ម៉ាល ស៊ី ក៏ស្នើសុំឲ្យមានការដំឡើងអង់តែនសេវាទូរស័ព្ទ និងភ្លើងអគ្គិសនីប្រើប្រាស់ ត្បិតភូមិរបស់លោកជាមូលដ្ឋានឆ្ងាយដាច់ស្រយាលពីទីរួមស្រុក។
លោក កាន់ បញ្ញាវុធ ប្រធានប៉ុស្តិ៍សុខភាពប្រឡាយ បានរម្លឹកថា កំឡុងពេលមិនទាន់មានប៉ុស្តិ៍សុខភាព ប្រជាពលរដ្ឋជួបប្រទះនូវភាពលំបាកច្រើនខ្លាំង ពេលមានជំងឺម្តងៗ ពិសេសជំងឺគ្រុនចាញ់ និងសម្រាលកូន ដោយតម្រូវឲ្យនាំគ្នាលីសែងទៅកាន់សេវាសុខភាពនៅឯតំបន់ឆ្ងាយ។
លោក បញ្ញាវុធ បន្ថែមថា ក្រោយទទួលបានប៉ុស្តិ៍សុខភាពមក លោក និងក្រុមគ្រូពេទ្យដទៃ ស្វាគមន៍ផ្ដល់សេវាជូនពលរដ្ឋគ្រប់ពេលវេលាទាំងអស់ ករណីជំងឺធ្ងន់ធ្ងរលើសពីសមត្ថភាព នឹងបញ្ជូនទៅកាន់មណ្ឌលសុខភាពឃុំឫស្សីជ្រុំ ក្បែរទីរួមស្រុក ឬ ទៅមន្ទីរពេទ្យខេត្ត តាមរយៈរថយន្ត។ អ្វីដែលលោកចង់បាន គឺភ្លើងអគ្គិសនី និងសេវាទូរស័ព្ទ ព្រោះតម្រូវការចាំបាច់សម្រាប់ទំនាក់ទំនងការងារប្រចាំថ្ងៃ៕
អត្ថបទ ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ