ជីវិតកម្សាន្ដ
យក់ ឋិតរដ្ឋា រក្សាជំហរ មិនព្រមចុះចាញ់ ទោះឆ្លងកាត់រឿងរ៉ាវលំបាកច្រើន
តារាចម្រៀងចាស់វស្សាមានឈ្មោះល្បីយូរឆ្នាំអ្នកនាង យក់ ឋិតរដ្ឋា មួយរយៈពេលនេះគេសង្កេតឃើញនាងហាក់ជួបនូវរឿងរ៉ាវព្យុះភ្លៀងបោកបក់មកលើជីវិត និងគ្រួសារជាបន្តបន្ទាប់។ ក្នុងនោះ ជារឿយៗ បានធ្វើឲ្យនាង និងស្វាមី មិនសប្បាយចិត្តឡើយ។
ប្រាកដណាស់ចំពោះរឿងរ៉ាវទាំងនោះបានកើតឡើងមានភាពបន្តកន្ទុយស្ទើរតែធ្វើឲ្យតារាចម្រៀងអ្នកនាង យក់ ឋិតរដ្ឋា បាក់ទឹកចិត្តម្តងៗទៅហើយ ប៉ុន្តែដោយសារមានការគាំទ្រពីមហាជន ហើយក៏មានស្វាមីដ៏ល្អនៅក្បែរតែងលើកទឹកចិត្ត និងការពាររាល់កិត្តិយសប្រពន្ធថែមទៀត ទើបធ្វើឲ្យនាងមានកម្លាំងចិត្តដើម្បីតតាំងជាមួយបញ្ហាទាំងនេះដោយមិនចុះចាញ់ឡើយ។
យ៉ាងណាបន្ទាប់ពីឆ្លងកាត់រឿងរ៉ាវទាំងនោះ អ្នកនាង យក់ ឋិតរដ្ឋា កន្លងមក បានបង្ហាញក្ដីសង្ឃឹមថា ជីវិតអាចរឹងមាំប្រសើរឡើងវិញក្រោយឆ្លងកាត់រឿងរ៉ាវជាច្រើន។ ជាមួយគ្នានោះ តារាចម្រៀង យក់ ឋិតរដ្ឋា ក៏អះអាងជំហរថា នាងមិនព្រមចុះចាញ់ទេ ទោះបីឆ្លងកាត់រឿងរ៉ាវលំបាកជាច្រើនយ៉ាងណាក្ដី។
គោលជំហរដ៏រឹងមាំត្រូវបាន អ្នកនាង យក់ ឋិតរដ្ឋា បញ្ជាក់ឲ្យដឹងថា «ខ្ញុំមិនព្រមចុះចាញ់ទេ ហើយត្រូវប្រាប់ខ្លួនឯងថា ជូតទឹកភ្នែកចេញ ត្រូវតែក្រោកឡើងធ្វើដំណើរបន្តទៀត ផ្ដល់ស្នាមញញឹម និងភាពរីករាយឲ្យខ្លួនឯងឲ្យច្រើនជាងទុក្ខព្រួយ នោះអ្វីៗ វានឹងល្អប្រសើរឡើងវិញជាក់ជាមិនខាន»។
តារាចម្រៀងជើងចាស់អ្នកនាង យក់ ឋិតរដ្ឋា កន្លងមកត្រូវបានគេចាំថា បន្ទាប់ពីនាងបានសាងឈ្មោះល្បីលើវិថីសិល្បៈមួយរយៈមកនោះ គឺតារាស្រីរូបនេះក៏ដកខ្លួនចេញពីអាជីពចម្រៀងជាច្រើនឆ្នាំ ដោយទៅសម្ងំបើកអាជីពរកស៊ីផ្ទាល់ខ្លួនស្ទើរភ្លេចសិល្បៈទៅហើយ។
ប៉ុន្តែយ៉ាងណាមិញ ក្រោយរសាត់ឆ្ងាយពីសិល្បៈអស់មួយសន្ទុះធំ អ្នកនាង យក់ ឋិតរដ្ឋា ក៏លេចវត្តមានឡើងវិញជាមួយការប្រកាសវិលចូលវិស័យចម្រៀងដែលខ្លួនធ្លាប់បោះបង់យូរឆ្នាំកន្លងទៅហើយ។ ទន្ទឹមគ្នានោះដែរ យក់ ឋិតរដ្ឋា ក៏បានស្នើដល់មហាជន បន្តជួយផ្ដល់ជាកម្លាំងចិត្ត និងគាំទ្រវត្តមានរបស់នាង តាមរយៈឆាកតន្ត្រី ឬបទចម្រៀងថ្មីៗ ខ្លួនផងដែរ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ