អ៊ីវ៉ា ក្តៅស្លឹកត្រចៀកក្រោយមានអ្នកសួរថា ចាញ់កូនមែន?

តារាចម្រៀងស្រីកញ្ញា ឃីន ស្រីនាថ ហៅ អ៊ីវ៉ា បានបញ្ចេញប្រតិកម្មសម្តែងការហួសចិត្តចំពោះបុគ្គលម្នាក់ដែលបានធ្វើការរិះគន់ និងប្រើសំនួរនូវពាក្យសម្តីមិនសមរម្យមកកាន់រូបនាងនាំឲ្យប៉ះពាល់ដល់កិត្តិយស និងសេចក្តីថ្លៃថ្លូរ។ ទង្វើរនេះត្រូវបាន អ៊ីវ៉ា ចាត់ទុកថា ជារឿងដែលកើតចេញពីចិត្តច្រណែនឈ្នានីស។

ការចេញមុខប្រតិកម្មពីសំណាក់តារាចម្រៀងរបស់ផលិតកម្មសាន់ដេកញ្ញា អ៊ីវ៉ា នាពេលនេះ បានធ្វើឡើងបន្ទាប់ពីមាន ម្ចាស់គណនីសង្គមបានធ្វើការបង្ហោះនូវពាក្យសម្តីមិនសមរម្យដោយការប្រមាថ និងមើលងាយយ៉ាងធ្ងន់មកលើរូបនាងផ្ទាល់។ ករណីនេះបានធ្វើឲ្យមហាជនពិសេសអ្នកដែលគាំទ្រ អ៊ីវ៉ា សម្តែងការមិនពេញចិត្ត និងថែមទាំងចេញមកពន្លះយ៉ាងចាស់ដៃដើម្បីការពារកិត្តិយសរបស់ស្រីស្អាត អ៊ីវ៉ា ផងដែរ។

បើតាមខ្លឹមសារដែលម្ចាស់គណនីរូបនោះបានរិះគន់មកកាន់តារាស្រីកញ្ញា អ៊ីវ៉ា បានលើកឡើងថា «ចុមអាយដលមុខចាស់ម៉េះឡូវ…ចាញ់កូនមែន?»។ ដោយឃើញខ្លឹមសារហាក់មានចេតនាមាក់ងាយដូច្នេះ បានធ្វើឲ្យ អ៊ីវ៉ា ក្តៅស្លឹកត្រចៀក​ចេញមុខប្រតិកម្មឆ្លើយតបភ្លាមៗទៅកាន់បុគ្គលរូបនោះ។

កញ្ញា អ៊ីវ៉ា បានបញ្ជាក់ដោយខ្លឹមសារបែបនេះថា ចា៎.. នាងចាស់ហើយ មិនដណ្ដើមបងក្មេងទេ តែតាមនាងដឹង បងហ្នឹងហើយអ្នកចាញ់កូន…ហ៎។ មិនចូលចិត្តអូសរំលងណាព្រោះឃើញមានតែបងទេដែលតាង៉ែនម្នាក់ឯងនោះហើយ Comment​ នេះបង្ហាញថា បងជាមនុស្សអាក្រក់ ឈ្នានីស ច្រណែននិន្ទាគេ សុំទោសអត់ចេះជេរទេ។

ឃើញដូច្នេះសម្រាប់អ្នកគាំទ្រតារាចម្រៀងកញ្ញា អ៊ីវ៉ា បានបញ្ចេញទស្សន:គាំទ្រការឆ្លើយតប ខណ:ខ្លះបានលើកឡើងថាត្រូវចិត្តតែម្តង លេងចឹងៗខ្លះទៅកុំឲ្យពួកដែលនិយាយបានចិត្តពេក។ រីឯខ្លះទៀតនៅតែសរសើរ និងគាំទ្រថា អ៊ីវ៉ា រក្សាបានរូមសម្ផស្សនៅតែស្អាតហើយក្មេងដដែល៕

អត្ថបទ៖ ចាន់រ៉ា