កីឡា

អបអរសាទរ! ក្រុមដារ៉ូពិទូស័្ពត ឈ្នះជើងឯកយុវជនស្វាយរៀងខាប់U15 ឆ្នាំ២០២៣

បានផុស

៣ years មុន

នៅ

ថ្ងៃសៅរ៍ ១២ សីហា ២០២៣

ដោយ

ក្រុមបាល់ទាត់យុវជន ដារ៉ូពិទូស័្ពត បានក្លាយជាម្ចាស់ពានរង្វាន់ស្វាយរៀងខាប់អាយុក្រោម១៥ឆ្នាំ (U15) លើកទី១ ឆ្នាំ២០២៣ បន្ទាប់ពីបានឈ្នះលើក្រុមយុវជន ស.ស.យ.ក ស្រុកចន្ទ្រា ដោយលទ្ធផល ១-0។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គផ្តាច់ព្រ័ត្រត្រូវបានធ្វើឡើងនៅល្ងាចថ្ងៃសៅរ៍ ទី១២ ខែសីហា ឆ្នាំ២០២៣ នៅកីឡដ្ឋានខេត្តស្វាយរៀងដោយមានគ្រាប់បាល់តែ១គត់បានកើតមានឡើងរយៈពេល៩០នាទី។ គ្រាប់បាល់ជ័យជម្នះរកបានដោយកីឡាករលេខ២៤ សីន វិច្ឆិកា នៅនាទី១១។ បន្ទាប់មកមានការសម្រុកគ្នាទៅវិញមកយ៉ាងខ្លាំង ប៉ុន្តែគ្មានគ្រាប់បាល់កើតឡើងទេ។

ទីបំផុត ក្រុមយុវជនដារ៉ូពិទូស័្ពតបានក្លាយជាម្ចាស់ពានរង្វាន់យុវជនស្វាយរៀខាប់U15 ឆ្នាំ២០២៣ដែលមានរង្វាន់ និងប្រាក់រង្វាន់ដូចខាងក្រោម៖

ជើងឯក៖ ដារ៉ូពិទូស័្ពត ទទួលបានពាន១គ្រឿង មេដាយមាស២៥គ្រឿង និងប្រាក់រង្វាន់៤លានរៀល
ជើងឯករង៖ ក្រុម ស.ស.យ.ក ស្រុកចន្ទ្រាទទួលបានមេដាយប្រាក់ ២៥គ្រឿង និងថវិកា២លានរៀល
លេខ៣៖ ក្រុមយុវជនជីភូ ទទួលបានមេដាយសំរិទ្ធ២៥គ្រឿង និងថវិកា១លានរៀល
ក្រុមអាជ្ញាកណ្តាលល្អទទួលបានថវិកា១លានរៀល
កីឡាករទាត់បាល់បញ្ចូលទីច្រើនជាងគេ ភួង ជ័យមុន្នីសៅ របស់ក្រុមយុវជនព្រះខ័នរាជស្វាយរៀង បានពាន១ និងថវិកា៤សែនរៀល
កីឡាករចាំទីល្អជាងគេ ឡេង វិជ័យ របស់ក្រុមដារ៉ូពិទូស័្ពត បានពាន១ និងថវិកា៤សែនរៀល
គ្រូបង្វឹកល្អជាងគេ លោក សេង ពិសិដ្ឋ របស់ក្រុមដារ៉ូពិទូស្ព័ត បានពាន១ និងថវិកា៤សែនរៀល