សុខភាព
មន្ទីរពេទ្យគន្ធបុប្ផាសង្គ្រោះជីវិតក្មេងតូចម្នាក់ ខ្សោយដង្ហើម និងហើមថ្លើមធ្ងន់ធ្ងរ ឲ្យត្រឡប់ទៅផ្ទះវិញដោយស្នាមញញឹម
ក្រុមគ្រូពេទ្យឯកទេសសង្គ្រោះបន្ទាន់ នៃមន្ទីរពេទ្យគន្ធបុប្ផា សង្គ្រោះជីវិតក្មេងស្រីតូច អាយុ ៣ ឆ្នាំ ម្នាក់ ដែលព្យាបាលជំងឺ ៥ ថ្ងៃ នៅឯគ្លីនិកឯកជនមួយ ហើយត្រូវបានយកមកសង្គ្រោះបន្ទាន់នៅមន្ទីរពេទ្យគន្ធបុប្ផា ក្នុងស្ថានភាពបាត់បង់ស្មារតី ខ្សោយដង្ហើម និងហើមថ្លើមយ៉ាងធ្ងន់ធ្ងរបំផុត ពេលនេះ ក្មេងតូច បានត្រឡប់ទៅផ្ទះវិញដោយស្នាមញញឹម។
តាមរយៈផេកហ្វេសប៊ុក Dr.beat Richner បានបង្ហោះនៅថ្ងៃទី ១៨ ខែសីហា ឆ្នាំ ២០២៣ នេះ ឲ្យដឹងថា «ក្មេងស្រីតូចអាយុ ៣ ឆ្នាំ ម្នាក់ ត្រូវបានព្យាបាលជំងឺ ៥ ថ្ងៃ នៅឯគ្លីនិកឯកជន ហើយយកមកសង្គ្រោះបន្ទាន់នៅមន្ទីរពេទ្យគន្ធបុប្ផា ក្នុងស្ថានភាពបាត់បង់ស្មារតី ខ្សោយដង្ហើម និងហើមថ្លើមយ៉ាងធ្ងន់ធ្ងរបំផុត។ នាងតូច ត្រូវបានធ្វើរោគវិនិច្ឆ័យជា «Reye, Syndrome» ហើយសង្គ្រោះជីវិតជាថ្មី ដោយក្រុមគ្រូពេទ្យឯកទេសសង្គ្រោះបន្ទាន់ នៃមន្ទីរពេទ្យគន្ធបុប្ផា ចំនួន ១០ ថ្ងៃ ដោយជំនួយម៉ាស៊ីនសប់ដង្ហើម។ ថ្ងៃនេះ កូនស្រី បានត្រឡប់ទៅផ្ទះវិញ ដោយស្នាមញញឹម»។
ផេកហ្វេសប៊ុក Dr.beat Richner បានសរសេរបញ្ជាក់ថា «រ៉ីយ៍សិនដ្រូម -Reye’s Syndrome» ជាករណីដ៏កម្របំផុត កុំស្វែងរកការព្យាបាលដោយ “ថ្នាំអាស្ពីរីន” ឬ ថ្នាំដែលមានសារធាតុអាស្ពីរីន ដោយខ្លួនឯង នៅពេលកូនចៅអ្នកមានជំងឺគ្រុនផ្ដាសាយ ឬ ចេញអុតស្វាយ។ អាស្ពីរីន អាចជាកត្តាហានិភ័យនាំឲ្យអ្នកជំងឺស្រាល អាចវិវត្តទៅជាធ្ងន់ធ្ងរ ដោយសារប្រតិកម្មក្នុងខ្លួនអ្នកជំងឺធ្លាក់ចូលក្នុងចង្កោមរោគសញ្ញាហើមខួរក្បាល និងហើម-រលាកថ្លើមធ្ងន់ធ្ងរបំផុត ហៅថា «រ៉ីយ៍សិនដ្រូម (Reye’s Syndrome)»។
មន្ទីរពេទ្យគន្ធបុប្ផា បានអរគុណ និងកោតសរសើរដល់ក្រុមគ្រូពេទ្យឯកទេសសង្គ្រោះបន្ទាន់ នៃមន្ទីរពេទ្យគន្ធបុប្ផាភ្នំពេញ ដែលបានសង្គ្រោះជីវិតមួយនេះ។
ជាមួយនេះ មន្ទីរពេទ្យគន្ធបុប្ផា ក៏បានអរគុណមូលនិធិគន្ធបុប្ផាកម្ពុជា និងមូលនិធិគន្ធបុប្ផាស្វីស ព្រមទាំងសប្បុរសជនគ្រប់លំដាប់ថ្នាក់ ដែលបាននិងតែងតែគាំទ្រដល់ដំណើរការមន្ទីរពេទ្យគន្ធបុប្ផាផងដែរ។
សូមជម្រាបថា សម្រាប់រាល់ការព្យាបាលទាំងអស់គឺឥតគិតថ្លៃសម្រាប់គ្រប់ៗគ្នា ដោយគ្មានការរើសអើងចំពោះជនណាម្នាក់ឡើយ៕
អត្ថបទ ៖ ពិសី
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ