សុខភាព

ស្វែងយល់ពី គ្រោះថ្នាក់ស្ទះសរសៃឈាមបេះដូង!

បានផុស

៤ years មុន

នៅ

ថ្ងៃអង្គារ ២ កុម្ភៈ ២០២១

ដោយ

ប្រទេសកម្ពុជាបច្ចុប្បន្នកំពុងប្រឈមនឹងការកើនឡើងនូវជំងឺលើសឈាម ទឹកនោមផ្អែម និងជំងឺមិនឆ្លងផ្សេងទៀត ដូចជាជំងឺមហារីកជំងឺវិបត្តិផ្លូវដង្ហើមរ៉ាំរ៉ៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមជំងឺនានាទាំងអស់ជំងឺមិនឆ្លងខាងលើជាកត្តាធ្វើឲ្យស្លាប់ និងពិការភាពច្រើនជាងគេជាពិសេសក្នុងប្រទេសក្រីក្រ និងប្រទេសកំពុងអភិវឌ្ឍ។ ក្នុងនោះដែរ ជំងឺស្ទះសរសៃឈាមបេះដូង ជាមូលហេតុចម្បងនៃការស្លាប់។

យោងតាមឯកសារ WHO ២០១១ ក្នុងចំណោមប្រជាជនខ្មែរ ១សែននាក់ អ្នកស្លាប់ដោយសារស្ទះសរសៃឈាម បេះដូងមានចំនួន១២៨។ ដោយសារតែមូលហេតុខាងលើនេះហើយ បានជាការតាមដាន និងការរករោគវិនិច្ឆ័យនៃជំងឺស្ទះសរសៃឈាមបេះដូងនៅដំណាក់កាលដំបូងៗ (មុននឹងគ្រោះថ្នាក់កើតឡើង) តាមគ្រប់វិធីសាស្ត្រដែលមាន ជាពិសេសដោយមានជំនួយពីគ្រូពេទ្យឯកទេសបេះដូង ជាមួយនឹងសមត្ថភាពជំនាញវិភាគរូបភាពវេជ្ជសាស្ត្រសរសៃឈាមបេះដូង តាមរយៈម៉ាស៊ីនស្កែនបច្ចេកវិទ្យាចុងក្រោយ Multislice CT Scan ពិតជាមានសារៈប្រយោជន៍ខ្លាំងណាស់ ចំពោះអ្នកដែលមានរោគសញ្ញាដូចខាងក្រោម

– ឈឺចុក ឬណែនដើមទ្រូង

– ថប់ដង្ហើម

– អារម្មណ៍ ឬ សញ្ញាហត់ភ្លាមៗដោយគ្មានមូលហេតុជាពិសេសលើអ្នក ដែលមានកត្តាប្រឈមគ្រោះថ្នាក់សរសៃឈាមបេះដូងដូចជា

– អ្នកដែលមានអាយុច្រើន

– អ្នកដែលលើសទម្ងន់

– អ្នកពិសាបារី

– អ្នកដែលមានជំងឺលើសឈាម

– អ្នកដែលមានជំងឺទឹកនោមផ្អែម

– អ្នកដែលលើសជាតិខ្លាញ់

– អ្នកដែលមិនធ្វើលំហាត់ប្រាណឬប្រកបរបរនៅនឹងមួយកន្លែងយូរម៉ោង ពិសេសការងារការិយាល័យ។

ប្រសិនបើលោកអ្នកមានរោគសញ្ញា និងកត្តាគ្រោះថ្នាក់ដូចបានរៀបរាប់ខាងលើនេះ សូមមកពិគ្រោះជាមួយគ្រូពេទ្យឯកទេសជំងឺបេះដូង ដើម្បីស្វែងរកវិធីសាស្ត្រការពារ និងព្យាបាលទាន់ពេលវេលា សំដៅកាត់បន្ថយការស្លាប់ និងពិការភាពដែលបណ្តាលមកពីជំងឺស្ទះសរសៃឈាមបេះដូង ដែលជាឃាតករស្ងប់ស្ងាត់បំផុត (silent killer)៕

អត្ថបទ៖ រស្មី

សូមចុចអាន៖ តើប៊ីចេង អាចមានអត្ថប្រយោជន៍ ចំពោះសុខភាពអត់?

Related Topics:សុខភាព