ជីវិតកម្សាន្ដ

សួង សាខារ៉ានីត ចាត់ទុកសិល្បៈជាកញ្ចក់ឆ្លុះបញ្ចាំងឲ្យសង្គមជាតិ

បានផុស

២ years មុន

នៅ

ថ្ងៃចន្ទ ១១ កញ្ញា ២០២៣

ដោយ

តារាសម្ដែងតួអង្គស្រីក្នុងរឿង”កូនក្រក” សួង សាខារ៉ានីត បានចាត់ទុកវិស័យសិល្បៈជាកញ្ចក់ឆ្លុះបញ្ចាំងឲ្យសង្គមជាតិ។ ក្នុងនោះ សាខារ៉ានីត អំពាវនាវឲ្យមានការចូលរួមថែរក្សានូវវិស័យមួយនេះ ដើម្បីយុវជនជំនាន់ក្រោយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង សួង សាខារ៉ានីត ត្រូវបានទស្សនិកជនមួយចំនួនកត់សម្គាល់មើលឃើញថា បច្ចុប្បន្នទោះបីនាងបានក្លាយជាម្ដាយគេហើយក៏ពិតមែន តែតារាស្រីរូបនេះ នៅតែទទួលបានការសរសើរថាមានរូបសម្រស់ស្រស់ស្អាត មិនចាញ់ក្រមុំឡើយ។

ជាការពិតណាស់ បើនិយាយពីសម្រស់ពិតជាផ្នែកមួយដ៏សំខាន់ និងទាក់ទាញបំផុតក្នុងអាជីពជាអ្នកសិល្បៈ ព្រមទាំងមហាជនទូទៅ ព្រោះថានៅពេលសម្រស់យើងកាន់តែលេចធ្លោ សមត្ថភាពសិល្បៈក៏កាន់តែខ្លាំងសម្រាប់ទីផ្សារការងារ រួមទាំងអាជីពមុខរបររកស៊ីផ្ទាល់ខ្លួនផងដែរ។ ងាកមកចាប់អារម្មណ៍ តារាស្រី សួង សាខារ៉ានីត មុននេះ បានបញ្ជាក់ថា សិល្បៈជាកញ្ចក់ឆ្លុះបញ្ចាំងឲ្យសង្គមជាតិ។

អ្នកនាង សួង សាខារ៉ានីត បានលើកឡើងថា “បើគេមិនឲ្យតម្លៃអ្នកសិល្បៈជារឿងរបស់គេ តែយើងដាច់ខាតត្រូវឲ្យតម្លៃខ្លួនយើង សិល្បៈជាកញ្ចក់ឆ្លុះបញ្ចាំងឲ្យសង្គមជាតិ ប្រឹងប្រែងបន្តដើម្បីវិស័យសិល្បៈខ្មែរ ព្យាយាមសាងសង់ផ្លូវទុកសម្រាប់យុវជនជំនាន់ក្រោយ”។ តាមរយៈនេះ មហាជនមួយចំនួនបានបញ្ចេញការគាំទ្រគ្រប់គ្នា។

បើតាមការកត់សម្គាល់ តារាសម្ដែងរូបស្រស់សម្ដីផ្អែម កញ្ញា សួង សាខារ៉ានីត ត្រូវបានទស្សនិកជនមួយចំនួនមើលឃើញថា បច្ចុប្បន្នទោះបីអ្នកនាងស្ថិតក្នុងវ័យច្រើនបន្តិចក្តី ប៉ុន្តែតារាស្រីរូបនេះ នៅ តែទទួលបានការសរសើរថា មានរូបសម្រស់ស្រស់ស្អាត មិនចាញ់មិត្តរួមអាជីពឡើយ៕

អត្ថបទ ៖ ចាន់រ៉ា