តុលាការវៀតណាម កាត់ទោសប្រហារជីវិត ជនជាតិខ្មែរម្នាក់ ពីបទរត់ពន្ធគ្រឿងញៀន

ជនជាតិខ្មែរម្នាក់ និង​វៀតណាម​ពីរ​នាក់​នៅ​ខេត្ត Binh Phuoc ​ត្រូវ​បាន​កាត់ទោស​ប្រហារ​ជីវិត ​ពី​បទ​រត់ពន្ធ​ហេរ៉ូអ៊ីន និង​មេតំហ្វេតាមីន ៣១ គីឡូក្រាម​ ចូលក្នុងប្រទេស​វៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាតិខ្មែរឈ្មោះ Sbov Proeurn អាយុ៣៦ឆ្នាំ និងជនជាតិវៀតណាម២នាក់ឈ្មោះ Nguyen Ngoc Hai អាយុ ២៩ ឆ្នាំ និង Dang Ngoc Quy អាយុ២៤ឆ្នាំ ត្រូវបានតុលាការប្រជាជនខេត្ត Binh Phuoc កាត់ទោសប្រហារជីវិតកាលពីថ្ងៃព្រហស្បតិ៍ទី២៨ខែកញ្ញា ពីបទជួញដូរគ្រឿងញៀន។ លោក Hai ក៏រងការចោទប្រកាន់ពីបទរក្សាទុកអាវុធយោធាដោយខុសច្បាប់ ផងដែរ។

កាលពីថ្ងៃទី២៦ខែមីនាឆ្នាំមុន បុរសជនជាតិខ្មែរ មិនស្គាល់អត្តសញ្ញាណម្នាក់ បានជួល Sbov ឲ្យដឹកជញ្ជូនគ្រឿងញៀនពីកម្ពុជាចូលទៅទីក្រុងហូជីមិញ ដោយឲ្យប្រាក់ ២០០ដុល្លារក្នុងមួយគីឡូក្រាម។

បីខែក្រោយមក Sbov បានជិះម៉ូតូទៅផ្សារមួយក្នុងស្រុកមេមត់ នៃខេត្តត្បូងឃ្មុំ ដោយយកគ្រឿងញៀនពីជនមិនស្គាល់អត្តសញ្ញាណ បន្ទាប់មកដឹកត្រលប់ទៅខេត្ត Binh Phuoc វិញ។

ក្រោយមកទៀត លោក Sbov បានជួល Hai ឲ្យយកថ្នាំញៀនពីព្រំដែនកម្ពុជា​ ទៅទីក្រុងហូជីមិញក្នុងតម្លៃ ១៥០ដុល្លារក្នុងមួយគីឡូក្រាម។ Quy ត្រូវបាន Hai ជួលបន្តដើម្បីដឹកមនុស្ស៣នាក់ទៅ ហូជីមិញ ក្នុងតម្លៃ ៦១៦ដុល្លារ។

នៅថ្ងៃទី២ ខែកក្កដា និងថ្ងៃទី៥ខែកក្កដា ឆ្នាំ២០២២ Sbov បានទទួលថ្នាំញៀនចំនួន៣ធុងបន្ថែមទៀត ហើយនាំយកទៅព្រំដែន ប៉ុន្តែទីបំផុត ក៏ត្រូវបានចាប់ខ្លួន៕

ប្រែសម្រួល៖​ Vann Vann

ប្រភព៖ VN Express

ចុចអាន៖ វៀតណាម កាត់ទោសដាក់ពន្ធនាគារមនុស្ស១១នាក់ ពីបទជួញដូរមនុស្ស ចូល កម្ពុជា