ព័ត៌មានជាតិ
ឧទ្យាននរា (Norea Parkway) បានក្លាយជាកន្លែងកម្សាន្ដ និងលំហែអារម្មណ៍ថ្មីមួយ សម្រាប់ពលរដ្ឋនៅភ្នំពេញ
ក្នុងរយៈពេលចុងក្រោយនេះ បន្ទាប់ពីដាក់ឲ្យដំណើរការស្ពានកោះពេជ្រ-កោះនរា បណ្ដោះអាសន្ន និងការរៀបចំហេដ្ឋារចនាសម្ព័ន្ធមួយចំនួន នៅតំបន់កោះនរានោះរួចរាល់ គេសង្កេតឃើញថា មានប្រជាពលរដ្ឋ ជាពិសេសយុវជន-យុវនារីជាច្រើន បានចាប់អារម្មណ៍នាំគ្នាទៅដើរលេងកម្សាន្ត និងលំហែអារម្មណ៍ នៅឧទ្យាននរា (Norea Parkway)។
ឧទ្យាននរា (Norea Parkway) ជាទីកន្លែងកម្សាន្ដ និងលំហែអារម្មណ៍ថ្មីមួយ នៅរាជធានីភ្នំពេញ បន្ទាប់ពីទីក្រុងកោះពេជ្រ។ ប្រជាពលរដ្ឋ អាចធ្វើដំណើរឆ្លងកាត់ស្ពានកោះពេជ្រ-កោះនរា នឹងទៅដល់ទីកន្លែងដ៏ស្រស់ស្អាតថ្មីមួយនេះ ហើយអ្វីដែលសំខាន់នោះ គឺទទួលបានអារម្មណ៍ថា ស្រស់ស្រាយជាមួយនឹងខ្យល់អាកាសបរិសុទ្ធ ពីកន្លែងនោះតែម្ដង។
យុវជន ហេង សុវណ្ណរ៉ុង និស្សិតពេទ្យ នៃសាកលវិទ្យាល័យន័រតុន បានប្រាប់ឱ្យកម្ពុជាថ្មីដឹងថា លោកចាប់អារម្មណ៍មកកម្សាន្ត ឧទ្យាននរានេះ ដោយសារតែទីនេះជាកន្លែងទេសចរថ្មីមួយ បន្ទាប់ពីទីក្រុងកោះពេជ្រ។ អ្វីដែលពិសេសនោះ គឺលោកបានទទួលយកអារម្មណ៍មួយថា ស្រស់ស្រាយ ដោយសារខ្យល់អាកាសបរិសុទ្ធ និងស្ងប់ស្ងាត់ គួរឱ្យចង់អង្គុយលេង អង្គុយអានសៀវភៅ ឬអាចណាត់ជួបមិត្តភក្តិជជែកគ្នាលេង និងញ៉ាំហារផ្សេងៗ ជាដើម។
យុវជនរូបនេះ បន្ថែមទៀតថា ក្រៅពីទេសភាពស្រស់ស្អាតនោះ ឧទ្យាននរា ក៏ជាកន្លែងថ្មីមួយរបស់ភ្ញៀវទេសចរជាតិ និងអន្ដរជាតិ អាចនាំគ្នាមកដើរកម្សាន្ដ ជិះកង់ និងរត់ហាត់ប្រាណ បានដោយយ៉ាងសប្បាយរីករាយ និងប្រកបដោយសុវត្ថិភាព។
លើសពីនេះ យុវជន ហេង សុវណ្ណរ៉ុង មើលឃើញកន្លែងខ្វះខាតមួយ នោះគឺតំបន់ Norea Parkwayនេះ មិនទាន់មានកន្លែងផ្ញើម៉ូតូ និងរថយន្ត ដោយយុវជននេះ អះអាងថា គ្រប់ម៉ូតូ និងរថយន្ត គ្រាន់តែឈប់ចត និងទុកដាក់ដោយខ្លួនឯងតែប៉ុណ្ណោះ ដែលលោកគិតថា វាអាចនឹងគ្មានសុវត្ថិភាព និងធ្វើឱ្យចិត្តមិនស្ងប់ ព្រោះនឹកគិតដល់សម្ភារៈ ដូចជា៖ ម៉ូតូ និងរថយន្ត រៀងៗខ្លួន។
ចំណែក កញ្ញា លី រតនា និស្សិតពេទ្យ នៃសាកលវិទ្យាល័យន័រតុន ក៏បានប្រាប់កម្ពុជាថ្មីដូចគ្នាដែរថា កញ្ញាទើបតែបានមកលេង នៅឧទ្យាននរានេះជាលើកទី ១។ កញ្ញា ស្គាល់កន្លែងនេះតាមរយៈមើលវីដេអូតាម TikTok ដែលគេបានបង្ហោះ ទើបបានបបួលមិត្តរួមថ្នាក់ មកអង្គុយលេងកម្សាន្ត នៅទីនោះតែម្ដង។
កញ្ញា លី រតនា បន្តថា ក្រៅពីកន្លែងឧទ្យាននរា កញ្ញា និងមិត្តភក្តិ ក៏អាចនាំគ្នាទៅលេងកម្សាន្តនៅតាមសួនច្បារ ក្នុងបរិវេណតំបន់កោះនរានេះ ដោយមិនអស់ប្រាក់នោះឡើយ។ កញ្ញា បញ្ជាក់ថា តំបន់កោះនរានេះ គឺជាទីកន្លែងថ្មីមួយ បន្ទាប់ពីទីក្រុងកោះពេជ្រ សម្រាប់សាធារណជនទូទៅ អាចជ្រើសរើសកម្សាន្ត ជាមួយមិត្តភក្តិ និងជាលក្ខណៈគ្រួសារ បានដោយរីករាយ មិនថាថ្ងៃធម្មតា ឬថ្ងៃចុងសប្ដាហ៍ នោះឡើយ។
សូមជម្រាបថា ឧទ្យាននរា (Norea Parkway) មានទីតាំងស្ថិតនៅ ភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ មានចម្ងាយប្រហែល ៩គីឡូម៉ែត្រ ពីវត្តភ្នំ ហើយត្រូវឆ្លងកាត់ស្ពានកោះនរា-កោះពេជ្រ៕ ប្រភពរូបភាព៖ Norea City
អត្ថបទ៖ សួស សិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង