រកឃើញទំនិញ​មួយ​ចំនួន​ផុតកាល​បរិច្ឆេទ​​​លក់​ដូរ​តាម​ផ្សារ​​នៅ​ស្រុក​ស្នួល​ខេត្តក្រចេះ

មន្ត្រីនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្គាបការក្លែងបន្លំសាខាខេត្តក្រចេះ សហការជាមួយមន្ទីរពាណិជ្ជកម្មខេត្ត និងអាជ្ញាធរស្រុកស្នួល ​​បាន​ចុះត្រួតពិនិត្យកាលបរិច្ឆេទគុណភាពសុវត្ថិភាពទំនិញ និង​ម្ហូបអាហារមួយចំនួន ដើម្បីវិភាគរកសារធាតុគីមីហាមឃាត់ដែលបណ្តាលឲ្យប៉ះពាល់ដល់សុខភាពអ្នកទទួលទាន នៅក្នុងផ្សារនិងនៅតាមផ្សារទំនើប (ម៉ាត) ក្នុង​ស្រុកស្នួលខេត្តក្រចេះ នាថ្ងៃទី២០ ខែធ្នូ ឆ្នាំ២០២៣។

ការចុះត្រួតពិនិត្យ​មន្ត្រីជំនាញបានរកឃើញនិងដកហូតទំនិញហួសកាលបរិច្ឆេទ​​មួយ​ចំនួន​យកទៅ​កម្ទេចចោល និង​បានបន្តធ្វើតេស្តលើពពុះសណ្តែក រកសាធាតុ Borax , ត្រសក់ចាវ រកសារធាតុ Salicylie Aeid , បង្គាស្រស់រកសារធាតុ Formaline ,ខ្ញីហាន់ រកសារធាតុ sudium Hydrosulfite ,សណ្តែងបណ្តុះ រកសារធាតុ sudium Hydrosulfite ,និងស្ពៃជ្រក់ រកសារធាតុ Salicylie Aeid ប៉ុន្តែពុំរកឃើញសារធាតុគីមីហាមឃាត់ឡើយ៕

អត្ថបទ៖ ប្រុញ វិធិន