ព័ត៌មានជាតិ
ដើមឆ្នាំនេះ ភ្ញៀវអន្តរជាតិជាមធ្យមប្រមាណ ៣០០ នាក់ បានចេញ-ចូល ផ្សារបុរាណទួលទំពូង ក្នុងមួយថ្ងៃៗ
នៅក្នុងខែមករា ឆ្នាំ ២០២៤ នេះ ភ្ញៀវទេសចរអន្តរជាតិជាមធ្យមប្រមាណ ៣០០ នាក់ បានចេញ-ចូលផ្សារទួលទំពូង ក្នុងមួយថ្ងៃៗ ដែលភាគច្រើនចម្រុះជាតិសាសន៍។ នេះបើយោងតាមការឲ្យដឹងពី លោកប្រធានគណៈកម្មការផ្សារទួលទំពូង។
លោក ចំរើន សុខលីម ប្រធានគណៈកម្មការផ្សារទួលទំពូង បានមានប្រសាសន៍ប្រាប់ កម្ពុជាថ្មី ឲ្យដឹង នៅរសៀលថ្ងៃទី ២៥ ខែមករា ឆ្នាំ ២០២៤ នេះថា នៅដើមឆ្នាំ ២០២៤ នេះ ផ្សារទួលទំពូង មានភ្ញៀវទេសចរអន្តរជាតិមកច្រើន ជាមធ្យមប្រមាណ ៣០០ នាក់ ក្នុងមួយថ្ងៃៗ ហើយថ្ងៃខ្លះទៀតលើសហ្នឹងក៏មាន។
លោក ចំរើន សុខលីម បញ្ជាក់ថា «ពាក់ព័ន្ធនឹងភ្ញៀវទេសចរក្នុងខែមករានេះ ភ្ញៀវអន្តរជាតិមកច្រើន ជាមធ្យមពី ២៥០ នាក់ ទៅ ៣០០ នាក់ ឬក៏ថ្ងៃខ្លះ មានលើសហ្នឹង ព្រោះដើមឆ្នាំ។ ហើយជនជាតិបរទេសភាគច្រើន គឺ ចម្រុះជាតិសាសន៍»។
ជាមួយគ្នានេះ លោក ចំរើន សុខលីម បានបន្ថែមថា ចំពោះភ្ញៀវទេសចរអន្តរជាតិដែលចូលចិត្តមកផ្សារទួលទំពូងនេះ ដោយសារតែផ្សារនេះ ជាផ្សារបុរាណ និងសំបូរដោយវត្ថុអនុស្សាវរីយ៍ជាច្រើន។ បន្ថែមនោះ ភ្ញៀវទេសចរអន្តរជាតិ ដែលនិយមមកផ្សារទួលទំពូងនេះ គឺដើម្បីទិញសម្ភារៈ ឬ វត្ថុអនុស្សាវរីយ៍ យកទៅប្រទេសរបស់ពួកគាត់វិញ។ មួយវិញទៀត ផ្សារទួលទំពូង មានឈ្មោះល្បីរន្ទឺតាំងពីទសវត្សឆ្នាំ ៨០ មកម្ល៉េះ ដោយគេហៅថា ផ្សាររុស្ស៊ី។ ហើយជនជាតិបរទេស តែងតែប្រាប់តៗ គ្នាថា ផ្សារទួលទំពូង ជាផ្សាររុស្ស៊ី ទើបពួកគាត់ចូលចិត្តមកផ្សារនេះ។
គួរជម្រាបថា ផ្សារទួលទំពូង ជាទីកន្លែងដ៏ពេញនិយមខ្លាំងសម្រាប់ប្រជាជនខ្មែរ និងជនបរទេស។ ផ្សារទួលទំពូង មានទីតាំងស្ថិតនៅរាជធានីភ្នំពេញ ដែលផ្សារនេះ មានលក់ម្ហូបអាហារ បន្លែ ត្រី សាច់ គ្រឿងទេស ឧបករណ៍ប្រើប្រាស់ សម្លៀកបំពាក់ និងវត្ថុអនុស្សាវរីយ៍ជាច្រើន។ ប្រជាពលរដ្ឋភាគច្រើន បានចាត់ទុក ផ្សារទួលទំពូង នេះ ជាទីប្រជុំជន នៃអាហារ មិនថា ពេលព្រឹក ថ្ងៃត្រង់ ល្ងាច ឬ យប់ឡើយ៕
អត្ថបទ ៖ ពិសី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ