សហគមន៍កសិកម្មសំបូរមានជ័យ​កំពុងប្រែក្លាយខ្លួនទៅជា​សហគមន៍កសិកម្មទំនើប​

លោក ឃឹម ហ្វីណង់ ​អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ​បានឱ្យដឹងថា សហគមន៍​កសិកម្មសំបូរមានជ័យ នៅក្នុងស្រុកស្ទឹងត្រង់ ខេត្តកំពង់ចាម កំពុងប្រែក្លាយខ្លួនទៅ​ជាសហគមន៍​កសិកម្មទំនើប ស្របតាមកម្មវិធីគោលនយោបាយអាទិភាពទី៦ នៃរាជរដ្ឋាភិបាលអាណត្តិថ្មី។

លោកបញ្ជាក់ថា ​ក្រោយពេលក្លាយជាសហគមន៍កសិកម្មទំនើប សហគមន៍នេះនឹង ​ទទួលបានដើមទុន ជាកម្ចីឥណទានដែលមានការប្រាក់ទាបពីធនាគាដៃគូ ដោយមិនតម្រូវឱ្យមានវត្ថុបញ្ចាំ។ ហើយថា ការធ្វើផលិតកម្មបន្លែរួមគ្នាក្នុងផ្ទះសំណាញ់ចំនួន ៤០០ខ្នង ប្រកបដោយថ្លៃដើមទាប គុណភាពស្តង់ និងមានសេដ្ឋកិច្ចមាត្រដ្ឋាន។

​លោក ឃឹម ហ្វីណង់បញ្ជាក់ថា សហគមន៍កសិកម្មទំនើប ក៏ស្ថិតក្រោមប្រព័ន្ធគ្រប់គ្រងរួមមួយ​របស់សហគមន៍ ដោយមាន​អ្នកជំនាញ​បច្ចេកទេសច្បាស់លាស់ និងប្រកបដោយក្រឹត្យ​ក្រមវិជ្ជាជីវៈខ្ពស់។

មន្ត្រីនាំពាក្យដដែលរូបនេះ បន្តថា អត្ថប្រយោជន៍បន្ថែមទៀតគឺ​មានការផ្សារភ្ជាប់ទៅកាន់ទីផ្សារ​ទុកជាមុន តាមរយៈការធ្វើផលិតកម្មកសិកម្មតាមកិច្ចសន្យា និងការរៀបចំផែនការ​អាជីកម្មច្បាស់​លាស់។

ក្រៅពីនេះ ​ជាសហគមន៍ជោគវាសនាតែមួយ ដែលផ្តល់ភាគលាភត្រលប់ទៅកាន់​សមាជិក​សហគមន៍​ជាប្រចាំ ប្រកប​ដោយសមធម៌ និងផ្អែកលើសមាមាត្រភាគហ៊ុនជាដីឬដំណាំ និងការ​ចូលរួម​កម្លាំងពលកម្មរៀងៗខ្លួន៕