ព័ត៌មានជាតិ
រយៈពេល៨ថ្ងៃ ពលរដ្ឋខ្មែរជាង២២ម៉ឺននាក់ បានវិលចូលប្រទេសវិញ ដើម្បីមកចូលរួមបុណ្យចូលឆ្នាំខ្មែរ
ក្នុងរយៈពេល៨ថ្ងៃ មានប្រជាពលរដ្ឋខ្មែរជាង២២ម៉ឺននាក់ បានវិលចូលប្រទេសវិញ ដើម្បីមកចូលរួមក្នុងពិធីបុណ្យចូលឆ្នាំប្រពៃណីជាតិខ្មែរ ក្នុងខែមេសានេះ។ នេះបើតាមសេចក្ដីជូនដំណឹងរបស់អគ្គនាយកដ្ឋានអន្តោប្រវេសន៍។
សេចក្ដីជូនដំណឹងរបស់អគ្គនាយកដ្ឋានអន្តោប្រវេសន៍ នៅថ្ងៃទី៩ ខែមេសា ឆ្នាំ២០២៤នេះ បានឱ្យដឹងថា គិតចាប់ពីថ្ងៃទី១ ខែមេសា ដល់ថ្ងៃទី៨ ខែមេសា ឆ្នាំ២០២៤ ប្រជាពលរដ្ឋខ្មែរវិលចូលប្រទេសកម្ពុជាវិញ មានចំនួនសរុប ២២៥ ២៣២នាក់ ដែលក្នុងនោះ មានពលករចូលសរុបចំនួន ៦០ ៦៤៧នាក់។
ការវិលត្រឡប់របស់ពលរដ្ឋខ្មែរពេលនេះ ត្រូវបានអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ បញ្ជាក់ថា គឺដើម្បីមកចូលរួមពិធីបុណ្យចូលឆ្នាំប្រពៃណីជាតិខ្មែរ ខាងមុខនេះ ព្រមជាមួយនឹងការទទួលបានការយកចិត្តទុកដាក់ខ្ពស់ក្នុងការសម្រួលដំណើរចូល-ចេញប្រទេសរបស់អ្នកដំណើរទូទៅ ពិសេសពលករកម្ពុជាដែលទៅបំពេញការងារ និងប្រកបមុខរបរផ្សេងៗនៅក្រៅប្រទេស ដែលធ្វើឱ្យការធ្វើដំណើរវិលចូលប្រទេសវិញរបស់ពលរដ្ឋខ្មែរមានលំហូរច្រើនជាបន្តបន្ទាប់។
បើតាមអគ្គនាយកដ្ឋានអន្តោប្រវេសន៍ ត្រឹមតែមួយថ្ងៃ ពោល គឺនៅថ្ងៃទី៨ ខែមេសា ឆ្នាំ២០២៤ មានពលរដ្ឋខ្មែរ បានធ្វើដំណើរវិលត្រឡប់ចូលប្រទេសវិញនៅតាមបណ្តាប៉ុស្តិ៍នគរបាលច្រកទ្វារព្រំដែនសរុបចំនួន ៣០ ៣៥០នាក់ ក្នុងនោះមានពលករសរុបចំនួន៨ ១៣០នាក់៕
-
ជីវិតកម្សាន្ដ៦ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ២ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៣ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ព័ត៌មានជាតិ៥ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ព័ត៌មានអន្ដរជាតិ៣ ថ្ងៃ ago
កូនក្រមុំ ចិន ត្រូវភ្ញៀវប្រុសៗចាប់សម្រាតសំលៀកបំពាក់ ដោយយកលេសថាជាប្រពៃណីបុរាណ
-
ព័ត៌មានជាតិ១៥ ម៉ោង ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ២ ថ្ងៃ ago
ខេត្តថៃ ជាប់ដងទន្លេមេគង្គ ប្រកាសអាសន្ន ក្រោយអាស៊ីត ៣០តោន ធ្លាយចូលទន្លេនៅឡាវ
-
ព័ត៌មានជាតិ៥ ថ្ងៃ ago
គេហទំព័រ Weather ៖ កម្តៅនៅទីក្រុងភ្នំពេញ អាចឈានដល់កម្រិតគ្រោះថ្នាក់ធ្ងន់ធ្ងរ ពេញមួយសប្តាហ៍ ដល់ថ្ងៃចូលឆ្នាំ