ឥណ្ឌូណេស៊ី​ធ្លាក់​កំណើន GDP ឆ្នាំ​២០២៥ មក​នៅ​ត្រឹម ៥,១%-៥,៥%

រដ្ឋាភិបាលឥណ្ឌូនេស៊ីរំពឹងថា កំណើនសេដ្ឋកិច្ចនៅឆ្នាំ ២០២៥ នឹងស្ថិតក្នុងរង្វង់ពី ៥,១ ភាគរយ ទៅ ៥,៥ ភាគរយ ទាបជាងការព្យាករណ៍ពីមុនពី ៥,៣ ភាគរយ ទៅ ៥,៦ ភាគរយ។ នេះបើយោងតាមការចេញផ្សាយរបស់សារពត៌មាន CNA នៅថ្ងៃទី ២០ ខែ ឧសភា​នេះ។

ការធ្លាក់ចុះនេះបន្ទាប់ពីក្រុមព្យាករណ៍កំណើន រួមជាមួយនឹងការព្យាករណ៍លើទិន្នផល និងអត្រាប្តូរប្រាក់រូពៀ ត្រូវបានពិភាក្សាជាមូលដ្ឋានចំពោះថវិកាឆ្នាំ ២០២៥របស់រដ្ឋាភិបាល។

ប្រធានាធិបតីផុតអាណត្តិ Joko Widodo នឹងពង្រឹងតួរលេខ និងបង្ហាញថវិកាឆ្នាំ ២០២៥ ដល់សភានៅពាក់កណ្តាលខែសីហា ហើយសមាជិកសភាត្រូវបានគេរំពឹងថានឹងពិភាក្សាអំពីផែនការនេះនៅខែក្រោយ បើទោះបីជាអ្នកស្នងតំណែង Prabowo Subianto នឹងចូលកាន់តំណែងនៅខែតុលាក៏ដោយ។ខណៈ ក្រុមអន្តរកាលរបស់ប្រធានាធិបតីជាប់ឆ្នោត Prabowo កំពុងធ្វើការជាមួយក្រសួងហិរញ្ញវត្ថុ ដូច្នេះថវិកាឆ្នាំ ២០២៥នឹងឆ្លុះបញ្ចាំងពីផែនការរបស់គាត់បន្ទាប់ពីចូលកាន់តំណែង។

ខណៈអ្នកវិភាគមួយចំនួនបានព្រមានអំពីការចំណាយខ្ពស់នៃយុទ្ធនាការរបស់លោក Prabowo សន្យាផ្តល់អាហារឥតគិតថ្លៃដល់កុមារចំនួន ៨៣ លាននាក់ ដោយនិយាយថាវាអាចបំផ្លាញកំណត់ត្រាបទប្បញ្ញត្តិស្តីពីសារពើពន្ធរបស់ប្រទេសឥណ្ឌូនេស៊ី។យ៉ាងណាមិញកាលពីខែកុម្ភៈបានប៉ាន់ប្រមាណថាវាអាចចំណាយអស់ ៧,៧ ពាន់លានដុល្លារក្នុងឆ្នាំដំបូងក្រោមអណ្ណតិ្តរបស់លោក Prabowo តែលោកថាវាអាចជំរុញកំណើនរហូតដល់ ២,៦ ភាគរយភាគរយ នៅពេលអនុវត្តពេញលេញនៅឆ្នាំ ២០២៩។

ទោះបីជាមានការធ្លាក់ចុះនៃការព្យាករណ៍កំណើន GDP ក៏ដោយ ក៏រដ្ឋាភិបាលនឹងរៀបចំផែនការថវិកានៅឆ្នាំក្រោយជាមួយនឹងផែនការឱនភាពចន្លោះពី ២,៤៥ ភាគរយទៅ ២,៨២ ភាគរយនៃផលិតផលក្នុងស្រុកសរុប ដែលប្រគៀកនឹងការព្យាករពីមុនពី ២,៤៨ ភាគរយទៅ ២,៨០ភាគរយនៃផលិតផលក្នុងស្រុកសរុប៕

អត្ថបទ៖ ប៊ុន​ សុភាព