ព័ត៌មានអន្ដរជាតិ

រញ្ជួយដីនៅហ្វីលីពីន សម្លាប់មនុស្សយ៉ាងហោចណាស់៣នាក់ និងបាក់អគារច្រើនខ្នង

បានផុស

១៨ វិនាទី មុន

នៅ

ថ្ងៃចន្ទ ៨ មិថុនា ២០២៦

ដោយ

គ្រោះរញ្ជួយដីដ៏ខ្លាំងក្លា កម្រិត ៧.៨ រ៉ិចទ័រ បានវាយប្រហារភាគខាងត្បូងប្រទេសហ្វីលីពីននៅព្រឹកពីថ្ងៃចន្ទ នេះ ដោយសម្លាប់មនុស្សយ៉ាងហោចណាស់បីនាក់ និងទាញការព្រមានពីរលកយក្សស៊ូណាមិទូទាំងតំបន់។

យោងតាមសារព័ត៌មាន CNA ផ្សាយថ្ងៃទី៨ ខែមិថុនា ឆ្នាំ២០២៦ អគារជាច្រើនបានដួលរលំ នៅតំបន់ខ្លះនៃកោះ Mindanao ខណៈអាជ្ញាធរ ចាប់ផ្តើមប្រតិបត្តិការជួយសង្គ្រោះ។

មន្ត្រីរបស់ប្រទេសហ្វីលីពីន និងឥណ្ឌូណេស៊ីជំរុញឱ្យប្រជាជននៅតំបន់ឆ្នេរសមុទ្រជម្លៀសទៅកាន់ទីទួលខ្ពស់ ខណៈប្រទេសជប៉ុនបានចេញសេចក្តីជូនដំណឹងអំពីរលកយក្សស៊ូណាមិសម្រាប់ផ្នែកខ្លះនៃឆ្នេរសមុទ្រប៉ាស៊ីហ្វិករបស់ខ្លួន។

បាក់អគារដោយសាររញ្ជួយដីនៅហ្វីលីពីន។ រូបភាព៖ AFP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក សិស្សានុសិស្ស និងគ្រូបង្រៀននៅសាលាបឋមសិក្សា Mahayahay ក្នុងខេត្ត Davao Occidental បានរត់គេចខ្លួន ដើម្បីសុវត្ថិភាព ពេលគ្រោះរញ្ជួយដីកម្រិត ៧.៨រ៉ិចទ័រ បានវាយប្រហារ អំឡុងពេលគោរពទង់ជាតិនៅព្រឹកមិញនេះ។

ចាប់តាំងពីកើតហេតុ ថ្នាក់រៀនគ្រប់កម្រិតត្រូវបានផ្អាកនៅទូទាំងតំបន់ដែលរងផលប៉ះពាល់នៅ Mindanao រហូតដល់មានការជូនដំណឹងបន្ថែម។

គួរបញ្ជាក់ថា គ្រោះរញ្ជួយដីកម្រិតធ្ងន់ បានវាយប្រហារកោះ Mindanao ភាគខាងត្បូងប្រទេសហ្វីលីពីន ដោយកម្លាំងដ៏ខ្លាំង បណ្តាលឱ្យប្រទេសជាច្រើន នៅតាមបណ្តោយឆ្នេរមហាសមុទ្រ ប៉ាស៊ីហ្វិក ទាញប្រកាសអាសន្នចំពោះរលកយក្សស៊ូណាមិ ក្នុងនោះមានទាំងជប៉ុន និងឥណ្ឌូណេស៊ីផងដែរ៕

សម្រួល៖ ណឺ មិនា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា