សេដ្ឋកិច្ច

ទំហំពាណិជ្ជកម្មទ្វេភាគីកម្ពុជា-វៀតណាមមានកំណើន

បានផុស

២ years មុន

នៅ

ថ្ងៃពុធ ១២ មិថុនា ២០២៤

ដោយ

គិតចាប់ពីខែមករា ដល់ខែឧសភា ឆ្នាំ ២០២៤ កម្ពុជានាំទំនិញទៅប្រទេសវៀតណាម គិតជាទឹកប្រាក់ជាង ១,៨៨ ពាន់លានដុល្លារ មានការកើនឡើង ៤២.៦ ភាគរយ បើធៀបនឹងរយៈពេលដូចគ្នា នៅឆ្នាំ ២០២៣។

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ប្រាប់កម្ពុជាថ្មីនៅថ្ងៃទី ១២ ខែមិថុនា នេះថា កម្ពុជា-វៀតណាម បានចុះកិច្ចព្រមព្រៀងឯកភាពនាំទំនិញឆ្លងដែន និងពង្រីកទំនាក់ទំនងសេដ្ឋកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លឹម ហេង បញ្ជាក់ថា ទំនិញដែលនាំចេញពីកម្ពុជាទៅវៀតណាម ហើយផលិតផលមួយចំនួន មិនទាន់កែច្នៃ ខណៈវៀតណាមក៏ត្រូវការវត្ថុធាតុដើមពីកម្ពុជាដែរ។

លោកឧកញ៉ា លឹម ហេង លើកឡើងថា៖ «ផលិតផលកសិកម្មបានកើនឡើងពីមួយឆ្នាំទៅមួយឆ្នាំ ហើយបើគ្មានទីផ្សារបញ្ចេញទៅវៀតណាម និងប្រទេសថៃ យើងនឹងកកស្ទះ មិនអាចកែច្នៃទាន់ទេ ដូច្នេះទីផ្សារប្រទេសជិតខាងយើង ជាទីផ្សារដ៍ល្អរបស់យើង»។

លោក អួន ស៊ីឡុត ប្រធានសមាគមស្វាយចន្ទីកម្ពុជាមានប្រសាសន៍ថា ប្រទេសវៀតណាមមានតម្រូវការស្វាយចន្ទី ៣ លានតោន ក្នុងមួយឆ្នាំ ដើម្បីកែច្នៃ ខណៈវៀតណាមនាំចូលស្វាយចន្ទីពីកម្ពុជាមិនដល់១ លានតោននោះទេ ក្នុងមួយឆ្នាំ។

យោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា (GDCE) ទំហំពាណិជ្ជកម្មកម្ពុជា-វៀតណាម ក្នុងរយៈពេល ៥ ខែ (មករា-ឧសភា) សម្រេចបានទឹកប្រាក់ ៣,៥៥ ពាន់លានដុល្លារ កើនឡើង២៤ ភាគរយ ក្នុងនោះការនាំចេញរបស់ កម្ពុជាមានទឹកប្រាក់ ១,៨៨ ពាន់លានដុល្លា កើនឡើង ៤២.៦ ភាគរយ ប្រៀបធៀបនឹងរយៈ ពេលដូចគ្នាកាលពីឆ្នាំមុន។ ចំណែកឯការនាំចូលទំនិញរៀតណាមមកកម្ពុជា សម្រេចបានទឹកប្រាក់ ១,៦៧ ពាន់លានដុល្លារ កើន ៨ ភាគរយ៕

អត្ថបទ៖ ឡេង ដេត

Related Topics:កម្ពុជា-វៀតណាម

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា