ជីវិតកម្សាន្ដ

ឌីជេ ក្តិប រម្លឹកបណ្តាំចុងរបស់ឪពុកថា ឲ្យខំប្រឹងកែប្រែខ្លួនដើម្បីអនាគតកូនៗ

បានផុស

១ year មុន

នៅ

ថ្ងៃពុធ ១៩ មិថុនា ២០២៤

ដោយ

មិនខុសពីមហាជនអ្នកគាំទ្រ និងសិល្បករ-សិល្បការិនី ឯទៀតទេនៅថ្ងៃទិវាលោកឪពុក “តារាចម្រៀងរ៉េប ឌីជេ ក្តិប បានរម្លឹងការចងចាំ និងការដឹងគុណចំលោកឪពុករបស់ខ្លួនទោះបីលោកបានចែកឋានទៅហើយក្តី។ អ្វីដែលកាន់តែចាប់អារម្មណ៍ ឌីជេ ក្តិប បាននឹកដល់បណ្តាំចុងក្រោយរបស់ឪពុកដែលឲ្យខំប្រឹងកែប្រែខ្លួនដើម្បីអនាគតកូនៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“ទិវាលោកឪពុក” កាលពីថ្ងៃទី១៦ ខែមិថុនា ឆ្នាំ២០២៤ កន្លងទៅ ឌីជេ ក្តិប ក៏បានបង្ហាញការសោកស្តាយដែលពុំមានឱកាសហៅឲ្យឪពុកបើកភ្នែកត្រឹមតែ ១វិនាទីដើម្បីមើលពីភាពជោគជ័យម្ដងទៀតរបស់ខ្លួន។ ឌីជេ ក្តិប បានរៀបរាប់ថា «Happy Father Day លោក ប៉ា»។

លោកនិយាយថា «ប៉ា! តើប៉ាមានបានមើលឃើញពីភាពស្រស់សង្ហាររបស់កូនប្រុសប៉ាម្នាក់នេះទេ? ពេលនេះ គឺ វាក្រោកឈរវិញបានហើយអាចត្រឡប់ទៅធ្វើការងារសិល្បៈដែលជាទេពកោសល្យពីធម្មជាតិបួករួមនិងការខិតខំហាត់រៀនរបស់វាវិញបានហើយ»។

តារាចម្រៀង ឌីជេ ក្តិប បន្តទៀតថា «ពិសេសគឺ វាអាចទៅធ្វើការកលុយវិញបានហើយ ប៉ុន្តែវាប្រាប់ខ្ញុំថា ទោះបីជាវាអាចរកលុយបានច្រើនប៉ុណ្ណាក៏វាមិនអាចទិញខ្សែជីវិតរបស់ប៉ាឲ្យបើកភ្នែកត្រឹមតែ ១វិនាទីដើម្បីមើលឃើញពីភាពជោគជ័យម្ដងទៀតរបស់វាបានទេ តែយ៉ាងណាក៏ដោយក៏វាអត់ដែលបានបំភ្លេចបណ្ដាំរបស់ប៉ាដែលប្រាប់ថាកូនត្រូវខំប្រឹងកែប្រែខ្លួនឯងដើម្បីអនាគតកូនៗរបស់កូនឲ្យបាន»។

ទស្សនិកជន និងអ្នកនិយមតាមដានវិស័យសិល្បៈបានដឹងហើយថា តារាចម្រៀងរ៉េបលោក ចាន់ សំណាង ហៅ ឌីជេ ក្តិប កន្លងមកគឺហាក់ឃ្លាតឆ្ងាយពីវិស័យសិល្បៈស្ទើរទាំងស្រុង។ ប៉ុន្តែ ជាការកត់សម្គាល់ថ្វីត្បិតមួយរយៈកន្លងទៅ ឌីជេ ក្តិប មិនសូវមានវត្តមានលើវិថីសិល្បៈក្តីតែលោកមិនបានបង្ហាញពីការបោះបង់នោះទេពោលគឺ លោកតែបង្ហាញពីឆន្ទៈស្រលាញ់ និងវិលចូលវិស័យមួយនេះ៕

អត្ថបទ៖ ចាន់រ៉ា