ព័ត៌មានជាតិ

កូនអណ្តើកហ្លួងជិតផុតពូជ ១០ ក្បាល ញាស់នៅមជ្ឈមណ្ឌលអង្គរសម្រាប់ការអភិរក្សជីវៈចម្រុះ

បានផុស

២ years មុន

នៅ

ថ្ងៃសុក្រ ២៦ កក្កដា ២០២៤

ដោយ

កូនអណ្តើកហ្លួងដែលជាសត្វកម្របំផុតមួយប្រភេទ បានញាស់កូនមួយសំបុកដែលមានចំនួនប្រមាណ ១០ ក្បាល បន្ថែមទៀត។ នេះបើតាមការឱ្យដឹងពីមជ្ឈមណ្ឌលអង្គរសម្រាប់ការអភិរក្សជីវៈចម្រុះ (ACCB) កាលពីថ្ងៃទី២៣ ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលអង្គរសម្រាប់ការអភិរក្សជីវៈចម្រុះបានឲ្យដឹងថា ការញាស់កូនអណ្តើកហ្លួងទាំង ១០ក្បាលនេះ នឹងដើរតួដ៏សំខាន់ក្នុងការរក្សាភាពចម្រុះនូវសេនេទិច (ហ្សែន) និងជួយឱ្យមានកំណើនឡើងវិញនៃប្រជាសាស្ត្រសត្វល្មូនកម្រជិតផុតពូជនេះ។

អណ្តើកសសៃដែលត្រូវបានគេស្គាល់ថាអណ្តើកហ្លួង ត្រូវបានគេចាត់ទុកជាសត្វល្មូនតំណាងជាតិរបស់ប្រទេសកម្ពុជាដោយព្រះរាជក្រឹត្យក្នុងឆ្នាំ២០០៥។ សត្វនេះគេជឿថាបានផុតពូជពីប្រទេសកម្ពុជា ប៉ុន្តែត្រូវបានរកឃើញឡើងវិញនៅក្នុងឆ្នាំ២០០០ ដោយការតាំងចិត្តរបស់ក្រុមអ្នកវិទ្យាសាស្ត្រមួយក្រុម។ សព្វថ្ងៃនេះ ពួកវានៅតែប្រឈមនូវការគំរាមកំហែងជាច្រើនដូចជាការបូមខ្សាច់ ការបាត់បង់ទីជម្រក ហើយនឹងទាក់ចាប់ដោយឧបករណ៍នេសាទ។

មជ្ឈមណ្ឌលអង្គរសម្រាប់ការអភិរក្សជីវៈចម្រុះ បានផ្តល់ការថែទាំប្រភេទអណ្តើកហ្លួងពេញវ័យចំនួន ១៣ ក្បាល ដែលជាផ្នែកមួយនៃកម្មវិធីបង្កាត់ពូជសម្រាប់អណ្តើកប្រភេទនេះ។ គំនិតផ្តួចផ្តើមនេះ មានការសហការជាមួយរដ្ឋបាលជលផលនិងអង្គការសមាគមន៍អភិរក្សសត្វព្រៃប្រចាំកម្ពុជា (WCS) ប្រចាំកម្ពុជា៕