ព័ត៌មានជាតិ
ដាំដំណាំបន្ទាប់បន្សំជុំវិញផ្ទះ មិនឲ្យកសិករក្លាយជាអ្នកមាន តែមិនប្រឈមខ្វះខាតជីវភាពប្រចាំថ្ងៃ
កសិករក្នុងស្រុកបាណន់ខេត្តបាត់ដំបង បានប្រាប់កម្ពុជាថ្មីថា ក្រៅពីដំណាំស្រូវ ការធ្វើកសិកម្មបន្ទាប់បន្សំអាចឱ្យពួកគាត់រកចំណូលសម្រាប់ដោះបន្ទុកសេដ្ឋកិច្ចប្រចាំថ្ងៃ បើទោះបីមិនបានសេសសល់ធ្វើជាអ្នកមាន តែអាចផ្គត់ផ្គង់ក្នុងការបរិភោគប្រចាំថ្ងៃមិនប្រឈមលំបាកក្នុងជីវភាព។
លោក ឈៀង រុំ និងអ្នកស្រី សុខឃឿន រស់នៅភូមទួល ឃុំចែងមានជ័យ ស្រុកបាណន់ ខេត្តបាត់ដំបង អតីតជាពលករចំណាកស្រុកក្នុងប្រទេសថៃបានឲ្យដឹងថា ការធ្វើកសិកម្មជាលក្ខណៈគ្រួសារបើទោះបីហត់បន្តិច តែក៏បានផ្តល់ជីវភាពគ្រាន់បើ មិនប្រឈមការភ័យខ្លាចដូចស៊ីឈ្នួលនៅស្រុកគេ ព្រមទាំងបានមើលថែកូនឲ្យបានចូលសាលារៀនទៀតផង។
អ្នកស្រីនិយាយថា «សព្វថ្ងៃសប្បាយចិត្ត អត់មានភ័យខ្លាច។ ដីមានតិចតួចចេះតែដាំនេះដាំនោះ (ដំណាំហុចផលរយៈពេលខ្លី) មិនបានសល់ធ្វើជាអ្នកមាន តែជីវភាពគ្រាន់ដូចគេឯងដែរ និងបានសន្សំធ្វើផ្ទះបានសមរម្យផង»។
កសិករដែលគ្មានដីស្រែ អាចកែច្នៃដីលំនៅដ្ឋានដាំដុះដំណាំបន្ទាប់បន្សំបានដូចជា បន្លែគ្រប់ប្រភេទ ដែលជាប្រភពអាហារតម្រូវការប្រចាំថ្ងៃ គួបផ្សំនិងការចិញ្ចឹមត្រី មាន់ ទា ជ្រូក ដើម្បីជួយដល់ជីវភាពប្រចាំថ្ងៃមិនប្រឈមភាពទីទល់ ហើយប្រថុយប្រថានចូលទៅស៊ីឈ្នួលនៅប្រទេសជិតខាងដោយខុសច្បាប់។
មិនខុសគ្នានេះដែរ កសិករម្នាក់ទៀត អ្នកស្រី វ៉ាន់ថា ដែលរស់នៅក្នុងភូមិឃុំខាងលើជាមួយគ្នាដែលធ្លាប់រស់នៅក្នុងកម្រឹតជីវភាពក្រីក្រម្នាក់ តែក្រោយពីអ្នកស្រីនិងគ្រួសារបានដាំបន្លែក្រោយផ្ទះ បេះលក់ប្រចាំថ្ងៃ បានសន្សំលុយពីការលក់បន្លែទិញតង់ចិញ្ចឹមត្រីអណ្តែង និងតង់មួយទៀតដាក់សូឡាសម្រាប់ជាចំណីធម្មជាតិផ្គត់ផ្គង់ត្រី បានធ្វើឱ្យអ្នកស្រីអាចងើបចេញពីជីវភាពក្រីក្របាន។
អ្នកស្រីថា «អត់ពិបាកអីទេជីវភាពប្រចាំថ្ងៃ កុំឱ្យតែយើងខ្ចិល ហើយបើមិនឆ្លៀតទេ បានប៉ុណ្ណាក៏អស់ដែរ»។
កសិកររូបនេះបន្តថា «ត្រីអណ្ដែង ខ្ញុំចិញ្ចឹមកចន្លោះពី ៣ ទៅ ៤ ខែ បានលក់ ហើយ ៥ ថ្ងៃមកនេះខ្ញុំទើបតែដាក់កូនត្រីជាង ១ ពាក់ក្បាលទៀត ក្រោយពីលក់អស់កាលពីសប្តាហ៍មុន»។
ដោយឡែកកសិករ នៅក្នុងស្រុកមោងឬស្សីឯណៅះវិញ អ្នកស្រី ថាន បានឲ្យដឹងដែរថា «ខ្ញុំបារម្ភតែម្យ៉ាង គឺខ្លាចមានជំងឺធ្ងន់ធ្ងរអត់លុយព្យាបាល បើត្រឹមតែកម្រិតរស់នៅក្នុងគ្រួសារអត់បញ្ហា។ កុំឲ្យតែខ្ចិលទើបជាបញ្ហា គ្រាន់តែដាំននោង ១ត្រើង ក៏បានលុយ។ ចិញ្ចឹមត្រីត្រឹមតែ ៤ខែ ក៏បានលុយដែរ»៕
អត្ថបទ៖ សៅ សារិទ្ធ
ទេសចរចិនកាន់តែច្រើនខកចិត្តខ្លាំង ព្រោះតែថៃមិនឲ្យតម្លៃអ្នកទិញទុរេនសោះ
ចន ច័ន្ទលក្ខិណា ទម្លាយរឿងអតីតតារាសម្តែងមួយរូប ធ្លាក់ខ្លួនដល់ថ្នាក់ហារសុំជំនួយពីខ្លួន ធ្វើឱ្យមហាជនសង្វេគ
រដ្ឋមន្ត្រីណែនាំឱ្យសិក្សាចិញ្ចឹមគោសាច់ និងគោទឹកដោះ
ខេត្តនៅភាគកណ្តាលថៃរងការវាយប្រហារដោយជំនន់ទឹកភ្លៀងភ្លាមៗ
ថៃនឹងអនុវត្តគម្រោង«ព្រែកជីកក្រា» តម្លៃជិត៣០ពាន់លានដុល្លារនៅចុងឆ្នាំនេះ
ក្រសួងរ៉ែទទួលយកសំណើពលរដ្ឋដែលស្នើសុំកិនសំណល់រ៉ែមាសលើដីក្នុងខេត្តមណ្ឌលគិរីទៅពិភាក្សា
គ្រោះធម្មជាតិបណ្តាលឱ្យមនុស្សស្លាប់-របួសជិត ៨០ នាក់ និងបំផ្លាញផ្ទះជាង ៤ ៣០០ ខ្នង ក្នុង ៤ ខែ ឆ្នាំនេះ
ផ្សែងពុលចេញពីភ្លើងឆេះរោងចក្រគ្រឿងសង្ហារឹមនៅបាងកកជំរុញឱ្យមានការជម្លៀសជាបន្ទាន់
ខេត្តភូកេតប្រទេសថៃប្រកាសអាសន្នទឹកជំនន់
ឯកអគ្គរាជទូតថាការបន្លំយកជនជាតិម៉ុងតាញ៉ាមកបាតុកម្មមុខទូតខ្មែរជាសកម្មភាពមិនថ្លៃថ្នូរ
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ១ សប្តាហ៍ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៦ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ១ សប្តាហ៍ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានជាតិ១ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ