ព័ត៌មានជាតិ

ប៉ូលិសថៃស៊ើបអង្កេតវត្តអារាមមួយចំនួនដែលប្រើសាកសពសម្រាប់មេរៀនធ្វើសមាធិ

បានផុស

២ years មុន

នៅ

ថ្ងៃចន្ទ ២៥ វិច្ឆិកា ២០២៤

ដោយ

វត្តពុទ្ធសាសនាមួយក្នុងប្រទេសថៃកំពុងស្ថិតក្រោមការស៊ើបអង្កេត បន្ទាប់ពីអាជ្ញាធរបានរកឃើញសាកសពជាង ៤០ នៅលើទីតាំងដែលត្រូវបានគេចោទប្រកាន់ថាបានប្រើសម្រាប់ធ្វើសមាធិ។ នេះបើយោងតាមការចេញផ្សាយរបស់សារព័ត៌មានCNAនៅថ្ងៃទី២៥ខែវិច្ឆិកានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីប៉ូលិសជាន់ខ្ពស់ម្នាក់បានប្រាប់ AFP ថា សាកសពមនុស្សចំនួន៤១នាក់ត្រូវបានរកឃើញនៅវត្ត Pa Nakhon Chaibovorn ក្នុងខេត្ត Phichit របស់ប្រទេសថៃកាលពីថ្ងៃសៅរ៍។ លោកបានបន្តថា៖«សាកសពត្រូវបានភ្ជាប់ជាមួយលិខិតមរណភាពនិងលិខិតប្រគល់សព» ដោយលោកបានបន្ថែមថា រហូតមកដល់ពេលនេះមិនមានការចោទប្រកាន់ណាមួយត្រូវបានធ្វើឡើងនៅឡើយទេ។

កន្លងមក ទំព័រហ្វេសប៊ុកមួយនៅខេត្ត Kamphaeng Phet បានបង្ហោះអំពីសកម្មភាពមិនធម្មតានៅវត្តមួយ រួមទាំងការអះអាងពីការប្រើប្រាស់សាកសពក្នុងការប្រតិបត្តិខាងវិញ្ញាណ ទើបជំរុញឲ្យអាជ្ញាធរស៊ើបអង្កេត។ សាកសពមិនត្រូវបានផ្លាស់ទីឡើយរហូតដល់អត្តសញ្ញាណរបស់ពួកគេត្រូវបានបញ្ជាក់ដោយការស៊ើបអង្កេតដែលធ្វើនៅថ្ងៃទី ២៥ ខែវិច្ឆិកានេះ។ ដំណើរការនេះនឹងទាមទារឱ្យមានមន្ត្រីមួយក្រុមធំ ដោយសារចំនួនសាកសពច្រើន។

ប៉ូលិសកំពុងទាក់ទងទៅសាច់ញាតិនៃអ្នកស្លាប់ដើម្បីបញ្ជាក់ថា សាកសពត្រូវបានបរិច្ចាគដោយឆន្ទៈឬយ៉ាងណា។ ខណៈមន្ត្រីសុំមិនបញ្ចេញឈ្មោះបាននិយាយថា៖ «យើងកំពុងព្យាយាមធ្វើឱ្យប្រាកដថាគ្មានសាកសពណាមួយត្រូវបានគេលួចនោះទេ តែក្នុងនោះមានសាកសពស្លាប់២៣នាក់បានស្លាប់ក្នុងភ្លើងឆេះរថយន្តសាលានៅប្រទេសថៃ។

គួរបញ្ជាក់ថា ការស្រាវជ្រាវនេះបានធ្វើឡើងប៉ុន្មានថ្ងៃបន្ទាប់ពីប៉ូលិសបានរកឃើញសាកសពចំនួន១២នៅវត្តមួយផ្សេងទៀតក្នុងខេត្ត Kamphaeng Phet ដែលនៅជិតខាងកាលពីថ្ងៃពុធ។ នេះបើយោងតាមប្រព័ន្ធផ្សព្វផ្សាយក្នុងស្រុកថៃ។

បើយោងតាមព្រះចៅអធិការ ព្រះនាម Saifon Phandito បានប្រាប់ទូរទស្សន៍ Thai PBS ថា ការប្រើប្រាស់សាកសព គឺជាផ្នែកមួយនៃ«បច្ចេកទេសសមាធិ» ដែលព្រះអង្គបានបង្កើត។ ព្រះអង្គមានសង្ឃដីកាថា «អ្នកដែលមករៀនជាច្រើនគឺជាអាចារ្យ និងព្រះសង្ឃទាំងអស់នេះ ឆ្លងកាត់ចំណេះដឹងនៃការធ្វើសមាធិនេះ»។

ព្រះអង្គថា៖«អាត្មាភាពមិនដឹងថាមានមនុស្សប៉ុន្មាននាក់បានប្រើបច្ចេកទេសរបស់អាត្មានោះទេ»។ ព្រះអង្គក៏បានមានសង្ឃដីកាប្រាប់ស្ថានីយទូរទស្សន៍ក្នុងស្រុកមួយទៀតថា «អ្នកធ្វើសមាធិនៅក្នុងព្រះពន្លាគឺធ្វើជាមួយមឈូសផ្ទុកសាកសព»។

មកដល់ពេលនេះ ពួកគេកំពុងធ្វើការជាមួយអាជ្ញាធរក្នុងខេត្តផ្សេងទៀត ដើម្បីស៊ើបអង្កេតថាតើការអនុវត្តកាសមាធិនេះរីករាលដាលប៉ុណ្ណា៕