ព័ត៌មានជាតិ

មន្ទីរពេទ្យបង្អែកខេត្តកំពង់ស្ពឺ ផ្តល់ជូនការពិនិត្យ និងព្យាបាលបកបាយភ្នែក ដោយឥតគិតថ្លៃរយៈពេល ១ខែ

បានផុស

១ year មុន

នៅ

ថ្ងៃអង្គារ ៤ មីនា ២០២៥

ដោយ

មន្ទីរពេទ្យបង្អែកខេត្តកំពង់ស្ពឺ ប្រកាសឱ្យពលរដ្ឋមកទទួលការពិនិត្យ និងព្យាបាលបកបាយភ្នែក ដោយឥតគិតថ្លៃរយៈពេលមួយខែពេញ ចាប់ពីថ្ងៃទី៣ ខែមីនា ដល់ថ្ងៃទី៤ ខែមេសា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ពលរដ្ឋ ដែលមានបញ្ហាគំហើញថយចុះ ទាក់ទងនឹងជំងឺឡើងបាយភ្នែក អាចទៅទទួលការពិនិត្យ និងព្យាបាលបកបាយភ្នែក ជុំទី២ ដោយឥតគិតថ្លៃ មន្ទីរពេទ្យបង្អែកខេត្តកំពង់ស្ពឺ ជាមួយនឹងក្រុមគ្រូពេទ្យស្ម័គ្រចិត្តមកពីប្រទេសចិន (Gx foundation)។ ការពិនិត្យព្យាបាលនេះ ធ្វើឡើងនៅរៀងរាល់ថ្ងៃច័ន្ទ ដល់ថ្ងៃសុក្រ (ថ្ងៃសម្រាក ថ្ងៃបុណ្យមិនធ្វើការ) ។

ភ្នែកឡើងបាយ គឺជាជំងឺដែលកើតនៅលើកែវភ្នែក ដែលស្ថិតនៅក្រោយកូនក្រមុំ ដោយកែវភ្នែក ដែលមានភាពថ្លាច្បាស់ បែរជាមានភាពស្រអាប់ ឬឡើងពណ៌ស ជាហេតុបណ្តាលឱ្យពន្លឺ និងរូបភាពមិនអាចឆ្លងកាត់ទៅចំកន្លែងចាប់រូបភាព នៅបាតភ្នែកបានធ្វើឱ្យគំហើញមានការថយចុះ។

ក្នុងករណីមិនបានទទួលការព្យាបាលភ្នែកឡើងបាយឱ្យបានត្រឹមត្រូវ និងទុកឱ្យបាយភ្នែកទុំខ្លាំងពេក អ្នកជំងឺអាចមានផលវិបាកដូចជា ងងឹតភ្នែកទាំងស្រុង, រលាកឈឺចុកចាប់ក្នុងភ្នែក និងឈឺក្បាលខ្លាំង ក្នុងករណីមានការឡើងនូវសម្ពាធទឹកក្នុងភ្នែក ឬកើតជាជំងឺទឹកដក់ក្នុងភ្នែក ដែលបង្កដោយបាយភ្នែក។ រលាកបាតភ្នែក ឬរបើកបាតភ្នែក ក្នុងករណីមានការដាច់ធ្លាក់កែវភ្នែក ដែលមានឡើងបាយទៅក្នុងផ្នែកខាងក្រោយនៃភ្នែក៕