ភ្ញៀវទេសចរជិត ២៤ លាននាក់ ដើរលេងកម្សាន្តក្នុងឱកាសចូលឆ្នាំខ្មែរ ៣ ថ្ងៃ រាជធានី-ខេត្ត ៥ ច្រើនជាងគេ

កម្ពុជាទទួលបានភ្ញៀវទេសចរជិត ២៤ លាននាក់ (២៣ ៩៩៧ ៤៤១) នៅក្នុង​រយៈពេល ៣ ថ្ងៃនៃពិធីបុណ្យ​ចូលឆ្នាំថ្មីប្រពៃណីជាតិចាប់ពីថ្ងៃទី ១៤-១៦ ខែមេសា ឆ្នាំ ២០២៥ កើនឡើង ៩,៩% ធៀបនឹង​រយៈពេលដូចគ្នានៅឆ្នាំ២០២៤ ក្នុងនោះភ្ញៀវទេសចរជាតិ​មានចំនួន ២៣ ៨៦២ ៣៥១ នាក់ និងអន្តរជាតិប្រមាណ ១១៥ ០៩០ នាក់។ នេះបើតាមរបាយការ​ណ៍របស់ក្រសួងទេសចរណ៍ចេញផ្សាយនៅថ្ងៃទី ១៧ ខែមេសា ឆ្នាំ ២០២៥។

រាជធានី-ខេត្តចំនួន ៥ ទទួលបានភ្ញៀវទេសចរច្រើនជាងគេ គឺរាជធានីភ្នំពេញ ខេត្តសៀមរាប កំពង់ចាម ព្រៃវែង និងខេត្តបាត់ដំបង។

យោងតាមបាយការណ៍ រាជធានីភ្នំពេញទទួលបានភ្ញៀវទេសចរច្រើនជាងគេ ក្នុងឱកាសបុណ្យចូលឆ្នាំ​ដោយមានអ្នកចូលរួមលេងកម្សាន្តចំនួន ២ ៨៦៣ ៩២២ នាក់ ក្នុងនោះមានទេសចរជាតិ ២ ៨៣៦ ១៩៩ នាក់ និងទេសចរបរទេស ២៧ ៧២៣ នាក់។

ខេត្តសៀមរាប ទទួលបានភ្ញៀវទេសចរចំនួន ២ ៧៥២ ៨១៨ នាក់ ក្នុងនោះទេសចរជាតិចំនួន ២ ៧៤០ ០០០ នាក់ និងទេសចរបរទេស ១២ ៨១៨ នាក់។ ខេត្តកំពង់ចាម ទទួលបានភ្ញៀវទេសចរជាង ២ ៧៤៨ ២២៨ នាក់ ក្នុងនោះទេសចរជាតិប្រមាណ ២ ៧៤៧ ៨៧៥ នាក់ និងទេសចរបរទេស ៣៥៣ នាក់។

ខេត្តព្រៃវែងទទួលបានភ្ញៀវទេសចរ ២ ៣៩៤ ៣៤៣ នាក់ ក្នុងនោះទេសចរជាតិចំនួន ២ ៣៩៤ ៣២១ និងទេសចរបរទេសចំនួន ២២ នាក់។

ខេត្តបាត់ដំបងទទួលបានភ្ញៀវទេសចរ ១ ៧៤១ ៧៩៥ នាក់ ក្នុងនោះទេសចរជាតិចំនួន ១ ៧៣៨ ៩០៦ នាក់ និងទេសចរបរទេសចំនួន ២ ៨៨៩ នាក់៕

របាយការណ៍ស្ថិតិទេសចរណ៍ខាងក្រោម៖