កីឡា

ឯកឧត្តម ឌី វិជ្ជា បង្ហាញគម្រោងពង្រីកកីឡដ្ឋានខេត្តស្វាយរៀងបន្ថែម

បានផុស

១ ថ្ងៃ មុន

នៅ

ថ្ងៃចន្ទ ២១ មេសា ២០២៥

ដោយ

នៅព្រឹកថ្ងៃទី២១ ខែមេសា ឆ្នាំ២០២៥នេះ ឯកឧត្តម ឌី វិជ្ជា ប្រធានក្លិបបាល់ទាត់ព្រះខ័នរាជស្វាយរៀង បង្ហាញគម្រោងពង្រីកកីឡដ្ឋានខេត្តស្វាយរៀង បន្ថែមដែលមើលទៅកាន់តែស្តង់ដាទំនើប និងធំទូលាយសម្រាប់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីខែកក្កដា ឆ្នាំ២០២៣ កីឡដ្ឋានខេត្តស្វាយរៀង ត្រូវបានពង្រីកបន្ថែមដើម្បីបំពេញទៅតាមតម្រូវការរបស់អ្នកទស្សនាផ្ទាល់ដែលកើនឡើងជាលំដាប់។ ការពង្រីកបន្ថែមនោះគឺបានបង្កើនកន្លែងអង្គុយជាង៣០០០កៅអីដែលសរុបទាំងកន្លែងអង្គុយចាស់គឺប្រមាណ៥០០០កៅអី ទីកន្លែងអាហារ និងភេសជ្ជៈ បន្ទប់ភ្ញៀវកិត្តិយសពិសេស (VIP Boxes) ថ្មី។ ដាំស្មៅធម្មជាតិថ្មី ដាក់ប្រព័ន្ធបាញ់ទឹកថ្មី និងកម្លាំងភ្លើងត្រូវបានបង្កើតរហូតដល់ ១២០០ lux។ នេះបើតាមការបញ្ជាក់ពីលោក Christopher អ្នកចាត់ការទូទៅរបស់ក្លិបព្រះខ័នរាជស្វាយរៀង។

ពីររដូវកាលចុងក្រោយ កីឡដ្ឋានខេត្តស្វាយរៀងទទួលបានអ្នកគាំទ្រចូលទស្សនាផ្ទាល់កើនឡើងរហូតក្លាយជាទីកន្លែងដែលមានអ្នកគាំទ្រចូលទស្សនាផ្ទាល់ច្រើនជាងគេបំផុតក្នុងកីឡដ្ឋាននៃលីគបាល់ទាត់កំពូលកម្ពុជាទាំងអស់។ ទោះបីជាយ៉ាងណា កំណើនអ្នកគាំទ្រ និងតម្រូវការរៀបចំការប្រកួតពានរង្វាន់អន្តរជាតិគឺជាអ្វីដែលថ្នាក់ដឹកនាំក្លិបកំពុងគិតគូរនាពេលអនាគត។

លោក Christopher បានបញ្ជាក់ដល់សារព័ត៌មាន«កម្ពុជាថ្មី»នៅព្រឹកថ្ងៃទី២១ ខែមេសាថា នេះគ្រាន់តែគម្រោងប្លង់ដែលត្រៀមប៉ុណ្ណោះ ប៉ុន្តែមិនទាន់មានព័ត៌មានលំអិតផ្លូវការឡើយ។

សូមបញ្ជាក់ថា កីឡដ្ឋានខេត្តស្វាយរៀងត្រូវបានសាងសង់ និងបើកជាផ្លូវការកាលពីឆ្នាំ២០១៥ ដែលផ្ទុកអ្នកគាំទ្របានចំនួន២១៥០នាក់ប៉ុណ្ណោះកាលពីដំបូង ប៉ុន្តែរហូតដល់ពេលនេះកាន់តែធំទូលាយ៕