កីឡា

មុនចាកចេញ ភរិយាយរបស់កីឡាករ Patrick មានតែពាក្យ«កម្ពុជាអស្ចារ្យបំផុត»

បានផុស

២ ខែ មុន

នៅ

ថ្ងៃព្រហស្បតិ៍ ២៨ ឧសភា ២០២៦

ដោយ

អ្នកស្រី Carol Ribeiro ដែលជាភរិយារបស់កីឡាករ Patrick Robson បានពោលពាក្យ«អស្ចារ្យបំផុត»ចំពោះប្រទេសកម្ពុជាដែលជាកន្លែងក្រុមគ្រួសាររបស់អ្នកស្រីរស់នៅប្រមាណមួយឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្នាក់នៅកម្ពុជាមួយឆ្នាំនេះ ភរិយារបស់ Patrick Robson បានចាត់ទុកជាការរស់នៅប្រកបដោយសុភមង្គលបំផុតទាំងជីវិតរបស់ប្តីនៅលើទីលាន និងទាំងជីវិតក្រុមគ្រួសារនៅក្រៅទីលាន។ ប្រជាជនកម្ពុជាផ្តល់សេចក្តីស្រឡាញ់ រាក់ទាក់ និងស្វាគមន៍យ៉ាងកក់ក្តៅបំផុតដែលធ្វើឲ្យអ្នកស្រីមិនធ្លាប់ជួបនៅក្នុងជីវិតពីមុនមកក។

អ្នកស្រី Carol Ribeiro បានរៀបរាប់ថា ៖«ថ្ងៃនេះ ខ្ញុំនិយាយលាមនុស្សចិត្តល្អបំផុតដែលខ្ញុំមិនធ្លាប់ជួបគឺ ប្រជាជនកម្ពុជា អ្នកគាំទ្រ ព្រះខ័នរាជស្វាយរៀង។ ការរស់នៅកម្ពុជាគឺជាបទពិសោធជីវិតដ៏អស្ចារ្យបំផុតរបស់ពួកយើងដែលខ្ញុំមិននឹកស្មានថា មានសុភមង្គលបំផុត។ ខ្ញុំមិនធ្លាប់គិតថា ទទួលបានការរាប់អានយ៉ាងល្អ។ ប្រជាជនកម្ពុជាពិតជាអស្ចារ្យបំផុតដែលខ្ញុំនិយាយថា គឺជាមនុស្សល្អបំផុតដែលខ្ញុំមិនធ្លាប់ជួបនៅក្នុងជីវិត»។

អ្នកស្រីបានបន្តថា ៖«ខ្ញុំសូមអរគុណចំពោះក្តីស្រឡាញ់ និងការគាំទ្រចំពោះខ្ញុំ និងក្រុមគ្រួសារ។ អ្នកគឺជាមនុស្សដ៏អស្ចារ្យបំផុត ហើយខ្ញុំនឹងចងចាំនៅក្នុងបេះដូងជារៀងរហូត។ សូមអធ្យាស្រ័យផងសម្រាប់អ្វីមួយ ហើយក៏សូមទោស បើមានអ្វីធ្វើឲ្យអ្នកមិនសប្បាយចិត្ត។ សូមកុំគិតថា ពួកយើងចាកចេញ ដោយសារតែយើងមិនមានក្តីស្រឡាញ់ចំពោះអ្នក ប៉ុន្តែនៅក្នុងបាល់ទាត់ មានឱកាសច្រើន ដូច្នេះយើងខ្ញុំត្រូវតែធ្វើការសម្រេចចិត្ត»។

«ជាថ្មីម្តងទៀត! សូមអររគុណសម្រាប់ការទទួលយើងខ្ញុំយ៉ាងកក់ក្តៅ! យើងខ្ញុំស្រឡាញ់អ្នកទាំងអស់គ្នា ហើយសង្ឃឹមថា នឹងបានជួបអ្នកទាំងអស់គ្នាទៀត។ សូមអរគុណដោយស្មោះអស់ពីចិត្ត»។ ភរិយារបស់ Patrick បានបន្ថែម។

សូមបញ្ជាក់ថា កីឡាករប្រេស៊ីល Patrick Robson បានចូលរួមជាមួយ ព្រះខ័នរាជស្វាយរៀង កាលពីថ្ងៃទី៤ ខែមិថុនា ឆ្នាំ ២០២៥ និងបានចាកចេញនៅថ្ងៃទី២៦ ខែឧសភា ឆ្នាំ ២០២៦ បន្ទាប់ពីបានជួយឲ្យក្លិបឈ្នះជើងឯក ៣ នៅក្នុងស្រុក និងទទួលបានចំណាត់ថ្នាក់លេខ ២ ពានរង្វាន់ AFC Challenge League។ រូបគេបានក្លាយជាតួដ៏សំខាន់ និងជាខ្សែប្រយុទ្ធស្លាបឆ្វេងដ៏ល្អបំផុតក្នុងប្រវត្តិសាស្ត្ររបស់ ព្រះខ័នរាជស្វាយរៀង។ ទោះបីជាយ៉ាងណា នៅរដូវកាលថ្មី ២០២៦-២៧ ពួកគេបានសម្រេចចិត្តចាកចេញពីកម្ពុជាដើម្បីចូលរួមជាមួយក្លិប Persib Bandung នៅប្រទេសឥណ្ឌូណេស៊ី៕