កីឡា
កីឡដ្ឋានខេត្តស្វាយរៀង នឹងរួចរាល់សម្រាប់រដូវកាលថ្មី ផ្ទុកអ្នកគាំទ្របានជាង ៧ ពាន់នាក់
បន្ទាប់ពីចំណាយពេលសាងសង់រយៈពេលមួយរដូវកាល កីឡដ្ឋានខេត្តស្វាយរៀង នឹងរួចរាល់សម្រាប់រដូវកាលថ្មី ឆ្នាំ ២០២៦-២៧ ដែលគ្រោងនឹងចាប់ផ្តើមនៅខែសីហា។
លោក Christopher Grant អ្នកចាត់ការក្លិបបាល់ទាត់ព្រះខ័នរាជស្វាយរៀង បានប្រាប់ថា ៖«កីឡដ្ឋានខេត្តស្វាយរៀង នឹងរួចរាល់សម្រាប់ការចាប់ផ្តើមប្រកួតរដូវកាលថ្មី។ ការកសាងថ្មីនេះកន្លែងអង្គុយអាចផ្ទុកអ្នកទស្សនាផ្ទាល់បានប្រមាណ ៧៥០០នាក់ និងមានកន្លែងមួយចំនួនទៀតត្រូវបានសាងសងថ្មី»។
លោកធ្លាប់បានប្រាប់ការចាប់ផ្តើមកសាងថា ៖«បន្ទប់ភ្ញៀវពិសេស (VIP) មានចំនួន ១២។ ស្មៅធម្មជាតិកម្រិតស្តង់ដាដូចរដូវកាលមុន ប៉ុន្តែដាក់ស្មៅធម្មជាតិជប៉ុន និងប្រព័ន្ធរំដោះទឹកថ្មី។ បង្កើនកម្លាំងថាមពលអគ្គិសនីបន្ថែម ជាមួយអំពូលភ្លើង LED ថ្មី ដែលមានកម្រិត LUX of 1,400+ ស្របទៅតាមស្តង់ដារបស់សហព័ន្ធកីឡាបាល់ទាត់អាស៊ី»។
កីឡដ្ឋានខេត្តស្វាយរៀង ជាទីកន្លែងដែលមានអ្នកគាំទ្រចូលទស្សនាផ្ទាល់ជារៀងរាល់រដូវកាល និងមានចំនួនកើនឡើងជាលំដាប់ ដូច្នេះហើយបានជាក្លិបសម្រេចកសាងថ្មីដើម្បីបំពេញទៅតាមតម្រូវការអ្នកទស្សនាដែលកើនឡើងជាលំដាប់។
អ្វីដែលកាន់តែពិសេសទៀតនោះ ក្លិបព្រះខ័នរាជស្វាយរៀង កសាងកីឡដ្ឋានថ្មីដើម្បីមានកម្រិតស្តង់ដាដែលអាចរៀបចំធ្វើម្ចាស់ផ្ទះការប្រកួតពានរង្វាន់អន្តរជាតិបាន។ សម្រាប់រដូវកាលថ្មី ព្រះខ័នរាជស្វាយរៀង មានភារកិច្ចប្រកួតពានរង្វាន់ចំនួនគឺ ពានរង្វាន់ក្នុងស្រុក ៣ មានដូចជា ខេមបូឌានស៊ុបភើខាប់ លីគកំពូលកម្ពុជា និងពានសម្តេចតេជោ ហ៊ុន សែន ខណៈពានអន្តរជាតិមាន ២ គឺ ពានក្លិបជើងឯកអាស៊ីលំដាប់ទី២ AFC Champions League Two និងពានក្លិបអាស៊ានលំដាប់ទី១ ASEAN Club Championship។
ទោះបីជាយ៉ាងណា នៅមិនទាន់ច្បាស់ថា កីឡដ្ឋានខេត្តស្វាយរៀង អាចត្រូវបានទទួលស្គាល់ពីសហព័ន្ធកីឡាបាល់ទាត់អាស៊ី (AFC) ដើម្បីឲ្យរៀបចំធ្វើម្ចាស់ផ្ទះការប្រកួតពានរង្វាន់អន្តរជាតិឬយ៉ាងណានោះទេសម្រាប់រដូវកាលក្រោយ ត្រូវរង់ចាំរួចរាល់ និងវាយតម្លៃពីអ្នកជំនាញជាមុនសិន។
កីឡដ្ឋានខេត្តស្វាយរៀង ធ្លាប់ត្រូវបានកសាងពង្រីកបន្ថែម ២ លើកមក បន្ទាប់ពីចាប់ផ្តើមសាងសង់លើកដំបូងនៅឆ្នាំ ២០១៥។ ដំបូងឡើយ ទីកន្លែងអង្គុយអាចផ្ទុកបានប្រមាណ ២០០០នាក់ ប៉ុន្តែការពង្រីកបន្ថែមលើកទី២ អាចផ្ទុកអ្នកទស្សនាបានប្រមាណ ៤០០០នាក់ ហើយលើកទី៣នេះ គឺជាកសាងថ្មីតែម្តងសម្រាប់អគារជុំវិញ រាប់ទាំងកន្លែងអង្គុយ បន្ទប់ក្រុមកីឡាករ បន្ទប់ក្រុមការងារ បន្ទប់ភ្ញៀវពិសេស បន្ទប់សន្និសីទសារព័ត៌មាន ក៏ដូចជាទីកន្លែងដាក់តាំងពានរង្វាន់ វត្ថុអនុស្សាវរីយ៍ សម្លៀកបំពាក់ និងអាហារជាដើម៕
អត្ថបទ៖ វិរបុត្រ
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៥ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ