ចេញហើយជម្រើស ១១ នាក់ល្អបំផុតប្រចាំ UCL រដូវកាលនេះ ខណៈ Yamal ក៏មានឈ្មោះ

សហគមន៍កីឡា​បាល់ទាត់​អឺរ៉ុប (UEFA) បានបញ្ចេញជម្រើស ១១ នាក់ល្អបំផុតប្រចាំពានរង្វាន់ក្លិប​កំពូល​អឺរ៉ុប​ UEFA Champions League សម្រាប់រដូវកាល ២០២៤-២០២៥ ខណៈខ្សែប្រយុទ្ធវ័យ ១៧ ឆ្នាំរបស់ Barcelona កីឡាករ Lamine Yamal ក៏មានឈ្មោះផងដែរ។

ជាការពិត ការប្រកួតប្រជែងក្នុងពាន UCL រដូវកាលនេះ បានបញ្ចប់ជាស្ថាពរហើយ ដោយក្រុមជើងឯកបានទៅលើក្រុម Paris Saint-Germain បន្ទាប់ពីពួកគេបានយកឈ្នះលើក្រុម Inter Milan នៅវគ្គផ្តាច់ព្រ័ត្រក្នុងលទ្ធផល ៥-០ កាលពីយប់រំលងអាធ្រាត្រថ្ងៃសៅរិ៍ ឈានចូលថ្ងៃអាទិត្យ ទី ១ ខែ មិថុនា កន្លងទៅ។

ងាកមកចាប់អារម្មណ៍ជាមួយជម្រើស ១១ នាក់ល្អបំផុតប្រចាំពាន UCL នៅរដូវកាលនេះវិញ ក៏បានរកឃើញហើយដែរ ដោយភាគច្រើនសុទ្ធតែជាកីឡាកររបស់ PSG ពោលរហូតដល់ទៅ ៧ នាក់ឯណោះ។ ដោយឡែកក្រុមផ្សេងៗទៀត មានកីឡាករ Barcelona ២ នាក់, Arsenal ១ នាក់ និង Inter Milan ១ នាក់។

ខាងក្រោមនេះ គឺជាជម្រើស ១១ នាក់ល្អបំផុតប្រចាំពាន UCL៖

អ្នកចាំទី៖ Gianluigi Donnarumma (Paris Saint-Germain)

ខ្សែការពារ៖ Achraf Hakimi (Paris Saint-Germain), Marquinhos (Paris Saint-Germain), Alessandro Bastoni (Inter), Nuno Mendes (Paris Saint-Germain)

ខ្សែបម្រើ៖ Vitinha (Paris Saint-Germain), Declan Rice (Arsenal)

ខ្សែប្រយុទ្ធ៖ Lamine Yamal (Barcelona), Désiré Doué (Paris Saint-Germain), Ousmane Dembélé (Paris Saint-Germain), Raphinha (Barcelona)៕

អត្ថបទ៖ សេម កុសល