ព័ត៌មានអន្ដរជាតិ
នាយករដ្ឋមន្ត្រីស្តីទីថៃ ថា លោកមិនទៅណាឆ្ងាយពីក្រសួងការពារជាតិទេ
ក្រោយការស្បថចូលកាន់ដំណែងជារដ្ឋមន្ត្រីក្រសួងមហាផ្ទៃ ដោយប្តូរពីរដ្ឋមន្ត្រីក្រសួងការពារជាតិ លោគ ភុមថាំ វិច្ឆាយ៉ាឆៃ (Phumtham Wechayachai) ដែលបានកាន់តំណែងជានាយករដ្ឋមន្ត្រីស្តីទីរបស់ប្រទេសថៃ បានបង្ហោះរូបភាពនៃការលាមន្ត្រីនៃក្រសួងការពារជាតិជាទីដែលលោកធ្លាប់បម្រើការងារជាង៩ខែ ដោយអះអាងថា លោកមិនទៅណាឆ្ងាយពីក្រសួងការពារជាតិឡើយ។
នៅក្នុងសារដែលបង្ហោះតាមបណ្តាញសង្គមហ្វេសប៊ុកផ្ទាល់ខ្លួន លោក វិច្ឆាយ៉ាឆៃ ដែលឡើងកាន់តំណែងជាឧបនាយករដ្ឋមន្ត្រី និង រដ្ឋមន្ត្រីក្រសួងមហាផ្ទៃ ព្រមទាំងកាន់តួនាទីជានាយករដ្ឋមន្ត្រីស្តីទី បានអះអាងថា លោកនឹងមិនទៅណាឆ្ងាយពីក្រសួងការពារជាតិនោះទេ គឺនៅតែស្ថិតនៅក្នុងចង្កោមនៃកិច្ចការសន្តិសុខដដែលទេ។
«ទោះបីថ្ងៃនេះខ្ញុំលែងធ្វើជារដ្ឋមន្ត្រីក្រសួងការពារជាតិហើយ ប៉ុន្តែខ្ញុំមិនបានទៅណាទេ។ ខ្ញុំនៅតែបន្តធ្វើជាឧបនាយករដ្ឋមន្ត្រីសន្តិសុខ ដែលនៅតែបន្តមើលការខុសត្រូវក្រសួងការពារជាតិដូចធម្មតា។ បេសកកម្ម ឯកសារ ឬបញ្ហាណាមួយដែលត្រូវបង្ហាញជូនគណៈរដ្ឋមន្ត្រី ឬការសម្របសម្រួលពាក់ព័ន្ធនឹងរដ្ឋាភិបាល ខ្ញុំត្រៀមខ្លួនជាស្រេចដើម្បីជួយយ៉ាងពេញលេញ»។
លោក វិច្ឆាយ៉ាឆៃ បានកាន់តួនាទីជានាយករដ្ឋមន្ត្រីស្តីទី បន្តពី ឧបនាយករដ្ឋមន្ត្រី និងជារដ្ឋមន្ត្រីក្រសួងដឹកជញ្ជូន លោក Suriya Juangroongruangkit ដែលកាន់តួនាទីជានាយករដ្ឋមន្ត្រីស្តីទីត្រឹម២ថ្ងៃ បន្ទាប់ពីនាយករដ្ឋមន្ត្រី ផែថងថាន ស៊ីណាវ៉ាត្រ ត្រូវបានតុលាការធម្មនុញ្ញព្យួរតួនាទីដោយសារបណ្តឹងរបស់បណ្តឹងរបស់ព្រឺទ្ធសមាជិក៣៦រូប។
លោក វិច្ឆាយ៉ាឆៃ នឹងបន្តកាន់តួនាទីជានាយករដ្ឋមន្ត្រីស្តីទី រហូតដល់តុលាការធម្មនុញសម្រេចជាផ្លូវការលើករណីរបស់លោកស្រីផែថងថាន ស៊ីណាវ៉ាត្រ ក្នុងករណីតុលាការធម្មនុញ្ញរកមិនឃើញកំហុសរំលោភក្រមរដ្ឋធម្មនុញ្ញថៃ ហើយបញ្ចូលនាយករដ្ឋមន្ត្រីផែថងថានទៅកាន់តួនាទីវិញ ឬក៏ត្រូវរង់ចាំរហូតដល់ប្រទេសមាននាយករដ្ឋមន្ត្រីថ្មីជំនួសឲ្យលោកស្រីផែថងថាន តាមរយៈការបោះឆ្នោតក្នុងសម្ព័ន្ធគណបក្សក្នុងរដ្ឋាភិបាលចម្រុះ ឬក៏ត្រូវរំលាយសភា រួចរៀបចំការបោះឆ្នោតជាថ្មី។
នៅក្នុងសារចុងក្រោយ នាយករដ្ឋមន្ត្រីស្តីទីថៃ បានសរសេរថា៖« សូមរួមគ្នាថែរក្សាអធិបតេយ្យភាពជាតិ និងសុវត្ថិភាពសាធារណៈឱ្យបានល្អបំផុត»៕
រ៉ាន់ រើយ
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ