កីឡា

សែន រ៉ាដេត៖ បើតាំងចិត្តជាអ្នកប្រយុទ្ធត្រូវស្មោះត្រង់ កុំខ្លួនជាប្រយុទ្ធ តែចិត្តជាកុមារី…

បានផុស

១ ថ្ងៃ មុន

នៅ

ថ្ងៃពុធ ១៦ កក្កដា ២០២៥

ដោយ

អ្នកលេងគុនខ្មែរ សែន រ៉ាដេត បាននិយាយទៅកាន់កីឡាករមួយចំនួនបើតាំងចិត្តជាអ្នកប្រយុទ្ធហើយត្រូវស្មោះត្រង់ចំពោះការធ្វើទម្ងន់តាមការកំណត់ឲ្យបានត្រឹមត្រូវជៀសវាងប្រើលេសនេះលេសនោះនៅពេលថ្លឹងទម្ងន់ជាដើមដែលនេះបង្ហាញពីចិត្តកំសាកមិនសមជាកីឡាករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេក រ៉ាដេត

សែន រ៉ាដេត បានធ្វើវីដេអូបង្ហោះថា ក្នុងនាមម្នាក់ៗជាកីឡាករសូមមានភាពស្មោះត្រង់ចំពោះរឿងទម្ងន់ខ្លួនឯង ដូចជាត្រូវប្រកួត ៥១-៥៤-៥៧ ជាដើមដល់ថ្ងៃថ្លឹងទម្ងន់គឺធ្វើយ៉ាងណាឲ្យគ្រប់ទៅតាមការកំណត់របស់ស្ថានីយ ឬខាងសហព័ន្ធ។

រូបភាពលើផេក រ៉ាដេត

អ្នកប្រដាល់មកពីខេត្តកោះកុងរូបនេះលើកឡើងទៀតថា មានកីឡាករខ្លះត្រូវប្រកួតទម្ងន់ ៥៤ ប៉ុន្តែនៅពេលឡើងថ្លឹងបែរជាលើសរហូតដល់ជាង ៥៦គីឡូក្រាមទៅវិញ។ ទង្វើរទាំងនេះហើយដែលមិនមានយុទ្ធត្តិធម៌ចំពោះដៃគូប្រកួតម្ខាងទៀតសោះ។ តាមស្ថានីយ និងសហព័ន្ធប្រដាល់គុនខ្មែរគឺបានកំណត់ហើយ ប៉ុន្តែកីឡាករមួយចំនួនមិនបានគោរពតាមនោះឡើយ។

រូបភាពលើផេក រ៉ាដេត

ប្អូនប្រុសរបស់ សែន រ៉ាឌី បានផ្ដាំផ្ញើចំៗទៅកាន់កីឡាករមួយចំនួនថា «ប្រសិនបើតាំងខ្លួនជាអ្នកប្រយុទ្ធហើយ សូមធ្វើចិត្តឲ្យសមជាអ្នកប្រយុទ្ធផង កុំតាំងខ្លួនជាអ្នកប្រយុទ្ធ ប៉ុន្តែចិត្តជាកុមារីទៅវិញ»។ បើសម្រក់ ឬធ្វើទម្ងន់មិនបានទេ សូមប្រកួតក្នុងទម្ងន់ដែលខ្លួនគិតថាអាចប្រកួតបានដោយមិនសម្រក់ទៅ។

សែន រ៉ាដេត និង សែន រ៉ាឌី

បញ្ជាក់ដែរថា វីដេអូដែលនិយាយអំពីរឿងទម្ងន់នេះ សែន រ៉ាដេត បានបង្ហោះកាលពីថ្ងៃទី១៥ ខែកក្ដដា ឆ្នាំ២០២៥ ម្សិលមិញនេះលើហ្វេសបុកផេករបស់ខ្លួន Sen Radeth (ទិន ឌិន)។ ចំពោះបញ្ហារឿងធ្វើទម្ងន់នេះក៏នៅតែមានជាបន្តបន្ទាប់ និងចោទជាបញ្ហាជានិច្ចមកដល់ពេលបច្ចុប្បន្ននេះ ដោយគ្រាន់តែមិនសូវមានការផ្សព្វផ្សាយច្រើនអំពីរឿងនេះ។ មានពេលខ្លះបញ្ហាលើសទម្ងន់នេះត្រូវចរចាសម្រួលគ្នាតាមជាក់ស្ដែងតែម្ដងដោយម្ចាស់កម្មវិធីមិនចង់ឲ្យខូចការប្រកួតដែលបានរៀបចំជាយូរមកហើយ៕

អត្ថបទដោយ៖ នួន ស៊ីណា